1 CHƆN 3:8 - Yataa 'a Dɔbɛnɛ Nama

⁸ Sitana ɛ wan ko yama ma‑a tun, a ka dunya kuu sɔ tima ma. Chɛ an fɛ mu, mɔɛ chɛ min mbe a boo a chii‑a ko yama ma, Sitana 'a mɔɛ mu. Yataa 'a denɛ sin na‑a, min mbe a ma, a ni an Sitana 'a wai a fasan.

1 CHƆN 3:8 ပူးပေါင်းရင်းမြစ်များ

MATIU 12:28

N mbe ee nyina yama n gbain tena mɔɛ n fɛ Bɛɛsɛbu 'a gbasaya ɔ. Chɛɛ n mbe an gbain tena Yataa Nyina 'a gbasaya an dɔ. Chɛ‑a a ɔ yian fan, mbɛ Yataa 'a mansaya ɛ gbɛ wo tɛ ɔ.”

MATIU 13:38

Sɛnɛ chɛ mu dunya chɛ an na. Chin fen suu chɛndɛ chɛ mu mɔɛ n fan na, miin mbe Yataa 'a mansaya kɔɔ. Bin chɛ n mu mɔɛ chɛ n fan na, miin mbe an nyina yama Sitana fɛ.

MATIU 4:3

Mbɛ yiimayan chɛ na‑a a tena, a ɔ, “Ni Yataa 'a denɛ gbu mu i a, a ma wɛ senɛ chɛ n ni mun biidi a.”

MAKI 1:24

a ɔ, “Chisɔsi, Nasaɛti mɔɛ, i ma nn tɔɔ. I na‑a nn kasaa koe an na? N‑na a ɔ sɔn fan, i mu mɔɛ min na. I wan mu mɔɛ a tenchen, Yataa‑a min sɔ, a 'a wai chɛ koe a.”

DUKU 10:18

Mbɛ Chisɔsi ɔ, “N‑na Sitana yen fan bea‑a a ka banda bu ɔ, yɔ banda manɛ.

CHƆN 12:31

Tima an che‑a ka gbɛ sanche, Yataa ni kaa a tɛ dunya chɛ wakoe ma. Sanche chɛ ɔ, nyina yama min 'na mansaya ɛ dunya chɛ ɔ, a a bea tima an nɛ.

CHƆN 16:11

An sin ma a ɔ sɔn, kaa chɛ a tɛ‑a buɛ min dɔ. Koe min na mu, Yataa ban‑da kaa a tɛ‑a Sitana wakoe ma, min mbe dunya chɛ kun ma.

CHƆN 8:44

Sitana wandi gbu, an mu wo fa a. A sin, wo e bea tena koe chɛ n fan fɛ, wo fa toen mu miin na. Suun gba wɛ, mɔ fa mɔɛ mu a a, a sin tima ee a boo ɔ tea ko a. Koe min na mu, tea ma bɔ nin bɛ a da ɔ tee dɔndɔɛ wɛɛ. Ni a ma‑a fania fɔ‑a tima ɔ tima, ɛ ma ka dɔn‑da a tɔɛ gbu an ma. Koe min na mu, fania fɔ mɔ dechee ma a a, chɛɛ fania fa mu a a.

GBOO DOMI KO A 16:20

A sin dɔ ee yansan tena to, Yataa min mbe faachima be mmɔ ma, mbɛ a kun‑da Sitana ma wo ko a. Mansa Chisɔsi ni wo dua.

Gboo Ɛfisɔsi Ko A 2:2

An tima chɛ a, wo ni tachɛ tena wan, wo 'a fɔɛ ɔ, wo beaenɛ ɛ dunya chɛ ɔ mɔɛ n ta chia fɛ. Nyina yama n ya ɔ sɔɛ, dunya chɛ ɔ, gbasaya ɛ min boo ɔ ben‑da banda a, wo beaen ni an fɛ. An nyina chɛ, sanche chɛ ɔ, an mbe wai chɛ tena mɔɛ n na, miin mbe ee dɔn an too ma sɔ koe a Yataa ma.

Gboo Kɔdɔsai Ko A 2:15

An kɔn gbengbanden chɛ ma, Chasi‑a a ma wan, nyina yama n 'na gbasaya ban‑da. A‑a an nyina yama chɛ n ma wan tɔmɔsi a, fanka ɔ den, mbɛ a wan Chasi, a kun‑da an ma.

1 TIMOTI 3:16

Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.

