1 CHƆN 2:6 - Yataa 'a Dɔbɛnɛ Nama

⁶ Mɔ ɔ mɔ, min mbe a fɔ‑a, mbɛ an ma‑a mɔ dɔndɔɛ a Yataa a, a ni sɔ Chisɔsi chen gba ɔ.

1 CHƆN 2:6 ပူးပေါင်းရင်းမြစ်များ

MATIU 11:29

Wo kooya be n ma. Wo ni n 'na kanɛ sɔn. N chinchinchaen mu, a yɛ to, n dɔ ma fasi ni. Ni wo puin‑da n chen gba ɔ, wo e suinɛ ma sɔn‑da wan.

CHƆN 13:15

N‑na tɔmɔsi an yian ka wo a, min mbe a ma, wo ni a ma, yɔ n‑na a ma dechee buɛ min dɔ wo ko a.

CHƆN 15:10

Ni wo e koe chɛ n ma‑a, n mbe miin fɔ wo ye an ma koe a, wo ee na‑a wo kan kɔ sɔ‑a n 'na koadia a. N bɛɛ, n‑na koe chɛ n ma wan, Fa ɛ miin fɔ n ye, mbɛ n ma n kan kɔ sɔ ni a 'a koadia a.

GBOO SAA KƆYINDI KO A 11:1

Chasi na‑a min ma, n mbe bea tena an fan fɛ. Wo wɛɛ, n mbe min ma tena, wo bea an fan fɛ.

Gboo Ɛfisɔsi Ko A 5:2

Koadia faa ni ma wo ɔ, yɔ Chasi to‑a buɛ min dɔ mmɔ a. A sin, a‑a a wandi fɔɛ be wan mmɔ ko a, a ma‑a yɔ yasi, min mbe Yataa faa chima.

1 PITA 2:21

An ko bonda chɛ mu, Yataa na‑a wo chee, a ɔ, wo ni a ma. Koe min na mu, Chasi wandi gbu‑a ko yawaenɛ ɔ bia wan wo ko a, min mu tɔmɔsi a wo tena. Chɛ ni a ma, wo wɛɛ ni puin a chen gba ɔ.

1 CHƆN 2:28

N 'na denɛ nu, tea ko a, wo wo boo a chii, ma koe a mɔ dɔndɔɛ a, wo bɛ a a. Chɛ ɛ a ma‑a wan, mmɔ kunɛ kɔɔ sɔenɛ ni ma a tena, mmɔ ee na‑a mmɔ ya kɔɔɛ nun‑da a ma tima chɛ a, ɛ na‑a to tima min na.

1 CHƆN 2:4

Mɔɛ min mbe a fɔ‑a, a ɔ, a‑a Yataa sɔn fan, chɛɛ a ee Yataa 'a sawa n na tachɛ‑a a gbee a, ɛ ma‑a ka fania an fɔ‑a, tea kan kɔ kan mbe ee a da ɔ.

1 CHƆN 3:24

Mɔɛ miin mbe Yataa da a kuiɛ ma, an mbe ma wan mɔ dɔndɔya ɔ a a. A sin, Yataa wɛɛ, ɛ ma wan mɔ dɔndɔya ɔ an na. Mmɔ sin mbe a ɔ sɔn ka wan, mbɛ Yataa ɛ wan mmɔ dɔndɔya ɔ mmɔ a. Mmɔ ɛ a ɔ sɔn fan, koe min na mu, a Nyina ɛ mmɔ fɛ.

1 CHƆN 3:6

Mɔ ɔ mɔ min mu mɔ dɔndɔɛ a, an fea Chisɔsi a, a mɔɛ chɛ ee ko yama ma a tun. Chɛɛ ni mɔ ɔ mɔ‑a a boo a chii ko yama ma koe ma, a mɔɛ chɛ ma Chisɔsi yen nin bɛ a yiima ɔ, a gbu sin ma a sɔn.

1 CHƆN 4:17

Ni Yataa 'a koadia kuu si‑a mmɔ faa ɔ, ni mmɔ tachɛ‑a fɔɛ ɔ yɔ Chisɔsi‑a a ma buɛ min dɔ, mmɔ faa ee gbaa, a si gbɛmbo tee ma Yataa boo ɔ.