1 CHƆN 4:12 - Yataa 'a Dɔbɛnɛ Nama

¹² Kɛn gba, mɔ ɔ mɔ ma Yataa yen nin bɛ. Chɛɛ ni mmɔ to‑a mmɔ nyɔn na, mbɛ mmɔ ma‑a mɔ dɔndɔɛ a Yataa a. A sin, a 'a koadia kuu, a si‑a mmɔ faa ɔ chɛndɛ chɛ.

1 CHƆN 4:12 ပူးပေါင်းရင်းမြစ်များ

CHƆN 1:18

Mɔ ɔ mɔ ma Yataa yen nin bɛ. Chɛɛ a 'a Den dɔndɔ gbe, min fandi mu Yataa a, an fea an mbe min na tima ɔ tima, a‑a a ma, mɔɛ n‑na a Fa sɔn.

GBOO SAA KƆYINDI KO A 13:13

Chɛ ni ma wɛɛ ma‑a, ko sawa an fan mbe nɔ, miin mbe ma‑a nɔ tun. An mu kai fa an na Chisɔsi a, yiinatɛ a ma, ni a ko a dia koe a mmɔ ye. Ko sawa chɛ n tɛ, a kuu ba mu koadia an na.

1 TIMOTI 1:17

Tando ni ma gbɛ Mansa Wa tɔɛ ma, basɔmaya ni be a ma kuɔ fɔ, mansa min mbe ee fa, mɔ sin mbe ee a yen. Yataa dɔndɔ gbe mu an na. A ni ma ka.

1 TIMOTI 6:16

A dɔndɔ gbe an mbe ee fa kuɔ fɔ ko a, ɛ tun man ba an dɔ, mɔ ee che gbɛn‑da manɛ min ma, a sin mɔ ɔ mɔ ma a yen nin bɛ fɔɛ ɔ, mɔ sin mbe ee che a yen‑da. Basɔmaya fea kuɔ fɔ gbasaya ni ma a ma. A ni ma ka.

GBOO IBU MƆƐ N KO A 11:27

Mosisi na‑a a kai fa wan Yataa a, mbɛ a bɔ‑a Ichipi chɛnyɛ ɔ. A sin, chian bɛɛ nii a ɔ, a si mansa wa chɛ faa tɛ koe ma. A na‑a ma wan dechee, yɔ Yataa ni wan a ya kɔɔ, mɔ ɔ mɔ ee min yen. A sin na‑a a ma wan, a na‑a a faa bia.

1 CHƆN 2:5

Chɛɛ ni mɔ ɔ mɔ‑a a da a kuiɛ a min, an mɔɛ chɛ an mu mɔɛ a, min toen mu Yataa a tea tea ko a. Mmɔ ɛ a ɔ sɔn‑da ka wan, mbɛ mmɔ ma‑a mɔ dɔndɔɛ a Yataa a.

1 CHƆN 3:24

Mɔɛ miin mbe Yataa da a kuiɛ ma, an mbe ma wan mɔ dɔndɔya ɔ a a. A sin, Yataa wɛɛ, ɛ ma wan mɔ dɔndɔya ɔ an na. Mmɔ sin mbe a ɔ sɔn ka wan, mbɛ Yataa ɛ wan mmɔ dɔndɔya ɔ mmɔ a. Mmɔ ɛ a ɔ sɔn fan, koe min na mu, a Nyina ɛ mmɔ fɛ.

1 CHƆN 4:16

Mmɔ sin danden fan mu a a, mbɛ mmɔ ko a di wan Yataa ye. Yataa mu koadia Yataa an na. A sin, mɔ ɔ mɔ min mbe to‑a mɔ dɔ mende n na, a ma‑a mɔ dɔndɔɛ a, an fea Yataa a. Yataa wɛɛ, a ma‑a mɔ dɔndɔɛ a, an fea an mɔɛ chɛ a.

1 CHƆN 4:20

Ni mɔ ɔ mɔ‑a a fɔ, mbɛ a toen fan mu Yataa a, chɛɛ a ma to ni a suun ma nyɔɛ a, ɛ ka fania an fɔ‑a. Koe min na mu, mɔ ɔ mɔ min ma to ni a suun ma nyɔɛ a, ɛ min yen tee ɔ tee a, a mɔɛ chɛ ee che to‑a Yataa a, a ee min yen.

1 CHƆN 4:6

Chɛɛ nn tana, nn mbe Yataa an ko a. Chia chɛ a mu, mmɔ ɛ tɛ bɔɛ sɔn mɔɛ ma, Yataa Nyina min mbe tea ɔ yian, ɛ min fɛ, an tɛ mɔɛ a, fania fɔ nyina gbama ɛ min fɛ. Mɔ ɔ mɔ min‑na Yataa sɔn, ɛ a too ma sɔ wan nn ma. Chɛɛ mɔɛ min mbe ee Yataa ko a, a mɔɛ chɛ ee a too ma sɔ nn ma.