GBOO IBU MƆƐ N KO A 2:14

Chɛ an fɛ mu gbɛ, den chɛ nu, mɔ gbu gbama gbama mu an na. An fɛ mu, a wandi wɛɛ, a na‑a ma wan to mɔ gbu a, min mbe a ma, a ni fa. A 'a saya chɛ sin mbe a ma‑a wan, a ni Sitana kasaa, gbasaya ɛ ka min boo ɔ saya ko a.

GBOO IBU MƆƐ N KO A 9:26

A ni ma‑a chɛ ma‑a, a ni na‑a wan fa‑a, gba sɛsɛ ko a, a ka dunya kuu sɔ tima ma. Chɛɛ sanche gbɛ, dunya e na to ban‑da, Chasi bɔ‑a mɔɛ n tɛ, gba dɔndɔ gbe ko a, a sin, a danka an nɛ. A na‑a a wandi be wan, mɔɛ n bɔ koe a ko yama n dɔ.

2 PITA 2:4

Mmɔ‑a a ɔ sɔn fan, mbɛ Yataa nii ma maeka chɛ n boo ka ni, miin na‑a ko yama ma. Chɛɛ a na‑a an na dɛ wan ta ɔ. An chiienɛ ɛ wan nɔ yɔɔɛ a, kaina ɔ pimbienɛ ɔ, an mbe an gbɛmbo tee ma kɔnɛ a.

1 CHƆN 1:2

A wɛn tɔ mu ka Fɔɛ, a na‑a kɛn dunya chɛ ɔ, a ma na ni nun dɔ. Nn gbɛɛ, nn‑na a yen fan, nn sin mbe koe ɔ yian fan, a si a ma. Mbɛ nn‑na a wakoe ɔ yian wo a, a wɛn mu kuɔ fɔ Fɔɛ a. An fea ni mmɔ Fa Yataa a, a sin fan‑na a yian nn na.

1 CHƆN 3:10

Yataa 'a denɛ nu, ni Sitana 'a denɛ nu, mmɔ ɛ na tena an tɛ bɔɛ sɔn‑da ka wan. Mɔɛ min mbe ee tan‑da, Yataa 'a den ma a mɔɛ chɛ a, n mbe ee baa mɔɛ chɛ ma, min ma to ni a suun ma nyɔɛ a.

1 CHƆN 3:5

Chɛɛ wo‑a a ɔ sɔn fan, mbɛ Chisɔsi na‑a, min mbe a ma, a ni tɔɔya ka mmɔ kun ma, mmɔ 'a ko yama n ko a. A sin tana, a ma ko yama kan kɔ kan ma ni.

1 CHƆN 5:19

Mmɔ tana, mmɔ‑a a ɔ sɔn fan, mbɛ Yataa 'a denɛ mu mmɔ a. Mbɛ a sin, dunya tɔɛ gbɛɛ, an mbe a wan Sitana 'a gbasaya an kɔɔ.

CHUDA 1:6

Koe chɛ wɛɛ to‑a wan wo yii ma, a si maeka chɛ n bɛɛ ma, miin faa nii ma chima ni an 'na sɔ tena a banda bu ɔ. An na‑a a boo ka wan, mbɛ an bɔ‑a nɔ. Chɛ ko a, Yataa‑a a ma wan, an chii‑a yɔɔɛ a kuɔ fɔ ko a, pimbi pimbi ɔ. Yataa sin 'na gbasaya ɔ, an mbe ma tena nɔ wan chii chɛ ɔ, aan tee chɛ ni che, gbɛmbo tee wa chɛ. An tee chɛ ma mu, Yataa ɛ kaa a tɛ‑a an bakoe ma.

KO Ɔ NUNDENƐ 20:10

Nyina yama n 'na mansa chɛ sin, min na‑a an bun ka, a a dɛ‑a wan ta man ba chɛ ɔ, sen gbandima wa chɛ ni ka min dɔ. Ta chɛ ɔ ni, an‑na soe yama chɛ a dɛ min dɔ, an fea fania fɔ mɔɛ chɛ a, min ni a wandi ya Yataa 'a gbonka chɛ mɔɛ a. Su ɔ tee a, an gbɛɛ sin mbe ma‑a tɔɔya an dɔ, ta chɛ ɔ, kuɔ fɔ ko a.

KO Ɔ NUNDENƐ 20:15

A sin, mɔ ɔ mɔ min tɔɛ nii ma bɔ ni gboo chɛ ɔ, mɔɛ miin‑na kuɔ fɔ fɔɛ ma sɔn, an tɔɛ ɛ gboo min dɔ, an mɔɛ chɛ a dɛ‑a wan ta man ba ɔ.