1 CHƆN 2:14 - Yataa 'a Dɔbɛnɛ Nama

¹⁴ N 'na denɛ nu, n mbe gboo chɛ nyɛn tena wo tena, koe min na mu, wo‑a Fa Yataa sɔn. Wo wɛn mu chenanɛ n na, n mbe gboo chɛ nyɛn tena wo tena, koe min na mu, wo‑a mɔɛ chɛ sɔn fan, a wɛn mbe nɔ dunya a dan tima a. Wo wɛn mu den tɔngbɔɛ n na, n mbe gboo chɛ nyɛn tena wo tena, koe min na mu, faa ɛ wo ɔ Yataa ko a. A sin, Yataa 'a bai ee ka wo yii ma. A yɛ to, wo‑a Sitana a bea.

1 CHƆN 2:14 ပူးပေါင်းရင်းမြစ်များ

CHƆN 15:7

Ni mmɔ bɛ ma‑a mɔ dɔndɔya ɔ, mbɛ wo‑a n 'na bai n sa wo yii ma gban, ɛ nyan‑da wan. Fen kɔ fen, wo toen mu min na, mbɛ wo‑a Fa Yataa ɔ tisa a ko a, ɛ a be‑a wan wo ma.

CHƆN 5:38

A sin, a 'a sakana bai ma si tena sɔn ni wo faa n dɔ. Koe min na mu, wo ma dan ni n na, a‑a n fɛn sɔ.

CHƆN 8:31

Mɔɛ chɛ nu, miin dan‑da ka Chisɔsi a, a koɔ‑a an tena, a ɔ, “Ni wo‑a wo too ma sɔ n da a kuiɛ ma, wo e ma‑a n fɛ mɔɛ chɛndɛ chɛndɛ n fan na.

CHƆN 8:37

N‑na a ɔ sɔn fan, mbɛ Ebeami cheeya mu wo a. Chɛɛ chɛ gbɛɛ ɔ, wo toen mu wo ni n fa. Koe min na mu, n mbe wo kan tena bai miin na, wo ma to ni, wo ni wo boo si an kɔɔ.

Gboo Ɛfisɔsi Ko A 6:10

N ni a fɔ gbɛ wo ye, mbɛ wo ɔ ni gbɛa, koe min na mu, mɔ dɔndɔɛ mu wo a, wo bɛ Mansa Chisɔsi a. Gbasaya wa min nyɔn sima ɛ a ɔ, a ni ma wo ɔ.

Gboo Fiipai Ko A 4:13

Chasi 'a gbasaya ɔ, ɛ min be n ma, n mbe che wan, n ni ko ɔ ko kan kɔ kan ma.

Gboo Kɔdɔsai Ko A 1:11

Nn mbe samunɛ chɛ tena, Yataa ni gbasaya gbɛɛ be wo ma, a 'a gbasaya kamayaen ba ɔ. Wo ni ko gbɛama kan kɔ kan dɔ bia, faabia ɔ, wo bu ɔ diama ɛ.

Gboo Kɔdɔsai Ko A 3:16

Sakana bai chɛ, a si Chasi ma, a ni sa wo faa ɔ chɛndɛ chɛ. Wo wo nyɔn kan, wo ni wo nyɔn na si yiimatɛ chia gbɛɛ a. Wo si kan kɔ kan sa, Yataa ɛ tando min dɔ, wo e ta‑a Yataa wai bɔ‑a, wo faa gbɛɛ a.

2 TIMOTI 2:1

I tana, n 'na den, Yataa ni i ɔ gbɛa koadia demanɛ chɛ ɔ, mmɔ‑a min ma sɔn kɛn mmɔ ma‑a mɔ dɔndɔɛ a, mmɔ bɛ Chisɔsi Chasi a.

GBOO IBU MƆƐ N KO A 8:10

Mbɛ dɔbɛnɛ an nɛ, n mbe min chɛ‑a mɔɛ n na, miin ka‑a Isɔɛɛ chɛnyɛ ɔ. N fan Mansa Yataa, ni tee chɛ n ben‑da, n mbe n 'na sawa n sa‑a wan, an yii ma, n ni a sa an faa ɔ. A sin, n mbe ma‑a wan an 'na Yataa a, mbɛ an bɛɛ, an ma‑a n 'na mɔɛ n na.

1 CHƆN 1:1

Nn mbe gboo chɛ min nyɛn tena ka, a sien mu mɔɛ chɛ an ma, an mbe min chee, an dɔ, Bai, min tɔ mu to Fɔɛ. A ni wan nɔ dunya a dan‑da tima min na. Nn‑na a yen fan nn ya a pɛnɛnɛ, nn‑na a kuiɛ a min, nn sin tindi tindi‑a wan nn nyɔn ma.

1 CHƆN 1:10

Ni mmɔ‑a a fɔ, mbɛ mmɔ ma ko yama kan kɔ kan ma nin bɛ, mmɔ ɛ ma‑a ka a fɔ an na, mbɛ Yataa ma teaya ni. A sin, a da a bai ee si tena sɔn‑da mmɔ faa ɔ.

1 CHƆN 2:13

Wo wɛn mu chenanɛ n na, n mbe gboo chɛ nyɛn tena wo tena, koe min na mu, wo‑a mɔɛ chɛ sɔn fan, a wɛn mbe nɔ dunya a dan tima a. Wo wɛn mu den tɔngbɔɛ n na, n mbe gboo chɛ nyɛn tena wo tena, koe min na mu, wo‑a Sitana a bea.

2 CHƆN 1:2

Nn gbɛɛ, nn toen mu wo a, koe min na mu, tea chɛ ɛ gbɛ mmɔ faa n dɔ, a sin mbe ma‑a nɔ wan kuɔ fɔ ko a.

3 CHƆN 1:3

Suun ma nyɔɛ dɔ n na‑a wan, an‑na a fɔ n ye, mbɛ e wan sɔ ɔ den Chisɔsi ko a, yɔ e buɛ min dɔ Yataa 'a chia ma teaya ɔ, tee ɔ tee a. Chɛ‑a n bu ɔ dia wan kaka.

KO Ɔ NUNDENƐ 2:3

Wo‑a wo faa bia kaka tɔɔya a n ko a, a sin, wo gboo ɔ ma fa ni ma koe a n fɛ.

KO Ɔ NUNDENƐ 2:7

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.” A ɔ, “Mɔ ɔ mɔ miin mbe sɔ‑a gban Yataa ko a, an mɔɛ chɛ nu, n mbe a ma‑a wan, an ni kɔnɛ chɛ gbɔɛ daun, kɔn chɛ Yataa 'a yadi ɔ banda bu ɔ, min mbe kuɔ fɔ fɔɛ be.”