1 CHƆN 4:14 - Yataa 'a Dɔbɛnɛ Nama

¹⁴ A yɛ to, Fa Yataa‑a a 'a denɛ a na wan, min mbe a ma, a ni dunya kun ka. Nn‑na chɛ ɔ yen fan nn ya a, a sin, nn mbe koe ɔ yian fan, a si a ma.

1 CHƆN 4:14 ပူးပေါင်းရင်းမြစ်များ

CHƆN 1:14

An ni a wɛn chee, an dɔ, Bai, a na‑a ma wan mɔ gbu a, koadia chinchimaya faenɛ ɛ a faa a, a basan danaya a Yataa tena. A ni wan nn tɛ ɔ. Nn na‑a a ɔ yen fan, a kamayaen ni buɛ min dɔ, kamaya min ni a ɔ, a wan Fa Yataa 'a Den dɔndɔ gbe.

CHƆN 1:29

Mbɛ banda ɔ ka‑a kɛn, tee dɔndɔɛ ma, Chɔn‑na Chisɔsi yen na‑a a tena. Mbɛ a wan Chɔn dɔ, “Yataa 'a sa tɔngbɔɛ yen ko a na‑a, mɔɛ n 'na ko yama n gbɛɛ dunya ma, an mbe si ɔ min kun ma.

CHƆN 10:36

N tana, Fa an‑na n ya, a‑a n sɔ dunya chɛ ɔ. Chɛ an‑na a fɔ, wo ee kun, wo ni kunɛ si n kun ma, baa bɔ koe a a ma. Koe min na mu, n‑na a fɔ, n dɔ, a 'a denɛ mu n na.

CHƆN 12:47

Ni mɔ ɔ mɔ‑a a a min, n‑na bai miin fɔ, a sin, a ma a boo si ni an kɔɔ, n fan mbe ee na‑a kaa a tɛ‑a a mɔɛ chɛ ma, a ni tɔɔya. N na‑a dunya chɛ ɔ, mɔɛ n baun koe an na, chɛɛ an 'na tɔɔya koe ma.

CHƆN 3:11

N ni chɛ ma din i tena, mbɛ nn‑na koe miin dɔ sɔn, nn mbe koɔ a si an fan ma. A yɛ to, nn‑na koe miin dɔ yen, nn mbe siiya bɔ a si an fan ma. Chɛɛ chɛ gbɛɛ ɔ, wo dɔndɔ wɛɛ ma ma bɛn ni dan koe a nn 'na siiya a.

CHƆN 3:32

Mɔɛ min ka‑a banda bu ɔ, a tana, a‑a miin dɔ yen nɔ, a‑a miin na min, ɛ an fan dɔ yian. Chɛɛ chɛ gbɛɛ ɔ, mɔɛ n mbe ee an boo si a 'a sakana bai kɔɔ.

CHƆN 3:34

Mɔɛ chɛ, Yataa‑a min na na, an mbe a 'a bai sa. Koe min na mu, Yataa‑a a Nyina min na yii, a ni ma a fɛ, a da faen gban.

CHƆN 4:42

Mbɛ an dɔ musu chɛ ma, an dɔ, “I da a bai dechee an mbe ee a ma tena to, nn mbe nn kai fa tena a a. Chɛɛ koe min na mu, nn fandi gbu, nn‑na a da a bai a min. A sin, nn‑na a ɔ sɔn gbɛ, mbɛ a wan gbu mu dunya chɛ baun mɔɛ a.”

CHƆN 5:39

Wo e Yataa 'a gboo kan fan chɛndɛ chɛ, koe min na mu, ɛ wo yii ma, an mbe a ma‑a, wo ni kuɔ fɔ fɔɛ ma sɔn. Bai miin gbu sin nyɛnden mu gboo chɛ ɔ, an sien mu n fan ma.

CHISƆSI 'A SƆ MƆƐ NU 18:5

Sidasi an fea Timoti a, an na‑a kɛn a ka Masidonia chɛnyɛ ɔ, Pɔɔ‑a a 'a tima gbɛɛ be Yataa bai sa koe an na. A ni wan a fɔ tena Chu mɔɛ n ye, Chisɔsi an mu kunka mansa a.

1 PITA 5:12

N mbe ka gboo kunduenɛ min nyɛn‑da wo tena, Sidasi an mbe basan tena n ma. N 'na yiinachii ɔ, suun ma nyɔɛ mu a a, Chasi ɔ, n danden mu min na chɛndɛ chɛ. N toen mu n ni wo faa n ma nande, n ni a ɔ yian to wo a, mbɛ Yataa 'a koadia demanɛ gbu ɛ wan wo ko a. Wo wo boo a chii a ma gban.

1 CHƆN 4:10

An ma a fɔ ni, mbɛ mmɔ wan to‑a Yataa a, chɛɛ a wan to‑a dechee mmɔ a. Chɛ‑a a ma wan, a wan Yataa, a‑a a 'a den chɛ a na, a ni ma yasi a mmɔ 'a ko yama n ko a. Koadia chɛ mu chɛ an na.

1 CHƆN 5:9

Ni mmɔ ɛ dan fan mɔɛ n na, ni an‑na siiya bɔ mmɔ ye, a nyin fan mmɔ ni dan Yataa a, a ben mɔ gbu ma. Yataa wandi sin fan‑na siiya bɔ, a si a 'a denɛ Chisɔsi ma.