1 CHƆN 3:20 - Yataa 'a Dɔbɛnɛ Nama

²⁰ mmɔ faa gbaaenɛ ni ma wɛɛ, mmɔ 'a ko yama n ko a. Yataa benden mu mmɔ 'a ko yama n ma, a sin‑na ko ɔ ko sɔn fan.

1 CHƆN 3:20 ပူးပေါင်းရင်းမြစ်များ

CHƆN 21:17

A gba sawan bɔɛ ɔ, a ɔ, “Kai Chɔn 'na denɛ Saimɔn, n ko a di wan i ye?” Chɛ nɛnɛ ɔ, Pita faa yɔn‑da wan, Chisɔsi ni sɔ ɔ tisa min chɛ‑a a a, ni a ko a di wan a ye. Chɛ ko a, mbɛ a ɔ, “Mansa, i‑a ko ɔ ko ɔ sɔn fan. I‑a a ɔ sɔn fan, i ko a di buɛ min dɔ n ye.” Mbɛ Chisɔsi ɔ, “N fɛ mɔɛ n kun ma fɛn, yɔ an mbe sa n kun ma fɛn buɛ min dɔ.”

CHƆN 8:9

A tima chɛ a gbɛ, mɔɛ chɛ miin gbɛɛ na‑a a da a bai chɛ a min, an bun‑da an fandi kanka‑a dɔndɔ dɔndɔɛ a. Chenanɛ n pɛn tuin‑da, mbɛ a tɔɛ n‑na a sɔ an fɛ. Chisɔsi ma gbaaenɛ to‑a nɔ, an fea an musu chɛ a sɔ ɔ tun.

CHISƆSI 'A SƆ MƆƐ NU 5:33

Chɛɛ Chu kuti wa chɛ‑a bai chɛ a min kɛn, Chisɔsi 'a sɔ mɔɛ chɛ n‑na min fɔ, an faa tɛ‑a wan aan. Chɛ‑a a ma wan, an‑na a ɔ bɛn an fa koe a.

GBOO DOMI KO A 8:34

Mɔ ɔ mɔ ee nɔ min mbe kaa a tɛ, a si an mɔɛ chɛ n tɔɔya koe ma. Chisɔsi Chasi an fa‑a mmɔ ko a, chɛ ma, an kɔɔ sɔ‑a a ka saya ɔ, mbɛ a yɛ‑a to fɔɛ ɔ. A sin, ɛ si ɔ kaina ma bɛndenɛ Yataa boo nyima ɔ. Ɛ wan tun koɔ‑a Yataa tena mmɔ ko a.

GBOO SAA KƆYINDI KO A 4:4

N yiima a koenɛ mu fion. Chɛ ma a yian ni, mbɛ ko yama ma mɔ ma n na. Mansa Chisɔsi dɔndɔ gbe an mbe kaa a tɛ, a si n ma.

TAITƆSI 3:11

Koe min na mu, i‑a a ɔ sɔn fan, mbɛ mɔ bonda chɛ ma tan ni, a sin na ko yama maenɛ an mbe a ma konan tena Yataa tena.

GBOO IBU MƆƐ N KO A 4:13

A sin, Yataa chen kɔɔ, fen kɔ fen mbe ee nɔ, min mbe nun a ma. Chɛɛ ko ɔ ko kan kɔ kan, an mbe wan sa ɔ den, a ya kɔɔ. Mmɔ gbɛɛ sin, mmɔ ɛ mmɔ chɛ chɛ wai ɔ yian‑da a wan na.

GBOO IBU MƆƐ N KO A 6:13

Chɛ wɛɛ yen ko. Tima min na Yataa na‑a tooɔdia chɛ Ebeami a, a nii ma a kai ni fen dɔ mende ɔ, fɔ a wandi. Koe min na mu, fen dɔ mende kan kɔ kan mbe ee nɔ, a ben a wandi ma.

1 CHƆN 3:19

Ni mmɔ‑a a ma ka, an mbe a ɔ yian‑da, mbɛ tea ɛ wan mmɔ ɔ. An mbe a ma‑a, mmɔ faa ee gbaa, mmɔ ɛ ma‑a Yataa chen kɔɔ,

1 CHƆN 3:21

N dia nyɔɛ nu, ni mmɔ ma ma ni faagbaa ɔ, mmɔ 'a ko yama ko a, mmɔ kunɛ kɔɔ sɔenɛ ɛ ma‑a wan Yataa chen kɔɔ.

1 CHƆN 4:4

Chɛɛ wo tana, n 'na denɛ nu, wo e Yataa an ko a. A sin, wo kun‑da an fania mɔɛ chɛ n ma, koe min na mu, Yataa Nyina min mbe wo fɛ, a benden mu chɛ ma, min mbe dunya chɛ ma.

KO Ɔ NUNDENƐ 2:23

Mɔɛ chɛ n gbɛɛ, miin mbe a fɛ, n mbe an fa‑a wan. A sin chɔchi chɛ n gbɛɛ, an mbe a ɔ sɔn‑da wan, mbɛ n fan‑na mɔ ɔ mɔ yii ma sɔn, a basan mɔ ɔ mɔ faa ɔ koe a. Dɔndɔ, dɔndɔɛ a mu, n mbe an gbɛɛ pawa‑a, yɔ an mbe wai chɛ‑a buɛ min dɔ.”