1 CHƆN 3:7 - Yataa 'a Dɔbɛnɛ Nama

⁷ N 'na denɛ nu, wo tima ya, mɔɛ n ma na wo bun. Mɔɛ min mbe tea koe ma, mɔ tandenɛ mu an na Yataa tena, yɔ Chisɔsi tanden mu buɛ min dɔ.

1 CHƆN 3:7 ပူးပေါင်းရင်းမြစ်များ

MATIU 5:20

N mbe a fɔ tena wo ye, mbɛ wo ee don‑da Yataa 'a mansaya kɔɔ, mɔɔ ni wo‑a wo sɔɛ don Yataa faa ma koe ma koe a, a ben Chu n 'na sawa kan mɔɛ chɛ n ma, an bɛ Fayisii n na.”

DUKU 1:75

Yataa ɛ a ma‑a wan to, mmɔ ni mmɔ wandi gbɛɛ be a ma, mbɛ mmɔ tan‑da a tena mmɔ fɔɛ gbɛɛ ɔ.

CHISƆSI 'A SƆ MƆƐ NU 10:35

Chɛɛ mɔ gbu kan kɔ kan dunya chɛ ɔ, i wɛn mbe chian Yataa ma, mbɛ i‑a a faa ma koe ma, ɛ a boo si‑a wan i mɔɛ chɛ kɔɔ.

GBOO DOMI KO A 2:13

An ma a fɔ ni, mbɛ sawa chɛ, a a min koe dechee an mbe a ma, mɔɛ ni ma mɔ tandenɛ a Yataa tena. Chɛɛ mɔɛ min mbe a a min‑da, mbɛ a tachɛ‑a a a chɛndɛ chɛ, Yataa ɛ an ya‑a mɔ tandenɛ a.

GBOO SAA KƆYINDI KO A 6:9

Wo‑a a ɔ sɔn fan pɛnɛnɛ, mbɛ mɔɛ chɛ n mbe ee don Yataa 'a mansaya kɔɔ, mɔɛ miin mbe ko yama ma. Wo ma wo wandi woo. An mɔɛ chɛ n fan nɛ, miin mbe waa yama ma basanɛ a, ni miin mbe fɛnɛ n fai miin ma Yataa a. Chɛ ma, miin mbe waa ma basan an bɔ kai n na, an bɛ chɛ n na, miin mbe waa ma basan an bɔɛ n ta si nyɔɛ n na.

Gboo Ɛfisɔsi Ko A 5:6

Koe chɛ nu, an fan mbe a ma, Yataa ɛ faatɛ a bɔ mɔɛ chɛ n ma, miin mbe ee a kuiɛ ma. Mɔ ɔ mɔ kan kɔ kan, a ma daɔdia bai gbama n fɔ wo ye, wo bun koe a.

Gboo Ɛfisɔsi Ko A 5:9

Koe min na mu, a ɔ ɛ yen ka wan, mbɛ mɔɛ ɛ wan manɛ kɔɔ. Mɔ ɔ mɔ min mbe manɛ chɛ kɔɔ, ɛ ko chɛndɛ an ma tea tea ɔ, a sin, a tanden mu Yataa tena.

Gboo Fiipai Ko A 1:11

Chisɔsi Chasi 'a gbasaya ɔ, wo sɔnɛ a dondandenɛ ni ma. Chɛ an mbe ma tando a, Yataa tena, a basan basɔmaya a.

GBOO IBU MƆƐ N KO A 1:8

Chɛɛ a 'a denɛ wakoe tana, Yataa‑a a fɔ wan a 'a gboo ɔ, a ɔ, “Yataa mu i a, i 'a mansaya danka ee ma‑a, kuɔ fɔ ni kuɔ fɔ ko a. A sin, e gbasaya a tachɛ‑a wan i 'a mɔɛ n kun ma, teaya ɔ.

GBOO IBU MƆƐ N KO A 7:2

A sin, fenɛ gbɛɛ, Ebeami ka‑a miin na an chɛɛ chɛ ɔ, a na‑a an du wan, si tena tanɛ a, mbɛ a‑a si tena dɔndɔ be Mɛchisɛdɛki chɛ ma. An mu mɔɛ saa a, ni mmɔ‑a mmɔ yii na chii a tɔɛ fasai ma, mbɛ an mu mansa a, min tanden mu. An mu kɛn to mansa a, Saden, min fasaien mu, faa chima mansa.

CHIMISI 1:22

A sin ni ma wo yii ma, mbɛ sakana bai chɛ ma bea dechee wo too an dɔ, wo ni wo wandi bun. Chɛɛ Yataa 'a bai chɛ‑a min fɔ, wo an ma.

CHIMISI 2:19

Wo dandenɛ mu a a, mbɛ Yataa ɛ dɔndɔ gbe. Chɛ ma a kun wo ko a. Nyina yama n bɛɛ, an danden fan mu chɛ a, an sin mbe samba wan, a ma chianɛ a.

1 PITA 2:24

Chisɔsi Chasi wandi gbu‑a mmɔ 'a ko yama n ya wan a gboo ɔ, a ta kɔn gbengbandenɛ ma, a‑a mɔnɛ ɔ bia an ko a nɔ. A na‑a chɛ ma, min mbe a ma, ni ko yama ma koe mu to, mbɛ mmɔ su mu gbɛ. Mmɔ ɛ gbɛ fɔɛ chɛndɛ an dɔ. Magba min chɛ‑a a a, an‑na a ma, wo‑a bauncha ma sɔn.

1 CHƆN 2:1

N 'na denɛ nu, n mbe gboo chɛ nyɛn tena wo tena, min mbe a ma, wo ma na dɛ ko yama ɔ. Chɛɛ ni mmɔ dɔndɔ wɛɛ dɛen fan mu gbɛ ko yama ɔ, mɔɛ ɛ wan mmɔ boo ɔ, min mbe koɔ mmɔ Fa Yataa tena mmɔ ko a. A mɔɛ chɛ mu Chisɔsi Chasi an na, a wɛn tanden mu Yataa tena gbeden.

1 CHƆN 2:26

N mbe bai chɛ n gbɛɛ nyɛn tena wo tena, a sien mu mɔɛ chɛ n fan ma, miin toen mu an ni wo bun.

1 CHƆN 2:29

Wo‑a a ɔ sɔn fan, mbɛ Chisɔsi tanden fan mu Yataa tena. A sin mbe nyan fan gbɛ, wo ni a ɔ sɔn, mbɛ mɔ ɔ mɔ min tanden mu, Yataa 'a denɛ mu a a.

1 CHƆN 3:18

N 'na denɛ nu, mmɔ 'a koadia, a ma ma dechee bai n na, mmɔ ɛ miin fɔ. A ni ma tea koadia a, min dɔ ɛ yian mmɔ chɛ chɛ wai an dɔ.

1 CHƆN 3:3

A sin, mɔ ɔ mɔ, danaya chɛ ɛ min dɔ a ko a, a mɔɛ chɛ ee dɔn a ni a boo chɛ ko yama kan kɔ kan dɔ. Koe min na mu, Chisɔsi ee a boo chɛ ko yama ɔ.

1 CHƆN 4:17

Ni Yataa 'a koadia kuu si‑a mmɔ faa ɔ, ni mmɔ tachɛ‑a fɔɛ ɔ yɔ Chisɔsi‑a a ma buɛ min dɔ, mmɔ faa ee gbaa, a si gbɛmbo tee ma Yataa boo ɔ.