Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 CHƆN 3:14 - Yataa 'a Dɔbɛnɛ Nama

14 Ni mmɔ to‑a mmɔ suun ma nyɔɛ n na, ɛ a ɔ yian fan, mbɛ mmɔ bɔ‑a saya 'a gbasaya kɔɔ, mmɔ‑a kuɔ fɔ fɔɛ ma sɔn. Chɛɛ mɔ ɔ mɔ min ma to ni a suun ma nyɔɛ a, a mɔɛ chɛ ɛ wɛ tun saya 'a gbasaya an kɔɔ.

အခန်းကိုကြည့်ပါ။ ကော်ပီ




1 CHƆN 3:14
31 ပူးပေါင်းရင်းမြစ်များ  

Mbɛ n fan mansa chɛ, n mbe a fɔ‑a wan, n dɔ, n ni a ma din an ye, mbɛ ni an na‑a koe chɛ n gbɛɛ chɛ wan n fɛ mɔɛ den tachɛen bɛɛ ye, baa ee miin ma an tɛ ɔ, n dɔ, an nii ma a chɛ ni ka an fan ye, an na‑a a chɛ ka n fan ye.


Koe min na mu, n 'na den chɛ faen fan ni, chɛɛ a yɛ‑a gbɛ fɔɛ ɔ. A toen fan ni a ɔ, chɛɛ a yen‑da gbɛ.’ Mbɛ an‑na a kuu sɔ daunɛ chɛ‑a an mbe ta‑a tɔmbɔɛ don‑da a boo ɔ.


Chɛɛ mɔɔ ni mmɔ‑a buɔdia bonda chɛ bɔ, a mu min na, i dɔɛ chɛ faen fan ni, chɛɛ a yɛ‑a gbɛ fɔɛ ɔ. A toen fan ni a ɔ, chɛɛ a yen‑da gbɛ sanche.’ ”


A yɛ to, a toen mu mmɔ 'a mɔɛ n na sai ma. A wandi gbu an‑na nn 'na samun chɛ chen chɛ sɔ nn ye.”


Ni wo toenɛ ma‑a wo nyɔn na, mbɛ mɔ ɔ mɔ‑a a ɔ gbɛ, mbɛ n fɛ denɛ n mu wo a.”


N mbe chɛ an fɔ tena wo ye a ma koe a, mbɛ wo ni to wo nyɔn na, yɔ n toen mu buɛ min dɔ wo a.


N mbe chɛ an fɔ tena wo ye, mbɛ wo ni to wo nyɔn na.


“N mbe chɛ ma din tena wo tena, mbɛ mɔɛ min mbe n da a bai a min‑da, a ni a kai fa Fa Yataa a, min‑na n sɔ, a mɔɛ chɛ ɛ kuɔ fɔ fɔɛ ma sɔn‑da wan. A mɔɛ chɛ, kaa a ee tɛ‑a a wakoe ma, a ni tɔɔ. A ban‑da saya ɔ tandin‑da, a ta kuɔ fɔ fɔɛ ɔ.


Koe min na mu, mmɔ‑a a ɔ sɔn fan, mbɛ ni mmɔ ɛ ka nɛ tɛndi gbama min kɔɔ, min mu mmɔ gboo chɛ a nɛ dunya chɛ ɔ, ni a kasaa‑a, Yataa ɛ chenɛ be‑a wan mmɔ ma. A wandi gbu an‑na chen chɛ a dan, mmɔ ma koe a nɔ. An chen chɛ sin, banda bu ɔ, a ee te kuɔ fɔ ko a.


Chɛɛ ni Yataa Nyina ma‑a mɔɛ fɛ, ɛ a mɔɛ chɛ ma ka wan. An fan nɛ koadia a, buɔdia, faachima, faabia, ko chɛndɛ ma, mɔ chɛndɛya, ni mɔɛ ma koe danaya tɔɛ a.


Chɛ ko a, n ma sɛmbɛ ni, Yataa wai bɔ koe a wo ko a. Koe min na mu, n‑na a a min wo kai faen mu buɛ min dɔ Mansa Chisɔsi a. A yɛ to, wo toen mu buɛ min dɔ Yataa 'a mɔɛ n gbɛɛ a. N mbe n yii na chii wan wo a, tima ɔ tima, ni n ma‑a samunɛ chɛ‑a.


A saa a, wo faenɛ ni, Yataa Nyina ta fɛ chia a. Koe min na mu, wo ni koe n ma wan, miin mbe ee a chia ma, ko yama nu.


Koe min na mu, nn‑na a a min, wo kai faen mu buɛ min dɔ Chisɔsi Chasi a. A sin to, koadia min nyɔn sima ɛ wo faa ɔ, Yataa 'a mɔɛ gbɛɛ ko a.


Tima yayi mu, gboo nyɛn koe a wo tena, a fɔ koe a wo ye, mbɛ wo ni to wo bɔ Chisianɛ n na. Yataa wandi‑a wo kan, wo e kun buɛ min dɔ to koe a wo nyɔn na.


Wo to wo nyɔn na tima ɔ tima ko a, yɔ mɔɛ ɛ to buɛ min dɔ a suun ma nyɔɛ n na.


Wo‑a wo boo a si min chɛ sakana bai chɛndɛ chɛ kɔɔ, tea mu min na, wo ko‑a gbɛ, a bɔ wo 'a ko yama n dɔ. Chɛ ni a ma, koadia chɛndɛ ni ma gbɛ wo ɔ. Ni a sin ma‑a ka, wo ni to wo nyɔn na pien, wo faa gbɛɛ a.


Ka n mbe n da a bai chɛ kunɛ a bia nɛ, mbɛ wo yiima ni ma dɔndɔ. Wo ni to wo nyɔn na wo faa gbɛɛ a. Chinchimaya ni ma wo ɔ wo nyɔn ko a, wo sin ma dɔpandaya bɔ.


Chɛ sin to, wo a wɛɛ ma munda bia chɛndɛ a, wo e min chɛ wo nyɔn na. A dankama nɛnɛ an nɛ, wo an ma munda koadia a, wo nyɔn ko a.


Ni mmɔ dɔn‑da Yataa 'a sawa n na tachɛ koe a, yɔ ɛ a fɔ‑a buɛ min dɔ mmɔ ye, mbɛ mmɔ‑a a ɔ gbɛ, mbɛ mmɔ‑a a sɔn fan.


A sin, a 'a sawa gbu an nɛ, mbɛ mmɔ ni mmɔ kai fa a 'a denɛ Chisɔsi Chasi a. A yɛ to, mmɔ ni to mmɔ nyɔn na, yɔ a 'a sawa‑a min fɔ mmɔ ye.


Kɛn gba, mɔ ɔ mɔ ma Yataa yen nin bɛ. Chɛɛ ni mmɔ to‑a mmɔ nyɔn na, mbɛ mmɔ ma‑a mɔ dɔndɔɛ a Yataa a. A sin, a 'a koadia kuu, a si‑a mmɔ faa ɔ chɛndɛ chɛ.


N mbe gboo chɛ nyɛn tena wo wan tena, wo wɛn kai faen mu Yataa 'a denɛ a, min mbe a ma, wo ni a ɔ sɔn, mbɛ wo‑a kuɔ fɔ fɔɛ ma sɔn.


Ni Yataa ko a dia‑a mmɔ ye, mmɔ ni ma a da a kuiɛ ma, mmɔ ɛ a ɔ sɔn‑da wan, mbɛ mmɔ ɛ to wan a 'a denɛ n bɛɛ a.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