1 CHƆN 2:3 - Yataa 'a Dɔbɛnɛ Nama

³ Ni mmɔ dɔn‑da Yataa 'a sawa n na tachɛ koe a, yɔ ɛ a fɔ‑a buɛ min dɔ mmɔ ye, mbɛ mmɔ‑a a ɔ gbɛ, mbɛ mmɔ‑a a sɔn fan.

1 CHƆN 2:3 ပူးပေါင်းရင်းမြစ်များ

DUKU 6:46

Chisɔsi ɔ, “Ni wo ee na‑a n da a kuiɛ a min‑da, wo ma n chee, ‘Mansa, Mansa.’

CHƆN 14:15

Mbɛ Chisɔsi ɔ a fɛ denɛ n ma, a ɔ, “Wo e koe chɛ n ma‑a wan, n‑na miin fɔ wo ye an ma koe a, ni wo toen fan mu n na.

CHƆN 15:10

Ni wo e koe chɛ n ma‑a, n mbe miin fɔ wo ye an ma koe a, wo ee na‑a wo kan kɔ sɔ‑a n 'na koadia a. N bɛɛ, n‑na koe chɛ n ma wan, Fa ɛ miin fɔ n ye, mbɛ n ma n kan kɔ sɔ ni a 'a koadia a.

CHƆN 15:14

A sin, wo e ma‑a wan mɔɛ n na, n toenɛ ɛ ma‑a miin na tima ɔ tima, ni wo‑a koe chɛ n ma, n mbe miin fɔ‑a wo ye.

CHƆN 17:3

Mɔɛ n sin mbe kuɔ fɔ fɔɛ chɛ ma sɔn ka wan. An mbe i wan sɔn, tea Yataa dɔndɔɛ a, mbɛ an‑na n bɛɛ sɔn, i 'a denɛ Chisɔsi Chasi, i‑a n fɛn sɔ dunya chɛ ɔ.

GBOO FEAN BƆƐ KƆYINDI KO A 4:6

A sin, Yataa na‑a a fɔ wan, a ɔ, “Manɛ ni be, a bɔ pimbi ɔ.” A wan Yataa dɔndɔ gbe chɛ, an mbe a ma a 'a manɛ ɛ ma mmɔ faa n dɔ. A ni man, a ni a ma, mmɔ ni yiimatɛ sɔn, a si Yataa 'a manɛ ma. Man chɛ, min mbe yen tena man‑da, a ka Chisɔsi Chasi ya kɔɔ.

GBOO IBU MƆƐ N KO A 5:9

A sin, a na‑a ma wan mɔɛ a, min da faenɛ ɛ gban, Yataa tena. Chɛ‑a a ma wan, a ma‑a mɔɛ a, min mbe na kuɔ fɔ fɔɛ a mɔɛ n ko a, miin mbe kooya be‑a a ma.

1 CHƆN 2:13

Wo wɛn mu chenanɛ n na, n mbe gboo chɛ nyɛn tena wo tena, koe min na mu, wo‑a mɔɛ chɛ sɔn fan, a wɛn mbe nɔ dunya a dan tima a. Wo wɛn mu den tɔngbɔɛ n na, n mbe gboo chɛ nyɛn tena wo tena, koe min na mu, wo‑a Sitana a bea.

1 CHƆN 3:14

Ni mmɔ to‑a mmɔ suun ma nyɔɛ n na, ɛ a ɔ yian fan, mbɛ mmɔ bɔ‑a saya 'a gbasaya kɔɔ, mmɔ‑a kuɔ fɔ fɔɛ ma sɔn. Chɛɛ mɔ ɔ mɔ min ma to ni a suun ma nyɔɛ a, a mɔɛ chɛ ɛ wɛ tun saya 'a gbasaya an kɔɔ.

1 CHƆN 3:19

Ni mmɔ‑a a ma ka, an mbe a ɔ yian‑da, mbɛ tea ɛ wan mmɔ ɔ. An mbe a ma‑a, mmɔ faa ee gbaa, mmɔ ɛ ma‑a Yataa chen kɔɔ,

1 CHƆN 3:6

Mɔ ɔ mɔ min mu mɔ dɔndɔɛ a, an fea Chisɔsi a, a mɔɛ chɛ ee ko yama ma a tun. Chɛɛ ni mɔ ɔ mɔ‑a a boo a chii ko yama ma koe ma, a mɔɛ chɛ ma Chisɔsi yen nin bɛ a yiima ɔ, a gbu sin ma a sɔn.

1 CHƆN 4:13

Yataa sin‑na a Nyina be wan mmɔ ma, a ni ma mmɔ fɛ. Chɛ an mbe a ɔ yian, mbɛ mmɔ ɛ wan mɔ dɔndɔya ɔ Yataa a, a sin, a wɛɛ ɛ wan mɔ dɔndɔya ɔ mmɔ a.

1 CHƆN 4:7

N dia nyɔɛ nu, mmɔ a tun to koe a mmɔ nyɔn na, koe min na mu, koadia kaen mu Yataa an na. A sin, mɔ ɔ mɔ min to‑a a bɔɛ a, a mɔɛ chɛ mu Yataa 'a denɛ an na, a sin‑na Yataa sɔn fan.

1 CHƆN 5:19

Mmɔ tana, mmɔ‑a a ɔ sɔn fan, mbɛ Yataa 'a denɛ mu mmɔ a. Mbɛ a sin, dunya tɔɛ gbɛɛ, an mbe a wan Sitana 'a gbasaya an kɔɔ.

1 CHƆN 5:2

Ni Yataa ko a dia‑a mmɔ ye, mmɔ ni ma a da a kuiɛ ma, mmɔ ɛ a ɔ sɔn‑da wan, mbɛ mmɔ ɛ to wan a 'a denɛ n bɛɛ a.

1 CHƆN 5:3

Mmɔ ɛ koadia yian ka wan Yataa a, ni mmɔ don‑da a da a kuiɛ kɔɔ. Chɛ sin, a ma gbɛ a a min koe a.

KO Ɔ NUNDENƐ 12:17

Chɛ‑a a ma wan, fɔɛ fen ma chianden chɛ faa gbandia‑a kaka, musu chɛ boo ɔ. Mbɛ a‑a a kun sɔ gbɛ musu chɛ cheeya n na, a‑a chɛɛ bun an ma. Cheeya chɛ nu, an mu mɔɛ chɛ n fan na, miin mbe Yataa da a kuiɛ ma, an sin, an kai faen fan mu tea chɛ a, min ka‑a Chisɔsi tena.

KO Ɔ NUNDENƐ 14:12

Chɛ gbɛɛ‑a a yian fan ka, mbɛ faabia an nyin Yataa 'a mɔɛ n ko a. Mɔɛ chɛ nu, miin mbe Yataa 'a sawa bia chɛndɛ, an kai faenɛ ɛ Chisɔsi a gban.

KO Ɔ NUNDENƐ 22:14

Mɔɛ chɛ n duaen mu, miin mbe an 'na koa ko‑a, min mbe a ma, an ni don duu wa chɛ ɔ, fɛnsi chɛ da chɛ n na, mbɛ an‑na kɔn chɛ gbɔɛ daun, kɔn chɛ min mbe fɔɛ be ka.