1 CHƆN 2:21 - Yataa 'a Dɔbɛnɛ Nama

²¹ N mbe gboo chɛ nyɛnɛ min chɛ tena wo tena, n mbe ee a fɔ tena wan ka, mbɛ wo ma tea sɔn. Koe min na mu, wo‑a a sɔn fan. A sin to, wo‑a a ɔ sɔn fan to, mbɛ fania kan kɔ kan mbe ee che a ma‑a, wo ni ka tea chia chɛ ma.

1 CHƆN 2:21 ပူးပေါင်းရင်းမြစ်များ

CHƆN 18:37

Chɛ‑a a ma wan, Kɔfana Padeti ɔ, “E ka a fɔ an na gbɛ n ye, mbɛ mansa mu i a?” Mbɛ Chisɔsi ɔ, “I wan‑na a fɔ, i ɔ, mansa mu n na. N na‑a dunya chɛ ɔ, mbɛ n suun‑da mɔgbuya ɔ. Chɛ ma‑a, ko dɔndɔ gbe chɛ an ko a, tea ɔ yian koe a mɔɛ n na. A sin, mɔ ɔ mɔ min toen mu an tea chɛ a, ɛ a too ma sɔ wan n da a kuiɛ ma.”

CHƆN 8:44

Sitana wandi gbu, an mu wo fa a. A sin, wo e bea tena koe chɛ n fan fɛ, wo fa toen mu miin na. Suun gba wɛ, mɔ fa mɔɛ mu a a, a sin tima ee a boo ɔ tea ko a. Koe min na mu, tea ma bɔ nin bɛ a da ɔ tee dɔndɔɛ wɛɛ. Ni a ma‑a fania fɔ‑a tima ɔ tima, ɛ ma ka dɔn‑da a tɔɛ gbu an ma. Koe min na mu, fania fɔ mɔ dechee ma a a, chɛɛ fania fa mu a a.

CHIMISI 1:19

N suun ma nyɔɛ nu Chasi ɔ, wo ko a di n ye. A sin, wo chɛ sa wo yii ma. Ni wo too ma sɔ koe mu, wo ma tima yayi a ma sɔ koe a. Chɛɛ wo tima ya koɔ koe a. Wo ni tima ya, faatɛ bɔ koe a.

2 PITA 1:12

Chɛ an fɛ mu, n mbe wo yiima n na che tena tun koe chɛ n ma. Wo‑a an tea n dɔ sɔn bɛɛ ka boo ɔ boo, min dɔ yian‑da wo a, a si Chisɔsi ma. A yɛ to, wo e a sɔ tena wan an tea chɛ fɛ gbau gbau.

1 CHƆN 3:19

Ni mmɔ‑a a ma ka, an mbe a ɔ yian‑da, mbɛ tea ɛ wan mmɔ ɔ. An mbe a ma‑a, mmɔ faa ee gbaa, mmɔ ɛ ma‑a Yataa chen kɔɔ,

CHUDA 1:5

Wo‑a chɛ ɔ sɔn bɛɛ boo ɔ boo, chɛɛ n mbe a ɔ yian‑da wan to wo a. Mbɛ Yataa na‑a Isɔɛɛ mɔɛ n bɔ wan yɔncha ɔ Ichipi chɛnyɛ ɔ. Chɛɛ chɛ gbakɔ, an dɔ nu, a‑a an kasaa wan, koe min na mu, an ma dɔn ni dan koe a a wan Yataa a.