1 CHƆN 4:1 - Yataa 'a Dɔbɛnɛ Nama

¹ N dia nyɔɛ nu, wo ma dan mɔɛ n gbɛɛ a, miin mbe a fɔ‑a, mbɛ Yataa Nyina ɛ wan an fɛ. Wo an mɔɛ chɛ n fɔ bai ma mɛn pɛn, min mbe a ma, wo ni a ɔ sɔn, ni Yataa Nyina an mbe an fɛ tea ko a. Wo chɛ ma, koe min na mu, fania fɔ mɔɛ n sɛsɛ fasanden mu a ɔ, an mbe an fandi ya‑a Yataa 'a gbonka chɛ mɔɛ n na.

1 CHƆN 4:1 ပူးပေါင်းရင်းမြစ်များ

MAKI 13:21

“Chɛɛ ni mɔ ɔ mɔ‑a a fɔ i ye, a ɔ, i ya a na wɛ, i ni mmɔ kun ka mansa yen nɛ, i ma dan a a. Ni mɔ ɔ mɔ‑a a fɔ, a ɔ, a yen ko pan, i ma dan a wɛɛ a.

DUKU 12:57

“A nyin fan wo wandi ni a ɔ sɔn, koe min nyin a ma koe a wo boo ɔ.

DUKU 21:8

Mbɛ Chisɔsi ɔ, “Wo wo kun ma fɛn, an ma na wo woo. Koe min na mu, mɔ sɛsɛ mbe na‑a wan n tɔɛ ɔ, an mbe a fɔ‑a wan, an dɔ, an fan mu Chasi a, kunka mansa. Mbɛ an‑na a fɔ to, an dɔ, tima gbu, an che‑a ka. Chɛɛ wo ma bea an fɛ.

CHISƆSI 'A SƆ MƆƐ NU 17:11

Mɔɛ miin ni Bɛyia, an ta mɔya kɔ ni gbɛ, a ben chɛ n ma, miin ni Tɛsadonika. Koe min na mu, a ma bɛndenɛ ni, an too ma sɔ koe a Yataa 'a bai ma. Pɔɔ ni ma koɔ‑a tee ɔ tee a, an ni Yataa 'a gboo ma mɛn fan, a ɔ sɔn koe a, ni tea mu.

CHISƆSI 'A SƆ MƆƐ NU 20:29

N‑na a ɔ sɔn fan, mbɛ ni n ta‑a, fania kan chɛ mɔɛ n mbe na‑a wan n gbaa. An mbe ma‑a wan, yɔ nya fenɛ nu wo tɛ ɔ, a sin, an mbe ee sai bɔ‑a, wo 'a mɔɛ n na.

GBOO SAA KƆYINDI KO A 12:10

A Nyina dɔndɔ gbe chɛ, an mbe gbasaya be mɔɛ dɔndɔɛ ma, kamaya koe n ma koe a. Mbɛ a‑a a be to dɔndɔɛ sin ma, Yataa bai sa koe a. Mbɛ a yɛ‑a to, gbasaya min mbe a ma, mɔɛ ni nyina n tɛ bɔɛ sɔn, a‑a a be dɔndɔɛ wɛɛ ma. Kamaya bai n fɔ koe wɛɛ to, miin dɔ ee gbɛ ka dechee, ɛ a be wan mɔɛ dɔndɔɛ ma. Mbɛ a yɛ‑a, an kamaya bai chɛ n fasai koe, a‑a a gbasaya sin be mɔɛ dɔndɔɛ nan ma.

GBOO SAA KƆYINDI KO A 14:29

Mɔ fea, chɛ ma, mɔ sawa, an fan mbe Yataa 'a sakana bai ɔ yian. Mɔɛ tɔɛ chɛ n sin, an mbe ma nɔ a tɛnsɛ koe an na, an ni tachɛ chɛndɛ.

Gboo Saa Tɛsadonika Ko A 5:20

Yataa ɛ a 'a sakana bai min be mɔɛ n ma, a ɔ yian koe a wo a, wo ma ban an bai chɛ n dɔ.

Gboo Saa Tɛsadonika Ko A 5:21

Chɛɛ wo an gbɛɛ ma fɛn bɛ, min nyin, mbɛ wo‑a wo boo a chii a ma.

