1 CHƆN 3:2 - Yataa 'a Dɔbɛnɛ Nama

² N dia nyɔɛ nu, Yataa 'a denɛ mu gbɛ mmɔ a. A sin, mmɔ ma chɛ ɔ gbɛ nin bɛ, mmɔ ɛ ma‑a buɛ min dɔ ya ɔ ma. Chɛɛ mmɔ‑a a ɔ sɔn fan, mbɛ ni Chisɔsi na‑a to, mmɔ ɛ ma‑a wan yɔ a wan. Koe min na mu, mmɔ ɛ a ma gbɛ‑a wan gbadan, yɔ ɛ buɛ min dɔ.

1 CHƆN 3:2 ပူးပေါင်းရင်းမြစ်များ

MATIU 5:8

“Mɔɛ miin faa ɔ gbɛen mu, an duaen mu. An mbe Yataa yen‑da wan.

DUKU 17:30

Ɛ ma‑a ka wan to an tee chɛ ma, tee min ma, n fan, Mɔ Gbu 'a Denɛ, n mbe n 'na gbasaya ɔ yian‑da.

DUKU 20:36

An mbe ee fa‑a to, koe min na mu, an mbe ma‑a wan yɔ maeka nu. An mbe ma‑a wan Yataa 'a denɛ n na, koe min na mu, Yataa‑a an kɔɔ sɔ a ka saya ɔ.

CHƆN 1:12

Chɛɛ mɔɛ n‑na an boo si wan a kɔɔ, miin‑na an kai fa a a. Chɛ ko a, an mɔɛ chɛ nu, a‑a gbasaya be wan an ma, ma koe a Yataa 'a denɛ n na.

CHƆN 11:52

A sin, Chisɔsi nii fa tena an dechee ko a, chɛɛ a ma koe ni to, a ni na Yataa 'a denɛ n na kaina dɔndɔɛ. Yataa 'a denɛ nu, miin gbɛɛ a fasandenɛ ni ben‑da, an ni ma mɔ dɔndɔɛ a.

CHƆN 17:24

“Fa, i ban‑da gbɛ an be‑a n ma. N toen mu, n mbe ma‑a kaina min, nn bɛ ni ma nɔ n fɛ den chɛ n na. Chɛ ɛ a ma‑a wan, an ni a ɔ yen n kamayaen mu buɛ min dɔ. A sin, i wan‑na an kamaya chɛ be n ma. I na‑a a be n ma, koe min na mu, i to‑a wan n na pɛn dunya chɛ a ni to dan‑da.

GBOO DOMI KO A 8:16

Yataa Nyina chɛ, an sa‑a mmɔ ta nyina n kaa a, a fɔ koe a, mbɛ Yataa 'a denɛ n mu mmɔ a.

GBOO DOMI KO A 8:18

Sanche, mmɔ ɛ mɔnɛ ɔ bia tena. Chɛɛ n danden mu a a chɛndɛ chɛ, mbɛ mmɔ ɛ ka mɔnɛ min dɔ bia tena sanche, a a ma kan ni basɔmaya chɛ a, Yataa ɛ min be‑a mmɔ ma ya ɔ ma.

GBOO DOMI KO A 8:19

Yataa‑a fenɛ miin gbɛɛ a dan, an gbɛɛ ɛ wan gbɛ makɔnɛ chɛ‑a nyaka, nyaka, tima chɛ ko a, tima min na Yataa ɛ a 'a denɛ n yian‑da.

GBOO DOMI KO A 8:29

An mɔɛ chɛ nu, Yataa na‑a an sɔn pɛn chɛndɛ chɛ, mbɛ a‑a a boo sɔ an ma. An mbe ma‑a wan gbɛ yɔ a 'a denɛ Chisɔsi. A 'a den chɛ ɛ ma‑a gbɛ denɛ saa an na, den sɛsɛ wa chɛ n ya ɔ.

GBOO SAA KƆYINDI KO A 13:12

Sanche gbɛ, mmɔ ɛ koe ɔ yen mia mia, yɔ mɔɛ ɛ ma mɛmɛ ɔ fɛn‑da. Chɛɛ tima ɛ che‑a wan, mmɔ ɛ a yen‑da tima min na gboden, mmɔ ya fea sɔenɛ a nyɔn na. N ma ko a tenden sɔn bɛ, chɛɛ a da ɛ na‑a wan fa a. A da ɛ fa‑a wan, yɔ n bakoe ɔ sɔn koe da faen mu buɛ min dɔ Yataa boo ɔ.

GBOO SAA KƆYINDI KO A 15:49

Sanche, mmɔ bɔen mu ka buɛ min dɔ mɔɛ chɛ a, min bɔ‑a fifii ɔ, mmɔ ɛ na‑a bɔ‑a ka wan to mɔɛ chɛ wɛɛ a, min ka‑a banda bu ɔ.

GBOO SAA KƆYINDI KO A 2:9

Chɛɛ min maen mu, ɛ ka wan dechee yɔ min nyɛnden mu Yataa 'a gboo ɔ. A ɔ, mɔ ɔ mɔ ma koe chɛ n dɔ yen nin bɛ, a ya a, a ɔ, a ma an na min ni, a too a, a ɔ, mɔ ɔ mɔ sin ma an dɔ gbɛ ni, a yiima ɔ. A ɔ, koe chɛ nu, Yataa‑a min sa tena ɔ bɛn mɔɛ n ko a, a ɔ, miin toen mu a a.

GBOO FEAN BƆƐ KƆYINDI KO A 3:18

Mmɔ gbɛɛ sin, koa kan kɔ kan mbe ee to bun dɔ mmɔ ya a. Chɛ an fɛ mu, mmɔ ɛ Mansa 'a manɛ an na ta, yɔ mɛmɛ. Yataa Nyina sin, min mu Mansa chɛ a, ɛ a ma tena wan, mmɔ ma‑a tee ɔ tee a Yataa bɔ nyɔɛ a, manɛ ɔ.

