1 CHƆN 2:20 - Yataa 'a Dɔbɛnɛ Nama

²⁰ Chɛɛ wo tana, Chisɔsi‑a a ma, Yataa Nyina ɛ wo fɛ, min‑na a ma, wo gbɛɛ‑a tea sɔn.

1 CHƆN 2:20 ပူးပေါင်းရင်းမြစ်များ

MATIU 13:11

Mbɛ Chisɔsi ɔ, “Mɔɛ gbɛɛ nii ma min dɔ sɔn tee a si Yataa 'a mansaya ma, a‑a an dɔ yian wo a. Chɛɛ a nunden fan mu mɔɛ tɔɛ n ma sanche wɛɛ.

MAKI 1:24

a ɔ, “Chisɔsi, Nasaɛti mɔɛ, i ma nn tɔɔ. I na‑a nn kasaa koe an na? N‑na a ɔ sɔn fan, i mu mɔɛ min na. I wan mu mɔɛ a tenchen, Yataa‑a min sɔ, a 'a wai chɛ koe a.”

DUKU 4:18

“Mansa Yataa Nyina ɛ n fɛ, koe min na mu, Mansa Yataa‑a a boo sɔ n ma, sakana bai chɛndɛ chɛ ɔ yian koe a yɔn tɔɛ n na. A‑a n sɔ a fɔ koe a mɔɛ n ye, miin mbe bia ɔ, mbɛ an mbe bɔ‑a wan a ɔ, mbɛ ya te tɔɛ chɛ n bɛɛ, an mbe kaina yen‑da wan to. A‑a n na na, chɛ n bɔ koe a mɔɛ chɛ n 'na gbasaya kɔɔ, miin mbe an yɔn bia chɛ tena.

DUKU 4:34

“Ee, Chisɔsi, Nasaɛti mɔɛ, a nyin i ni nn to nɔ, yɔ i‑a nn yen buɛ min dɔ. I na‑a nn fa koe an na? N‑na a ɔ sɔn fan mɔɛ min nyɔn sima mu i a. Mɔɛ mu i a, min ka‑a Yataa tena, a 'a wai tenchenɛ chɛ koe a.”

CHƆN 14:26

Min mbe wo deman‑da, Yataa Nyina, Fa ɛ na‑a min na na‑a n gba ɔ, an mbe wo kan‑da ko ɔ ko ma, a si n 'na bai n ma. A sin mbe a ma‑a wan, n 'na bai chɛ n ni puin wo yii ma, n ni bai miin fɔ, mmɔ bɛ ni tima min na.

CHƆN 16:13

Chɛɛ ni Yataa Nyina chɛ na‑a, min mbe tea ɔ yian a si Yataa ma, ɛ a ma‑a wan, wo ni tea gbɛɛ ɔ sɔn. A ee koɔ‑a wo tena a kun ma gbasaya n dɔ, chɛɛ ɛ min na min‑da Yataa a, ɛ an fɔ‑a wo ye. A sin, koe miin mbe na tena ma‑a, ɛ an fan dɔ yian‑da wo a.

CHISƆSI 'A SƆ MƆƐ NU 10:38

A yɛ to, wo‑a Chisɔsi wakoe ɔ sɔn fan, min ka‑a Nasaɛti duu ɔ. Yataa na‑a a Nyina be buɛ min dɔ a ma, a basan gbasaya a. Chisɔsi ben ben‑da wan a ɔ gbɛɛ, ɛ ta‑a ko chɛndɛ ma‑a mɔɛ n na, mbɛ a yɛ‑a, a‑a mɔɛ n gbɛɛ baun, miin ni Sitana 'a gbasaya kɔɔ. Koe min ni a ma, a ni chɛ ma, Yataa ni wan a fɛ.

CHISƆSI 'A SƆ MƆƐ NU 3:14

A ni tenchen Yataa 'a wai an ko a, a sin, a tanden fan ni Yataa tena. Chɛɛ chɛ gbɛɛ ɔ, wo ban‑da wan a ɔ, mbɛ wo‑a Kɔfana Padeti disa, wo ɔ, a ni a boo ka mɔ fa mɔɛ a wo ye.

