1 CHƆN 2:28 - Yataa 'a Dɔbɛnɛ Nama

²⁸ N 'na denɛ nu, tea ko a, wo wo boo a chii, ma koe a mɔ dɔndɔɛ a, wo bɛ a a. Chɛ ɛ a ma‑a wan, mmɔ kunɛ kɔɔ sɔenɛ ni ma a tena, mmɔ ee na‑a mmɔ ya kɔɔɛ nun‑da a ma tima chɛ a, ɛ na‑a to tima min na.

1 CHƆN 2:28 ပူးပေါင်းရင်းမြစ်များ

MATIU 16:27

Chɛ an fɛ mu, wo ma ka n fɛ. Koe min na mu, n fan, Mɔ Gbu 'a Denɛ, n mbe na‑a wan to dunya chɛ ɔ, nn bɛ n 'na maeka n na. Ni nn sin ma‑a na‑a, nn mbe ma‑a wan man‑da Fa Yataa 'a manɛ a. An tima chɛ a, n mbe mɔ ɔ mɔ pawa‑a wan a 'a wai ko a, ɛ min chɛ‑a.

MATIU 16:28

N ni a ma din wo tena, mbɛ mɔɛ dɔ nu nɛ sɔ ɔ sanche, an mbe ma‑a wan fɔɛ ɔ aan an ni chɛ ɔ yen. An mbe a ɔ yen‑da wan n fan, Mɔ Gbu 'a Denɛ, n mbe na‑a tima min na n 'na mansaya ɔ.”

MAKI 8:38

Sanche, mɔ yama yama bonda chɛ n tɛ ɔ, miin mbe ee dan ko a, ni mɔ ɔ mɔ ban‑da n dɔ, a basan n da a kuiɛ a, n bɛɛ, n mbe na‑a wan banda a ɔ. N fan, Mɔ Gbu 'a Denɛ, n mbe na‑a tima min na mansaya ɔ, n mbe ban‑da wan a ɔ. A tima chɛ a, n mbe ma‑a wan man‑da, Fa Yataa 'a manɛ a, nn bɛ maeka n na.”

DUKU 17:30

Ɛ ma‑a ka wan to an tee chɛ ma, tee min ma, n fan, Mɔ Gbu 'a Denɛ, n mbe n 'na gbasaya ɔ yian‑da.

GBOO DOMI KO A 9:33

Yataa 'a gboo na‑a bai sa a si an sen chɛ an ma, a ɔ, “A yen ko, n 'na senɛ si Sayɔn duu ɔ, mɔɛ n mbe an chenɛ n na tu‑a min na, an sen chɛ, mɔɛ n mbe nama‑a min ma, mbɛ an bea‑a. Chɛɛ mɔ ɔ mɔ, i wɛn mbe i kai fa‑a a a, i mɔɛ chɛ ee che‑a mau‑a.”

GBOO SAA KƆYINDI KO A 1:7

Chɛ ko a, Yataa Nyina ɛ dua kan kɔ kan min mbe, koe n ma koe a, wo‑a an ma sɔn, wo e ta‑a mmɔ 'a mansa Chisɔsi Chasi yɛ tima ma kɔn‑da.

GBOO SAA KƆYINDI KO A 15:23

Chɛɛ ni a tima che‑a, chɛ ɛ ma‑a dɔndɔ dɔndɔɛ an na. Chasi pɛn mbe a kɔɔ sɔ‑a. Mbɛ ɛ yɛ‑a to tima min na dunya chɛ ɔ, ɛ a ma‑a wan, a ta mɔɛ n bɛɛ ni an kɔɔ sɔ, a ka saya ɔ.

Gboo Ɛfisɔsi Ko A 3:12

Mmɔ kai faen fan mu a a, an fɛ mu, mmɔ dɔndɔɛ mu mmɔ a, mmɔ bɛ a a. Chia a kaen fan mu mmɔ ya ɔ Yataa tena, mmɔ sin mbe sɔ wan a chen kɔɔ, chian mbe ee ma mmɔ ya a.

Gboo Kɔdɔsai Ko A 3:4

Chasi dɔndɔ gbe, an mbe a ma wo ni ma fɔɛ nama ɔ. A sin, ni a yɛ‑a to dunya chɛ ɔ, wo bɛ an mbe ma‑a a a. A sin mbe ma‑a Yataa 'a manɛ min dɔ, wo wɛɛ, wo e ma‑a an dɔ.

Gboo Saa Tɛsadonika Ko A 2:19

Ko dɔ gbɛɛ kan kɔ kan mbe ee to nɔ, min mbe yiinatɛ be nn ma, a ni nn bu ɔ dia, a ben wo ma. Wo wan, nn mbe wo wɛn ya a tɔnɔnɛ a, mbɛ nn‑na nn kunɛ kɔɔ sɔ den, mmɔ 'a mansa Chisɔsi chen kɔɔ, a na tima ma.

Gboo Saa Tɛsadonika Ko A 3:13

Chia chɛ a mu, ɛ wo ɔ gbɛa‑a, min mbe a ma, mmɔ Fa chen kɔɔ, mabɔ ee ma‑a wo ma. Chɛ ɛ ma‑a wan, mmɔ 'a mansa Chisɔsi ɛ na‑a tima min na, an bɛ gbɛɛ chɛ n na, miin mu a ta n na.

Gboo Saa Tɛsadonika Ko A 5:23

Yataa wandi, min mbe faachima be mmɔ ma, a ni a ma wo ni ma a ko a tenchen chia ɔ chia a. A ni wo kun ma fɛn chia gbɛɛ a. Mabɔ kan kɔ kan ma ma wo ma, wo 'a fɔɛ gbɛɛ ɔ, tima min na mmɔ 'a mansa Chisɔsi Chasi ɛ na‑a.

