1 CHƆN 2:24 - Yataa 'a Dɔbɛnɛ Nama

²⁴ Wo‑a min na min, a ka sakana bai chɛndɛ chɛ a min tima saa saa ma, wo a sa wo faa ɔ. Ni wo‑a an sa wo faa ɔ, wo e ma‑a wan mɔ dɔndɔɛ a Yataa 'a denɛ a, an fea Fa Yataa a.

1 CHƆN 2:24 ပူးပေါင်းရင်းမြစ်များ

DUKU 9:44

“N mbe na tena bai min fɔ‑a wo ye, n toen mu wo ni wo too ma sɔ a ma chɛndɛ chɛ. N fan, Mɔ Gbu 'a Denɛ, an mbe na tena wan n ma tachɛ‑a, mɔɛ n ma.”

CHƆN 14:23

Mbɛ Chisɔsi ɔ, “Mɔɛ min toen mu n na, ɛ koe chɛ n ma wan, n‑na miin fɔ a ye, an ma koe a. Fa ɛ to‑a wan a mɔɛ chɛ a. A sin, Fa ni ma, ni n fan, nn mbe na‑a wan a tena, mbɛ nn bɛ gbɛɛ ɛ ma‑a kaina dɔndɔ.

CHƆN 15:7

Ni mmɔ bɛ ma‑a mɔ dɔndɔya ɔ, mbɛ wo‑a n 'na bai n sa wo yii ma gban, ɛ nyan‑da wan. Fen kɔ fen, wo toen mu min na, mbɛ wo‑a Fa Yataa ɔ tisa a ko a, ɛ a be‑a wan wo ma.

CHƆN 6:56

Mɔ ɔ mɔ min mbe n gboo daun‑da, a ni n wii min, nn fea a mɔɛ chɛ a, nn mbe ma‑a wan mɔ dɔndɔɛ a.

CHƆN 8:25

Mbɛ an dɔ, “Nyɔn gbu sin mu i a?” Mbɛ Chisɔsi ɔ, “N‑na a fɔ wan wo ye a saa saa, n mu mɔɛ min na. N mu mɔɛ chɛ chɛndɛ chɛndɛ an na, n‑na a fɔ wo ye sɛsɛ, n mu mɔɛ min na.

Gboo Fiipai Ko A 4:15

Wo sin gbu, wo wan Fiipai mɔɛ nu, wo‑a a ɔ sɔn fan, min ma‑a a saa a, n‑na a kuu sɔ tima min na sakana bai chɛndɛ chɛ ɔ yian‑da mɔɛ n na. A tima chɛ a, kɛn n ni ka tena nɔ an Masidonia chɛnyɛ chɛ ɔ, chɔchi kan kɔ kan dɔ gbɛɛ nii ma toa si ni n 'na wai kɔɔ, mɔ dechee wo wan. Wo wan ni wo boo fenɛ be.

Gboo Kɔdɔsai Ko A 3:16

Sakana bai chɛ, a si Chasi ma, a ni sa wo faa ɔ chɛndɛ chɛ. Wo wo nyɔn kan, wo ni wo nyɔn na si yiimatɛ chia gbɛɛ a. Wo si kan kɔ kan sa, Yataa ɛ tando min dɔ, wo e ta‑a Yataa wai bɔ‑a, wo faa gbɛɛ a.

GBOO IBU MƆƐ N KO A 2:1

Chɛ an fɛ mu, mmɔ‑a tea bai chɛ min na min, mmɔ a bia mmɔ boo fea a, mmɔ ma na ka an chia chɛ ma.

GBOO IBU MƆƐ N KO A 3:14

Koe min na mu, mmɔ gbɛɛ, mmɔ bɛ Chasi a, mmɔ ɛ ko dɔndɔɛ an dɔ. Ɛ ma‑a ka wan, ni mmɔ‑a danaya saa chɛ bia gban, aan mmɔ 'a fɔɛ danka a.

1 CHƆN 1:3

Nn‑na koe min dɔ yen, nn‑na min na min nn too a, nn mbe ka an dɔ yian‑da wo a. Chɛ ɛ a ma‑a wan, mmɔ ni ma kuiɛ dɔndɔɛ ɔ, yɔ nn mbe buɛ min dɔ kuiɛ dɔndɔya ɔ, nn bɛ mmɔ Fa Yataa a, an fea a 'a denɛ Chisɔsi Chasi a.