GBOO FEAN BƆƐ TƐSADONIKA KO A 2:2

Nn ma to ni wo 'a fiienɛ ni ma, a si a ma. Wo ma don faagbaa ɔ, ni mɔɛ dɔ n‑na a fɔ wo ye, mbɛ Mansa Chisɔsi na tee wa gbu che‑a. Kɔkɔɛ ɛ wan an mɔɛ chɛ n yii ma, mbɛ nn na‑a chɛ fɔ wo ye chia chɛ an na. A ni ma kɔɛ tima chɛ a, nn ni bai chɛ fɔ tena tima min na, Yataa na‑a min fɔ nn ye, a fɔ koe a mɔɛ n ye. Chɛ ma, tima chɛ a, da ɔ sakana gbama mu, nn‑na min na ben gboo nyɛndenɛ ɔ.

1 TIMOTI 4:1

Chɛɛ Yataa Nyina ɔ, tima ɛ che‑a wan mɔɛ n ni sɛmbɛ dan koe a Chisɔsi Chasi a, mbɛ an bea nyina yama da a kuiɛ fɛ, a basan fania kanɛ a.

2 TIMOTI 3:13

A sin, mɔ yama nu, ni kankancha tɔɛ nu, an kun ma ɛ chɛ‑a wan tun tun. An mbe mɔɛ n na bea‑a wan, a sin mbe ma‑a an fandi wɛɛ a da bea an na.

2 PITA 2:1

Chɛɛ mɔ sɛsɛ n bɛɛ bɔ‑a wan suun, Isɔɛɛ mɔɛ n tɛ ɔ, an‑na fania fɔ, mbɛ Yataa 'a gbonka chɛ mɔɛ mu an na. A chia dɔndɔ gbe chɛ a mu, fania kan chɛ mɔɛ n mbe bɔ‑a wo wɛɛ tɛ ɔ. An mbe fania kanɛ chɛ‑a wan, min mbe na kasaa a. An mbe mansa chɛ kɔɔsa bia wan, a wɛn‑na an kun ka. Chɛ sin fan mbe a ma‑a, an ni na kasaa a an fandi kun ma.

1 CHƆN 2:18

N 'na denɛ nu, mmɔ ɛ ka gbɛ tee dankama tee an kɔɔ, Chisɔsi Chasi na koe a to. A na‑a a fɔ wan wo ye, mbɛ Chasi chɛɛ ma nyɔɛ ɛ na tena wan, ɛ bɔ‑a mɔ gbu n tɛ ɔ wan. Sanche chɛ ɔ, a chɛɛ ma nyɔɛ n‑na an kun na bɔ. Chɛ an mbe a ɔ yian mmɔ a, mbɛ tee dankama tee che‑a.

1 CHƆN 2:7

N dia nyɔɛ nu, n mbe ee ka sawa nama an nyɛn tena wo tena, chɛɛ sawa kɔma mu. Wo boo ɔ sawa kɔma dɔndɔ gbe chɛ nu mu, a ka sakana bai chɛndɛ chɛ a min tima saa saa ma. Sawa kɔma chɛ mu sakana bai chɛ an na, wo na‑a min na min tee.

2 CHƆN 1:7

Fania fɔ mɔɛ sɛsɛ n mbe ben tena dunya ɔ. Mɔɛ nu, miin mbe ee dɔn a ma, mbɛ Chisɔsi Chasi na‑a wan dunya chɛ ɔ, mɔgbuya ɔ. An mɔ bonda chɛ nu, mɔ bun mɔɛ mu an na, Chasi chɛɛ ma nyɔɛ nu.

3 CHƆN 1:11

N dia nyɔɛ, i ma bea mɔɛ n fɛ, miin mbe ko yama ma. Chɛɛ bea chɛ n fan fɛ, miin mbe ko chɛndɛ ma. Mɔ ɔ mɔ min mbe koe ma min nyin, Yataa 'a mɔɛ mu. Chɛɛ mɔ ɔ mɔ min mbe koe ma, min ma nyin, a ma Yataa sɔn.

KO Ɔ NUNDENƐ 2:2

A ɔ, “N‑na ko ɔ ko kan kɔ kan dɔ sɔn fan a si wo ma. N‑na a ɔ sɔn fan, wo‑a min chɛ Ɛfisɔsi chɔchi ɔ. A yɛ to, n‑na a ɔ sɔn fan, wo e fɔɛ min nyɔn sima a tachɛ tena. N‑na a ɔ sɔn fan to, wo e wo faa bia tena buɛ min dɔ Chisian wai ɔ. N danden fan mu a a, mbɛ wo ee che wo boo si‑a mɔ yama n kɔɔ. Chɛɛ mɔɛ chɛ nu, miin mbe an fandi chee n 'na sɔ mɔɛ n na, wo‑a an dɔ siman fan. Mbɛ wo‑a a ɔ yen, mbɛ fania fɔ mɔ gbama mu an na.