GBOO FEAN BƆƐ KƆYINDI KO A 4:17

Nn mbe ko gbɛama miin dɔ bia tena ka sanche, ɛndenɛ mu, a sin, an dɔ ee mɛ tena. Chɛ an mbe na‑a kuɔ fɔ tɔnɔnɛ wa an na, min benden mu kaka ko gbɛama chɛ n ma.

Gboo Kadesia Ko A 3:26

Koe min na mu, ni wo‑a wo kai fa Chisɔsi Chasi a, wo gbɛɛ mu Yataa 'a denɛ n fan na, wo gbɛɛ mu gbɛ mɔ dɔndɔɛ an na, wo bɛ Chisɔsi Chasi a.

Gboo Kadesia Ko A 4:6

Yataa sin, a‑a a ma wan, a 'a denɛ Nyina, ɛ mmɔ fɛ. A‑a chɛ ma, koe min na mu, a 'a denɛ mu mmɔ a. A 'a denɛ Nyina chɛ sin, ɛ Yataa chee tena wan, a ɔ, “Fa.”

Gboo Fiipai Ko A 3:21

Mmɔ gboo chɛ, baa a tenden mbe ee ka min ma, a wan mbe a mun‑da. A sin, ɛ a ma‑a wan, yɔ a ta gboo, min kamayaen mu. A 'a gbasaya min mbe a ɔ, min mbe a ma, fen kɔ fen mbe don a kɔɔ, ɛ an na tachɛ a a.

Gboo Kɔdɔsai Ko A 3:4

Chasi dɔndɔ gbe, an mbe a ma wo ni ma fɔɛ nama ɔ. A sin, ni a yɛ‑a to dunya chɛ ɔ, wo bɛ an mbe ma‑a a a. A sin mbe ma‑a Yataa 'a manɛ min dɔ, wo wɛɛ, wo e ma‑a an dɔ.

GBOO IBU MƆƐ N KO A 9:28

A chia dɔndɔ gbe chɛ a mu, Chasi wɛɛ na‑a a wandi be gba dɔndɔ gbe wan, mmɔ 'a ko yama n ko a. Chɛɛ Chasi ɛ bɔ‑a wan to a a dunya chɛ ɔ, a gba fean bɔɛ ko a. A sin, a nɛnɛ ee ma‑a ko yama n fan bakoe a. Chɛɛ mɔɛ chɛ n fan kun ka koe mu, miin mbe a ma kɔn tena, an faa gbɛɛ a.

2 PITA 1:4

Chɛ an‑na a fɔ, a na‑a mmɔ too ɔ dia wai nyima ma kawaen ba min na, a na‑a a be wan mmɔ ma. An wai nyima chɛ ni a ma, wo kunɛ ni bɔ koe n boo ɔ, wo faa a miin ya kaka, miin mbe na kasaa a dunya chɛ ɔ. Mbɛ mmɔ sɔnɛ ta‑a Yataa ta fɛ.

1 CHƆN 2:28

N 'na denɛ nu, tea ko a, wo wo boo a chii, ma koe a mɔ dɔndɔɛ a, wo bɛ a a. Chɛ ɛ a ma‑a wan, mmɔ kunɛ kɔɔ sɔenɛ ni ma a tena, mmɔ ee na‑a mmɔ ya kɔɔɛ nun‑da a ma tima chɛ a, ɛ na‑a to tima min na.

1 CHƆN 2:7

N dia nyɔɛ nu, n mbe ee ka sawa nama an nyɛn tena wo tena, chɛɛ sawa kɔma mu. Wo boo ɔ sawa kɔma dɔndɔ gbe chɛ nu mu, a ka sakana bai chɛndɛ chɛ a min tima saa saa ma. Sawa kɔma chɛ mu sakana bai chɛ an na, wo na‑a min na min tee.

1 CHƆN 3:1

Wo a yen bɛ, Fa Yataa‑a koadia wa min nyɔn sima yian mmɔ a. Koe min na mu, a‑a a ma, an mbe mmɔ chee Yataa 'a denɛ n na. A sin gbu, Yataa 'a denɛ mu mmɔ a. Koe min‑na a ma, dunya ma mmɔ sɔn Yataa 'a denɛ n na, a nii ma Yataa wandi gbu sɔn.

1 CHƆN 3:10

Yataa 'a denɛ nu, ni Sitana 'a denɛ nu, mmɔ ɛ na tena an tɛ bɔɛ sɔn‑da ka wan. Mɔɛ min mbe ee tan‑da, Yataa 'a den ma a mɔɛ chɛ a, n mbe ee baa mɔɛ chɛ ma, min ma to ni a suun ma nyɔɛ a.

1 CHƆN 3:21

N dia nyɔɛ nu, ni mmɔ ma ma ni faagbaa ɔ, mmɔ 'a ko yama ko a, mmɔ kunɛ kɔɔ sɔenɛ ɛ ma‑a wan Yataa chen kɔɔ.

1 CHƆN 5:1

Mɔ ɔ mɔ min mbe dan‑da a a, mbɛ Chisɔsi an mu Chasi a, kunka mansa, a mɔɛ chɛ mu Yataa 'a denɛ an na. A yɛ to, mɔ ɔ mɔ min toen mu Fa Yataa a, a ni to a 'a denɛ n bɛɛ a.

KO Ɔ NUNDENƐ 22:4

An mbe Yataa ya kɔɔɛ yen‑da wan, a tɔɛ sin mbe nyɛn‑da wan an tee teeya n na.