1 CHƆN 3:13 - Yataa 'a Dɔbɛnɛ Nama

¹³ Chɛ an fɛ mu, n suun ma nyɔɛ nu, a ma ma wo ma tɛnɛ ma koe a, ni dunya chɛ ɔ mɔɛ n too‑a wo wɛɛ a.

1 CHƆN 3:13 ပူးပေါင်းရင်းမြစ်များ

MATIU 10:22

Mɔɛ n gbɛɛ mbe too‑a wan wo a, a mu min na, n fɛ mɔɛ mu wo a. Chɛɛ i wɛn mbe i faa bia‑a aan a danka a, Yataa ɛ i baun‑da wan.

MATIU 24:9

“Mɔɛ nu dunya gbɛɛ ɔ, an mbe too‑a wan wo a, a mu min na, n fɛ mɔɛ mu wo a. An mbe wo bia‑a wan, mbɛ an‑na ko ma gbaaenɛ sa wo ma, mbɛ an‑na wo fa.

MAKI 13:13

Wo sin, mɔɛ n gbɛɛ, an mbe too‑a wan wo a, a mu min na, n fɛ mɔɛ mu wo a. Chɛɛ i wɛn mbe i faa bia‑a aan a danka a, Yataa ɛ i baun‑da wan.”

DUKU 21:17

Mɔɛ n gbɛɛ mbe too‑a wan wo a, a si n ma.

DUKU 6:22

“Ni mɔ gbu n too‑a wo a a si n ma, n fan, Mɔ Gbu 'a Denɛ, dua mu a a wo ma. Ni an‑na an kan kɔ sɔ wo a, mbɛ an‑na wo main, mbɛ an yɛ‑a, an‑na bai yama sa wo ma.

CHƆN 16:2

An mbe wo gbain‑da wan fɛsɛ fɛsɛ, a bɔ an 'na samun chɛ chenɛ a. A sin gbu, tima ɛ che‑a wan, mɔ ɔ mɔ min mbe wo dɔndɔ wɛɛ fa‑a, ɛ ma‑a wan a yii ma, mbɛ a‑a Yataa faa ma koe an ma ka.

CHƆN 16:33

N mbe chɛ gbɛɛ fɔ tena wo ye, min mbe a ma, wo ni faachima sɔn. Koe min na mu, mɔ dɔndɔɛ mu mmɔ a, mmɔ gbɛɛ. Ko yawaenɛ n mbe wo tan‑da wan dunya chɛ ɔ. Chɛɛ wo wo faa sɔ, n kun‑da gbasaya ti ma dunya chɛ ɔ.”

CHƆN 17:14

I‑a sakana min be n ma an ko a, n‑na a ben fan an tena. An sin, an bɛ ee mɔɛ chɛ n na ko dɔndɔ ɔ, i wakoe ee miin faa ɔ. Chɛ ko a, an fɛn mbe i faa ma koe ma ka, an ko a ma di chɛ n ye, miin mbe ee i faa ma koe ma ka.

CHƆN 3:7

Chɛ an‑na a fɔ, a ee che ma‑a i ma kɔndɔ fii‑a, ni n‑na a fɔ, n dɔ, mɔɔ ni wo suun‑da to a nama a.

CHƆN 7:7

Dunya chɛ ee che chia sɔn‑da too koe a wo nan na, chɛɛ n tana, a tooen fan mu n na. Koe min na mu, n ma n da a tɔn ni, a fɔ koe a mɔɛ n ye, mbɛ an chɛ chɛ wai n yau Yataa ya a.

CHISƆSI 'A SƆ MƆƐ NU 3:12

Pita‑a mɔɛ chɛ n yen kɛn an na tindanɛ, a‑a a fɔ an ye, a ɔ, “N bɔ Isɔɛɛ mɔɛ nu, kamin chɛ baun koe ma wo kɔndɔ fii. Wo ma nn ma fɛn ya dɔ mende a. A ma ma wo yii ma, mbɛ nn 'na gbasaya ɔ mu, nn‑na chɛ ma. An ma a fɔ ni, nn mbe a ma wan, Yataa faa ni chima kaka, min‑na a ma, nn‑na a ma kamin chɛ‑a tachɛ chɛ.

GBOO DOMI KO A 8:7

A sin fan fɛ mu, mɔɛ min yiima ɛ gbasaya kɔɔ mɔgbuya ɔ min ma nyin, Yataa chɛɛ ma nyɔɛ mu a a. Koe min na mu, a mɔɛ chɛ ma kun ni ma koe a Yataa 'a sawa kɔɔ. A gbu sin, a ee che ma‑a a kɔɔ.

2 TIMOTI 3:12

Tea ko a, ni mɔ ɔ mɔ‑a a wandi be Yataa chia ma, ni an ma‑a mɔ dɔndɔɛ a Chisɔsi Chasi a, ɛ ko yawaenɛ ɔ yen fan.

CHIMISI 4:4

Wo ma danaya ni gba Yataa tena. Wo gbu‑a a ɔ sɔn fan, mbɛ ni dunya chɛ ko a dia‑a wo ye, mbɛ Yataa ɛ ma‑a wan wo chɛɛ ma nyɔɛ a. Chɛ an‑na a fɔ, ni dunya chɛ ma‑a mɔ ɔ mɔ koadia nyɔɛ a, Yataa ma‑a a mɔɛ chɛ chɛɛ ma nyɔɛ a.

KO Ɔ NUNDENƐ 17:7

Chɛɛ maeka chɛ ɔ te n ma, a ɔ, “I da ɔ ma gbaa. N mbe koɔ nunden chɛ ɔ yian‑da wan i a, a si musu chɛ ma. N mbe a ɔ yian‑da wan i a, a si soe yama chɛ wɛɛ ma, ɛ ka si ɔ min kun ma, soe min kunɛ ɛ ka wɔnfea, a bena sin mbe tan.