GBOO SAA KƆYINDI KO A 2:15

Chɛɛ Yataa Nyina ɛ mɔɛ min fɛ, ɛ kun fan a ni ko ɔ ko ɔ gbɛ, a si ko ɔ ko ma. Chɛɛ a sin, mɔ ɔ mɔ ee kun a ni a wandi gbu wakoe ɔ gbɛ.

GBOO IBU MƆƐ N KO A 1:9

I toen mu tea an na, i ma to ni sawa yɔnɛ a. Chɛ an fɛ mu, n fan Yataa, i 'a Yataa, n‑na n boo sɔ i ma, ma koe a basɔmaya ɔ, min mu buɔdia a i tena, a ben i bɔɛ n ma.”

GBOO IBU MƆƐ N KO A 8:11

An dɔndɔ wɛɛ, an mbe ee an chɛnyɛ nyɔɛ n kan‑da, chɛ ma, an dɔndɔ wɛɛ ni an suun ma nyɔɛ n kan. An ni a fɔ, an dɔ, ‘Wo Mansa Yataa sɔn.’ Koe min na mu, mɔɛ gbɛɛ, an mbe na‑a wan n sɔn‑da, a ka mɔɛ ma, baa sima wɛɛ ee min ma, a ta mɔɛ tena, min mu mɔ chenama wa a.

1 CHƆN 2:27

Chɛɛ wo tana, Chisɔsi ban‑da Yataa Nyina a yii‑a, ma koe a wo fɛ. Tima min na mu wɛ, Yataa Nyina ɛ wo fɛ, mɔ dɔ mende ma gbɔsɔ ee wɛ wo ma, wo kan koe a. Koe min na mu, Yataa Nyina chɛ, an mbe wo kan tena ko kan kɔ kan ma. A sin tea mu, fania kan kɔ kan ma. Chɛ an fɛ mu, wo wo boo a chii, ma koe a mɔ dɔndɔya chɛ ɔ Chisɔsi a, yɔ Yataa Nyina chɛ‑a wo kan min na.

1 CHƆN 4:13

Yataa sin‑na a Nyina be wan mmɔ ma, a ni ma mmɔ fɛ. Chɛ an mbe a ɔ yian, mbɛ mmɔ ɛ wan mɔ dɔndɔya ɔ Yataa a, a sin, a wɛɛ ɛ wan mɔ dɔndɔya ɔ mmɔ a.

CHUDA 1:5

Wo‑a chɛ ɔ sɔn bɛɛ boo ɔ boo, chɛɛ n mbe a ɔ yian‑da wan to wo a. Mbɛ Yataa na‑a Isɔɛɛ mɔɛ n bɔ wan yɔncha ɔ Ichipi chɛnyɛ ɔ. Chɛɛ chɛ gbakɔ, an dɔ nu, a‑a an kasaa wan, koe min na mu, an ma dɔn ni dan koe a a wan Yataa a.

KO Ɔ NUNDENƐ 3:7

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Fidadɛfia duu ɔ. A ɔ, “N fan, mɔɛ chɛ, n fɛn kan nyɔ ee, n fɛn teaen mu, a sin to, Mansa Defidi 'a chi ɛ n boo ɔ.” A ɔ, “N fan mbe chenɛ da a ka, mɔ ɔ mɔ ee a da a tɔn, a yɛ to, n fan mbe a da a tɔn, mɔ ɔ mɔ ee a da a ka.” A ɔ, “N 'na sakana an nɛ.”

KO Ɔ NUNDENƐ 4:8

Fɔɛ fen naanin chɛ n gbɛɛ, an kambanɛ ni wɔdɔ wɔdɔ. An sin, an ya ni wan bɔn dɔ an gboo gbɛɛ ma, a basan an kambanɛ n kɔɔ a. A sin to, su ɔ tee a, an mbe ee sɛmbɛ a fɔ koe a, an dɔ, “A kan nyɔ ee, a kan nyɔ ee, Yataa Mansa kan nyɔ ee. A 'a gbasaya danka ee. A ni wan nɔ suun, ɛ wan nɔ sanche, ɛ ma‑a wan nɔ kuɔ fɔ ko a.”