1 TIMOTI 6:14

dasi chɛ ya i sɔɛ a. I ni tachɛ teaya ɔ, mabɔ ee min ma, aan tee chɛ ni che, tee min ma mmɔ 'a mansa Chisɔsi Chasi ɛ na‑a to.

2 TIMOTI 4:8

A ka gbɛ sanche ma, boo ɔ gbasi woo ɛ n ma kɔn tena banda bu ɔ, Mansa Chisɔsi boo ɔ, a wɛn tanden mu kaa a tɛ ɔ. Ɛ a be‑a wan n ma a tee chɛ ma. A sin mbe ee ma‑a n dɔndɔ gbe an na, chɛɛ chɛ n bɛɛ miin ya ɛ chia a, a na tima ma kɔnɛ a.

TAITƆSI 2:13

Mmɔ ya ɛ ta‑a ma‑a tee duaen chɛ ya ɔ, mmɔ 'a Yataa wa Chisɔsi Chasi, mmɔ kun ka mɔɛ, ɛ na‑a manɛ ɔ tee min ma.

GBOO IBU MƆƐ N KO A 9:28

A chia dɔndɔ gbe chɛ a mu, Chasi wɛɛ na‑a a wandi be gba dɔndɔ gbe wan, mmɔ 'a ko yama n ko a. Chɛɛ Chasi ɛ bɔ‑a wan to a a dunya chɛ ɔ, a gba fean bɔɛ ko a. A sin, a nɛnɛ ee ma‑a ko yama n fan bakoe a. Chɛɛ mɔɛ chɛ n fan kun ka koe mu, miin mbe a ma kɔn tena, an faa gbɛɛ a.

1 PITA 1:7

Wo e chɛ n dɔ bia koe min na, a ɔ yian koe mu, mbɛ wo kai faen fan mu Chisɔsi Chasi a chɛndɛ chɛ. Ta an mbe a ma, mɔ ni sanu ma kawa koe ɔ sɔn. Sanu min ka, mɔɛ ɛ kun, a ni a yɔn. Kaifa nan gbu sin, wo‑a min chɛ, a sɔnkɔ ee, a benden mu sanu ma. Ko yawaenɛ chɛ nu, an fan mbe a ma, wo ee mun‑da, wo e sɔ‑a wan gban. Wo sin mbe na‑a boo ɔ gbasi ma sɔn‑da wan, wo ni tando ma sɔn, a basan dua a. Chɛ ɛ ma‑a wan an tee chɛ ma, Yataa ɛ Chisɔsi Chasi yian‑da tee min ma.

1 PITA 5:4

A sin, ni Chasi‑a a kunɛ a bɔ, a wɛn mu mɔɛ n kun ma fɛn mɔɛ n 'na mansa a, wo e banfua chɛ ma sɔn‑da wan, baa koo min ma. Banfua an nɛ, min mandenɛ ɛ ma‑a taun kuɔ fɔ ko a.

1 CHƆN 2:1

N 'na denɛ nu, n mbe gboo chɛ nyɛn tena wo tena, min mbe a ma, wo ma na dɛ ko yama ɔ. Chɛɛ ni mmɔ dɔndɔ wɛɛ dɛen fan mu gbɛ ko yama ɔ, mɔɛ ɛ wan mmɔ boo ɔ, min mbe koɔ mmɔ Fa Yataa tena mmɔ ko a. A mɔɛ chɛ mu Chisɔsi Chasi an na, a wɛn tanden mu Yataa tena gbeden.

1 CHƆN 3:2

N dia nyɔɛ nu, Yataa 'a denɛ mu gbɛ mmɔ a. A sin, mmɔ ma chɛ ɔ gbɛ nin bɛ, mmɔ ɛ ma‑a buɛ min dɔ ya ɔ ma. Chɛɛ mmɔ‑a a ɔ sɔn fan, mbɛ ni Chisɔsi na‑a to, mmɔ ɛ ma‑a wan yɔ a wan. Koe min na mu, mmɔ ɛ a ma gbɛ‑a wan gbadan, yɔ ɛ buɛ min dɔ.

1 CHƆN 3:21

N dia nyɔɛ nu, ni mmɔ ma ma ni faagbaa ɔ, mmɔ 'a ko yama ko a, mmɔ kunɛ kɔɔ sɔenɛ ɛ ma‑a wan Yataa chen kɔɔ.

1 CHƆN 4:17

Ni Yataa 'a koadia kuu si‑a mmɔ faa ɔ, ni mmɔ tachɛ‑a fɔɛ ɔ yɔ Chisɔsi‑a a ma buɛ min dɔ, mmɔ faa ee gbaa, a si gbɛmbo tee ma Yataa boo ɔ.

1 CHƆN 5:14

Danaya wa chɛ an mbe mmɔ ɔ Yataa chen kɔɔ, mbɛ ni mmɔ‑a samunɛ chɛ fen kɔ fen ko a, min‑na a faa chima, mbɛ ɛ mmɔ 'a samunɛ a min fan.

KO Ɔ NUNDENƐ 1:7

A yen ko, Chisɔsi ɛ na tena wan dugbu ɔ. A sin, mɔ ɔ mɔ ɛ a yen‑da wan, a basan chɛ n bɛɛ a, miin na‑a a sɔɔ a kaa fɛ. A sin, mɔɛ n gbɛɛ dunya ɔ, an mbe di‑a wan gbafi gbafi a ko a. A ɛ ma‑a ka wan. A ni ma ka.