1 CHƆN 1:7

Chɛɛ Yataa ɛ manɛ an dɔ. An fɛ mu, ni mmɔ wɛɛ tachɛ‑a a 'a man chɛ kɔɔ, mmɔ ɛ ma‑a wan kuiɛ dɔndɔɛ ɔ, mmɔ nyɔn na. A yɛ to, Yataa 'a denɛ Chisɔsi wii min bɔ‑a, ɛ mmɔ ko‑a wan, a bɔ mmɔ 'a ko yama n gbɛɛ n dɔ.

1 CHƆN 2:7

N dia nyɔɛ nu, n mbe ee ka sawa nama an nyɛn tena wo tena, chɛɛ sawa kɔma mu. Wo boo ɔ sawa kɔma dɔndɔ gbe chɛ nu mu, a ka sakana bai chɛndɛ chɛ a min tima saa saa ma. Sawa kɔma chɛ mu sakana bai chɛ an na, wo na‑a min na min tee.

1 CHƆN 3:24

Mɔɛ miin mbe Yataa da a kuiɛ ma, an mbe ma wan mɔ dɔndɔya ɔ a a. A sin, Yataa wɛɛ, ɛ ma wan mɔ dɔndɔya ɔ an na. Mmɔ sin mbe a ɔ sɔn ka wan, mbɛ Yataa ɛ wan mmɔ dɔndɔya ɔ mmɔ a. Mmɔ ɛ a ɔ sɔn fan, koe min na mu, a Nyina ɛ mmɔ fɛ.

1 CHƆN 4:13

Yataa sin‑na a Nyina be wan mmɔ ma, a ni ma mmɔ fɛ. Chɛ an mbe a ɔ yian, mbɛ mmɔ ɛ wan mɔ dɔndɔya ɔ Yataa a, a sin, a wɛɛ ɛ wan mɔ dɔndɔya ɔ mmɔ a.

1 CHƆN 4:15

Ni mɔ ɔ mɔ‑a a fɔ den, mbɛ Chisɔsi mu Yataa 'a denɛ an na, a ma‑a mɔ dɔndɔɛ a, an fea Yataa a. Yataa wɛɛ, a ma‑a mɔ dɔndɔɛ a, an fea an mɔɛ chɛ a.

1 CHƆN 4:16

Mmɔ sin danden fan mu a a, mbɛ mmɔ ko a di wan Yataa ye. Yataa mu koadia Yataa an na. A sin, mɔ ɔ mɔ min mbe to‑a mɔ dɔ mende n na, a ma‑a mɔ dɔndɔɛ a, an fea Yataa a. Yataa wɛɛ, a ma‑a mɔ dɔndɔɛ a, an fea an mɔɛ chɛ a.

2 CHƆN 1:2

Nn gbɛɛ, nn toen mu wo a, koe min na mu, tea chɛ ɛ gbɛ mmɔ faa n dɔ, a sin mbe ma‑a nɔ wan kuɔ fɔ ko a.

2 CHƆN 1:9

Mɔ ɔ mɔ min ma a too ma sɔ ni kan chɛ ma, Chasi‑a min chɛ, chɛɛ a‑a a ta sa a kun ma, a mɔɛ chɛ ma mɔ dɔndɔ a an fea Yataa a. Mɔ ɔ mɔ min mbe a too ma sɔ‑a kan chɛ ma, Chasi‑a min chɛ, a mɔɛ chɛ ma‑a mɔ dɔndɔɛ a, an fea Fa Yataa a, a basan a 'a denɛ Chisɔsi a.

3 CHƆN 1:3

Suun ma nyɔɛ dɔ n na‑a wan, an‑na a fɔ n ye, mbɛ e wan sɔ ɔ den Chisɔsi ko a, yɔ e buɛ min dɔ Yataa 'a chia ma teaya ɔ, tee ɔ tee a. Chɛ‑a n bu ɔ dia wan kaka.

KO Ɔ NUNDENƐ 3:11

A ɔ ee yansan tena to, mbɛ n na‑a. Chɛ an‑na a fɔ, wo gboo ɔ ma fa dan koe a n na, min mbe a ma, wo ee na‑a fo‑a wo 'a boo ɔ gbasi woo a.

KO Ɔ NUNDENƐ 3:3

Chɛ an‑na a fɔ, wo wo yii na chii, wo kan‑da min na, a yɛ to, wo‑a min na min. Wo wo too ma sɔ a ma, wo ni wo kan kɔ sɔ wo 'a ko yama n na. Ni wo ma wo kunɛ kɔɔ sɔ ni, n mbe na‑a wo tɛnɛ‑a wan, yɔ kanka ɛ a ma buɛ min dɔ. Wo ee na‑a tima gbu wɛɛ sɔn‑da, n mbe na‑a tima min na, wo tɔɔya koe a.