Yataa ɛ a kɔ‑a wan dunya chɛ ɔ gba sɛsɛ ko a, an fen chɛ a, min ni a boo ɔ a kɔ ma a. A yɛ to, Yataa ɛ kuɔ fɔ fɔɛ be‑a wan a ma dunya nama ɔ, min mbe na tena.”
A sin, n‑na a ɔ sɔn fan, mbɛ ɛ min sin fɔ n ye, an mbe a ma mɔɛ n ni kuɔ fɔ fɔɛ ma sɔn. Chɛ an fɛ mu, n mbe min fɔ, an nɛ dechee Fa‑a min fɔ n ye, a fɔ koe a.”
Wo e Yataa 'a gboo kan fan chɛndɛ chɛ, koe min na mu, ɛ wo yii ma, an mbe a ma‑a, wo ni kuɔ fɔ fɔɛ ma sɔn. Bai miin gbu sin nyɛnden mu gboo chɛ ɔ, an sien mu n fan ma.
Chɛɛ wo ma butuinɛ chɛ daun fenɛ ko a, min mbe yɔn. Wo e min ma, wo butuinɛ chɛ daun fenɛ ko a, min mbe mɛ, min mu kuɔ fɔ fɔɛ a. Daun fen chɛ mu, n fan, Mɔ Gbu 'a Denɛ, n mbe a be‑a wo ma. Koe min na mu, Fa Yataa‑a a ɔ yian, mbɛ a boo ɛ wan n kɔɔ.”
A mu min na, Fa Yataa toen mu min na, an nɛ. Mɔ ɔ mɔ min mbe dɔn‑da a ma, mbɛ Yataa 'a denɛ mu n na, mbɛ a‑a a kai fa n na, n ni a ma, a ni kuɔ fɔ fɔɛ ma sɔn. A sin, n mbe an kɔɔ sɔ‑a wan, a ka saya ɔ tee dankama ma.”
Mɔɛ dɔ nu, an mbe ko chɛndɛ an ma tima ɔ tima, an mbe Yataa 'a dua yanɛ a, a 'a tando, a basan kuɔ fɔ fɔɛ a, ɛ min be. An mɔɛ chɛ nu, Yataa ɛ an kuɔ fɔ fɔɛ be‑a wan an ma.
N da a bai kunɛ a bia koe a, ko yama‑a gbasaya ɔ yian buɛ min dɔ saya ɔ, Yataa 'a koadia demanɛ a ta gbasaya wɛɛ ɔ, mmɔ ya‑a ka wan mɔ tandenɛ n na a chen kɔɔ. Chɛ‑a a ma wan, mmɔ‑a kuɔ fɔ fɔɛ ma sɔn, mmɔ 'a mansa Chisɔsi Chasi‑a min be.
Ko yama tana, saya an mu a tɔnɔnɛ a, a wandi ɛ na min na. Chɛɛ Yataa ɛ min be mmɔ ma gbama gbama a, an nɛ kuɔ fɔ fɔɛ a. Chɛ ɛ ma wan, koe min na mu, mmɔ ma‑a mɔ dɔndɔɛ a Chisɔsi Chasi a, mmɔ 'a mansa.
A sin, ni mɔɛ ma‑a dechee a faa ma koe yama ma‑a mɔgbuya ɔ, a gbɔɛ ɛ ma‑a kuɔ fɔ saya an na, a danka a. Chɛɛ mɔɛ min mbe ma‑a Yataa Nyina gbee a, a gbɔɛ ɛ ma‑a kuɔ fɔ fɔɛ an na.
Chɛɛ Yataa chinchin‑da n ma, min mbe a ma, Chisɔsi Chasi ni kun a ɔ yian‑da mɔɛ n na, ɛ a faa bia buɛ min dɔ ko yama ma mɔɛ n na. A 'a tɔmɔsi ma‑a n fan na, n fan mansa chɛ, ko yama ma mɔɛ n ko a. A 'a tɔmɔsi ma‑a n na, mɔɛ chɛ n gbɛɛ tena, miin mbe an kai fa‑a Chasi a, kuɔ fɔ fɔɛ ko a.
Butuinɛ chɛ i 'a danaya ko a Chisɔsi a, butuin chɛndɛ an nɛ. I che‑a wan kuɔ fɔ fɔɛ ma sɔn‑da. I sin‑na a fɔ wan den mɔ sɛsɛ ya kɔ, mbɛ i‑a i kai fa Chisɔsi Chasi a. Kuɔ fɔ fɔɛ chɛ bia i boo fea a.
Ni an‑na chɛ ma, an mbe ma‑a ka nyanɛ an kuu chɛ‑a an fandi ko a, dunya nama chɛ ɔ min mbe na tena. Chɛ ɛ a ma‑a wan, an ni fɔɛ ma sɔn, min mu tea fɔɛ a.
A wɛn tɔ mu ka Fɔɛ, a na‑a kɛn dunya chɛ ɔ, a ma na ni nun dɔ. Nn gbɛɛ, nn‑na a yen fan, nn sin mbe koe ɔ yian fan, a si a ma. Mbɛ nn‑na a wakoe ɔ yian wo a, a wɛn mu kuɔ fɔ Fɔɛ a. An fea ni mmɔ Fa Yataa a, a sin fan‑na a yian nn na.
Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.
