1 CHƆN 3:4 - Yataa 'a Dɔbɛnɛ Nama

⁴ Mɔ ɔ mɔ min mbe ko yama ma, Yataa 'a sawa yɔn mɔɛ mu. Koe min na mu, ko yama ma, a mu Yataa 'a sawa yɔnɛ an na.

1 CHƆN 3:4 ပူးပေါင်းရင်းမြစ်များ

MATIU 5:19

Mɔɛ min mbe sawa chɛ pɛɛ ɛnden bɛɛ yɔn‑da, ɛ ta‑a mɔɛ n kan‑da a yɔn koe ma, a ee nyan‑da a ko a. Yataa ɛ a mɔɛ chɛ ma‑a wan mɔ pɛɛ ɛndenɛ a, mɔ gbu n tɛ, miin mbe na‑a don‑da a 'a mansaya kɔɔ. Chɛɛ mɔɛ min mbe bea‑a sawa chɛ fɛ, a ni mɔ dɔ mende n kan a a, ɛ nyan‑da wan a ko a. Yataa ɛ a mɔɛ chɛ ma‑a mɔ chenama an na, mɔ gbu n tɛ, miin mbe na‑a don‑da a 'a mansaya kɔɔ.

CHISƆSI 'A SƆ MƆƐ NU 23:3

Mbɛ Pɔɔ‑a a fɔ, a ɔ, “Yataa wɛɛ, ɛ i da ɔ gbasi‑a wan, i nɛnɛn fea ti chɛ. E si ɔ pan, kaa a tɛ koe an na, yɔ mmɔ 'a sawa, a‑a a fɔ buɛ min dɔ. Chɛɛ chɛ gbɛɛ ɔ, sawa chɛ ma min fɔ ni, e ka an ma‑a, a fɔ koe a, i ɔ, an ni n gbasi.”

GBOO DOMI KO A 3:20

Koe min na mu, ni mɔɛ toen mu Yataa ni a ya mɔ tandenɛ a, sawa a tachɛ koe a gbee a, an mbe ee a ma chɛ ni ma. Chɛɛ sawa chɛ ɛ koe min ma, ɛ a ma wan mɔɛ n ni a ɔ sɔn, mbɛ ko yama ma mɔɛ mu mmɔ a.

GBOO DOMI KO A 4:15

Yataa faa ɛ tɛ wan, ni mɔɛ‑a a 'a sawa yɔn, a na‑a min be Mosisi ma. Chɛɛ ni sawa kan kɔ kan mbe ee kaina min, sawa yɔn mbe ee ma nɔ.

GBOO FEAN BƆƐ KƆYINDI KO A 12:21

N faa gbaaenɛ mu, mbɛ ni n yɛ‑a to nɔ wo tena, n 'na Yataa ɛ a ma‑a wan, a ni n ma yii, wo ya kɔɔ. A sin, n mbe na‑a di chɛ‑a wan, a si mɔɛ chɛ n sɛsɛ wakoe ma, miin na‑a ko yama ma, an sin ma an kan kɔ sɔ ni ko yama ma a. An 'na ko tɛ chɛ, min danka ee ka.

CHIMISI 5:15

An mɔɛ chɛ n 'na samunɛ, danaya ɔ, ɛ a ma‑a wan, Mansa Yataa ni an mɔɛ chɛ baun, a ni a kɔɔ sɔ gbandi chɛ ɔ. Ni a sin na‑a ko yama kan kɔ kan ma, Yataa ɛ a boo bɔ‑a wan a ɔ. A mu min na, an‑na a ɔ yian, mbɛ an kai faen fan mu Yataa a.