1 CHƆN 2:9 - Yataa 'a Dɔbɛnɛ Nama

⁹ Mɔ ɔ mɔ min‑na a wandi ya, mbɛ ɛ Yataa 'a manɛ kɔɔ wan, chɛɛ a tooenɛ a suun ma nyɔɛ a, ɛ ka pimbi an dɔ tun tun.

1 CHƆN 2:9 ပူးပေါင်းရင်းမြစ်များ

CHƆN 9:41

Mbɛ Chisɔsi ɔ, “Ni fion tɔɛ ni wo a, Yataa ni a ya ka‑a wan wo 'a ko yama n na. Chɛɛ wo e a fɔɛ min chɛ, wo ɔ, fion tɔ ma wo a, an fɛ mu, a ee a ya ka‑a wo 'a ko yama n na.”

CHISƆSI 'A SƆ MƆƐ NU 1:15

Tee kuunden gbakɔ, mɔɛ miin‑na an kai fa Chisɔsi Chasi a, an bɛn‑da wan kaina dɔndɔ. An danɛ taen fan ni mɔ chɛmɛ dɔndɔ, ni mɔ bi fea ɔ. Mbɛ Pita‑a a kɔɔ sɔ, koɔ koe a an tena.

2 PITA 1:9

Chɛɛ ni sɔn chɛ n mbe ee mɔɛ min dɔ, a maen fan mu yɔ fion tɔɛ. A mɔɛ bonda chɛ sin nyina‑a, mbɛ Yataa na‑a a boo bɔ wan a 'a ko yama n dɔ, mbɛ a ma‑a mɔ chɛndɛ a.

1 CHƆN 1:6

Ni mmɔ‑a a fɔ, mbɛ mmɔ bɛ an mbe gbɛ a a kuiɛ dɔndɔɛ ɔ, chɛɛ mmɔ ɛ a a tun‑da tachɛ koe a pimbi ɔ, mmɔ ɛ ma‑a ka fania an fɔ‑a. Mmɔ sin mbe ee ma‑a ka tea koe ɔ.

1 CHƆN 2:11

Chɛɛ mɔ ɔ mɔ min tooen mu a suun ma nyɔɛ a, ɛ ka pimbi ɔ wan, ɛ tachɛ chɛ‑a pimbi ɔ, a ta chia toenɛ ɔ a boo ɔ. Koe min na mu, pimbi chɛ‑a a ma, a ee che kaina yen‑da.

1 CHƆN 2:4

Mɔɛ min mbe a fɔ‑a, a ɔ, a‑a Yataa sɔn fan, chɛɛ a ee Yataa 'a sawa n na tachɛ‑a a gbee a, ɛ ma‑a ka fania an fɔ‑a, tea kan kɔ kan mbe ee a da ɔ.

1 CHƆN 3:10

Yataa 'a denɛ nu, ni Sitana 'a denɛ nu, mmɔ ɛ na tena an tɛ bɔɛ sɔn‑da ka wan. Mɔɛ min mbe ee tan‑da, Yataa 'a den ma a mɔɛ chɛ a, n mbe ee baa mɔɛ chɛ ma, min ma to ni a suun ma nyɔɛ a.

1 CHƆN 4:20

Ni mɔ ɔ mɔ‑a a fɔ, mbɛ a toen fan mu Yataa a, chɛɛ a ma to ni a suun ma nyɔɛ a, ɛ ka fania an fɔ‑a. Koe min na mu, mɔ ɔ mɔ min ma to ni a suun ma nyɔɛ a, ɛ min yen tee ɔ tee a, a mɔɛ chɛ ee che to‑a Yataa a, a ee min yen.