1 CHƆN 2:11 - Yataa 'a Dɔbɛnɛ Nama

¹¹ Chɛɛ mɔ ɔ mɔ min tooen mu a suun ma nyɔɛ a, ɛ ka pimbi ɔ wan, ɛ tachɛ chɛ‑a pimbi ɔ, a ta chia toenɛ ɔ a boo ɔ. Koe min na mu, pimbi chɛ‑a a ma, a ee che kaina yen‑da.

1 CHƆN 2:11 ပူးပေါင်းရင်းမြစ်များ

CHƆN 12:35

Mbɛ Chisɔsi ɔ an ma, a ɔ, “Manɛ chɛ ɛ ma‑a wan bɛ wo tɛ ɔ tima ɛnden ko a. Wo a a tun tachɛ chɛ koe a, manɛ ɛ wɛ nɔ tima min na, min mbe a ma, pimbi ee bun‑da wo ma. Ni mɔɛ a ma‑a tachɛ chɛ‑a pimbi pimbi ɔ, a ee a chen kɔɔ yen, a ta chia sɔn koe a.

CHƆN 12:40

“N‑na an ya n na pimbi, an ma na kaina yen. N‑na an yiima n bɛɛ a fa fa‑a, an ma na koe n dɔ gbɛ chɛndɛ chɛ. N‑na chɛ ma, min mbe a ma, an ma na an ya a mun n ma, an ni bauncha ma sɔn.”

GBOO FEAN BƆƐ KƆYINDI KO A 3:14

An gbu sin, tea ko a, an na‑a fo wan ko ɔ gbɛ yiimatɛ a. Koe min na mu, bi tee chɛ wɛɛ a, Yataa 'a dɔbɛnɛ kɔma chɛ, an mbe ma a kan‑da, a maenɛ mu yɔ an yiima ɛ koa an kɔɔ. Koa chɛ sin, min mbe mɔɛ yii kun ma, ɛ bɔ nɔ dechee tima min na, an nɛ tima chɛ a, mɔɛ ɛ ma tima min na mɔ dɔndɔɛ a Chisɔsi a.

GBOO FEAN BƆƐ KƆYINDI KO A 4:4

An mbe ee che dan‑da Yataa bai chɛ a. Koe min na mu, an yiima ɛ tun pimbi an dɔ, Sitana boo ɔ, min 'na gbasaya ɛ dunya chɛ kun ma. A wan mbe a ma tena, an mbe ee man chɛ yen, ɛ ma man‑da an ma. Manɛ chɛ, min mbe ka sakana bai chɛndɛ chɛ ɔ, a si Chisɔsi ma. A wan Chasi chɛ, an mu Yataa bɔ nyɔɛ a.

TAITƆSI 3:3

Mmɔ wandi wɛɛ, tima dɔ a mmɔ wooen ni, mmɔ nii kooya be, mɔɛ n na‑a mmɔ sɔ wan chia yama ma. Mmɔ ni yɔnɛ n fan na, mmɔ faa ma koe n dɔ, a basan dunya ma koe n na. Mmɔ na‑a tima gbɛɛ ya fɔɛ ɔ toomaya an dɔ, mɔɛ n tooenɛ ɛ mmɔ a, mmɔ wɛɛ tooenɛ ɛ mmɔ nyɔn na.

2 PITA 1:9

Chɛɛ ni sɔn chɛ n mbe ee mɔɛ min dɔ, a maen fan mu yɔ fion tɔɛ. A mɔɛ bonda chɛ sin nyina‑a, mbɛ Yataa na‑a a boo bɔ wan a 'a ko yama n dɔ, mbɛ a ma‑a mɔ chɛndɛ a.

1 CHƆN 1:6

Ni mmɔ‑a a fɔ, mbɛ mmɔ bɛ an mbe gbɛ a a kuiɛ dɔndɔɛ ɔ, chɛɛ mmɔ ɛ a a tun‑da tachɛ koe a pimbi ɔ, mmɔ ɛ ma‑a ka fania an fɔ‑a. Mmɔ sin mbe ee ma‑a ka tea koe ɔ.

1 CHƆN 2:10

Chɛɛ mɔ ɔ mɔ min toen mu a suun ma nyɔɛ a, ɛ ka Yataa 'a manɛ an kɔɔ. A sin, ko ɔ ko ee a faa ɔ, min mbe a ma, a ni bea.

1 CHƆN 2:9

Mɔ ɔ mɔ min‑na a wandi ya, mbɛ ɛ Yataa 'a manɛ kɔɔ wan, chɛɛ a tooenɛ a suun ma nyɔɛ a, ɛ ka pimbi an dɔ tun tun.

1 CHƆN 3:15

Mɔ ɔ mɔ min mbe too‑a a suun ma nyɔɛ a, mɔ fa mɔɛ mu a a. A sin, wo‑a a ɔ sɔn fan, mbɛ mɔ fa mɔ kan kɔ kan, a ee kuɔ fɔ fɔɛ ma sɔn.

1 CHƆN 4:20

Ni mɔ ɔ mɔ‑a a fɔ, mbɛ a toen fan mu Yataa a, chɛɛ a ma to ni a suun ma nyɔɛ a, ɛ ka fania an fɔ‑a. Koe min na mu, mɔ ɔ mɔ min ma to ni a suun ma nyɔɛ a, ɛ min yen tee ɔ tee a, a mɔɛ chɛ ee che to‑a Yataa a, a ee min yen.

KO Ɔ NUNDENƐ 3:17

Koe min na mu, wo e a fɔ wan, wo ɔ, wo nyanden mu, wo ɔ, fen fen mbe wan wo boo ɔ, wo ɔ, fen fen ma gbɔsɔɛ ee wo ma. Chɛɛ wo ma a ɔ sɔn, mbɛ wo ma chinchinden mu, wo yɔnden mu, a ma boo kan kɔ kan mbe ee wo ye, wo fiondenɛ mu, wo ma senɛ ɛ.