1 CHƆN 3:21 - Yataa 'a Dɔbɛnɛ Nama

²¹ N dia nyɔɛ nu, ni mmɔ ma ma ni faagbaa ɔ, mmɔ 'a ko yama ko a, mmɔ kunɛ kɔɔ sɔenɛ ɛ ma‑a wan Yataa chen kɔɔ.

1 CHƆN 3:21 ပူးပေါင်းရင်းမြစ်များ

GBOO DOMI KO A 14:22

Ko ɔ ko kan kɔ kan, wo danden mu min na, a si koe chɛ n ma, a ni ma dechee wo tɛ ɔ, wo bɛ Yataa an na. A sin, mɔɛ min yii a koen mu, a si a chɛ chɛ wai ma, a duaenɛ an mbe ma.

GBOO SAA KƆYINDI KO A 4:4

N yiima a koenɛ mu fion. Chɛ ma a yian ni, mbɛ ko yama ma mɔ ma n na. Mansa Chisɔsi dɔndɔ gbe an mbe kaa a tɛ, a si n ma.

GBOO FEAN BƆƐ KƆYINDI KO A 1:12

Nn mbe yonka tɛ ko dɔndɔ gbe an na, nn gbu sin yii na koen mu an na dechee. An nɛ, mbɛ nn mbe fɔɛ min dɔ dunya chɛ ɔ, a bɛbɛɛ nn tachɛ buɛ wo tena, mbɛ Yataa fɔɛ mu, tea ɛ min dɔ. Nn mbe chɛ ma tena Yataa 'a duaya an dɔ, mɔgbuya ta yiimatɛ ɔ ma.

Gboo Ɛfisɔsi Ko A 3:12

Mmɔ kai faen fan mu a a, an fɛ mu, mmɔ dɔndɔɛ mu mmɔ a, mmɔ bɛ a a. Chia a kaen fan mu mmɔ ya ɔ Yataa tena, mmɔ sin mbe sɔ wan a chen kɔɔ, chian mbe ee ma mmɔ ya a.

1 TIMOTI 2:8

Ɛ n ta faa ɔ, mbɛ mɔ kaima nu kan kɔ kan an ni samunɛ chɛ Yataa tena. Ni an sin ma‑a a chɛ‑a, an tandenɛ ni ma, an faa ee tɛ, an mbe ee koɛ wɛɛ chɛ.

GBOO IBU MƆƐ N KO A 10:22

Chɛ an fɛ mu, mmɔ na Yataa baima, faa chɛndɛ a, a yɛ to, mmɔ kai faenɛ a a gban. Mmɔ faa ɔ gbɛenɛ ni ma, mmɔ yiima a koenɛ ɛ fo, mmɔ gboo wɛɛ ma koenɛ, mmɔ gbɛenɛ fo.

GBOO IBU MƆƐ N KO A 4:16

Chɛ ko a gbɛ, mmɔ ma sika, mmɔ ma na koe a Yataa 'a mansaya sea tena, koadia demanɛ ma ɛ sɔn kaina min. Chɛ an mbe a ma‑a, a ni chinchin mmɔ ma, mbɛ mmɔ‑a a 'a koadia demanɛ ma sɔn, tima min na mmɔ toenɛ ɛ ma‑a demanɛ a.

1 CHƆN 2:28

N 'na denɛ nu, tea ko a, wo wo boo a chii, ma koe a mɔ dɔndɔɛ a, wo bɛ a a. Chɛ ɛ a ma‑a wan, mmɔ kunɛ kɔɔ sɔenɛ ni ma a tena, mmɔ ee na‑a mmɔ ya kɔɔɛ nun‑da a ma tima chɛ a, ɛ na‑a to tima min na.

1 CHƆN 2:7

N dia nyɔɛ nu, n mbe ee ka sawa nama an nyɛn tena wo tena, chɛɛ sawa kɔma mu. Wo boo ɔ sawa kɔma dɔndɔ gbe chɛ nu mu, a ka sakana bai chɛndɛ chɛ a min tima saa saa ma. Sawa kɔma chɛ mu sakana bai chɛ an na, wo na‑a min na min tee.

1 CHƆN 3:2

N dia nyɔɛ nu, Yataa 'a denɛ mu gbɛ mmɔ a. A sin, mmɔ ma chɛ ɔ gbɛ nin bɛ, mmɔ ɛ ma‑a buɛ min dɔ ya ɔ ma. Chɛɛ mmɔ‑a a ɔ sɔn fan, mbɛ ni Chisɔsi na‑a to, mmɔ ɛ ma‑a wan yɔ a wan. Koe min na mu, mmɔ ɛ a ma gbɛ‑a wan gbadan, yɔ ɛ buɛ min dɔ.

1 CHƆN 3:20

mmɔ faa gbaaenɛ ni ma wɛɛ, mmɔ 'a ko yama n ko a. Yataa benden mu mmɔ 'a ko yama n ma, a sin‑na ko ɔ ko sɔn fan.

1 CHƆN 4:17

Ni Yataa 'a koadia kuu si‑a mmɔ faa ɔ, ni mmɔ tachɛ‑a fɔɛ ɔ yɔ Chisɔsi‑a a ma buɛ min dɔ, mmɔ faa ee gbaa, a si gbɛmbo tee ma Yataa boo ɔ.

1 CHƆN 5:14

Danaya wa chɛ an mbe mmɔ ɔ Yataa chen kɔɔ, mbɛ ni mmɔ‑a samunɛ chɛ fen kɔ fen ko a, min‑na a faa chima, mbɛ ɛ mmɔ 'a samunɛ a min fan.