1 CHƆN 2:10 - Yataa 'a Dɔbɛnɛ Nama

¹⁰ Chɛɛ mɔ ɔ mɔ min toen mu a suun ma nyɔɛ a, ɛ ka Yataa 'a manɛ an kɔɔ. A sin, ko ɔ ko ee a faa ɔ, min mbe a ma, a ni bea.

1 CHƆN 2:10 ပူးပေါင်းရင်းမြစ်များ

MATIU 13:21

Chɛɛ Yataa 'a bai chɛ ee si an yiima ɔ, tima ɔ yansama ko a. An mbe dan dechee a a tima kundu ɛnden fan ko a. Ni an‑na ko ma gbaaenɛ sa an ma dechee, sakana bai chɛ wako a, an mbe an boo bɔ wan a kɔɔ.

MATIU 18:7

A yau gba mɔɛ n ko a dunya ɔ, a mu min na, koe n mbe wan nɔ, miin mbe an na dɛ‑a ko yama ma ɔ. Ko yama gbu n mbe ma wan, chɛɛ a yau gba mɔɛ chɛ ko a, min mbe a bɔ mɔ gbu a dɛ‑a ko yama ma ɔ.

CHƆN 11:9

Mbɛ Chisɔsi ɔ, “Awa tan kun ma fea an mbe tee ɔ, ae? Chɛ an fɛ mu, mɔ ɔ mɔ min mbe tachɛ chɛ‑a tee a den, a ee a chenɛ a tu, a ni bea. Koe min na mu, ɛ manɛ yen tena wan.

CHƆN 12:35

Mbɛ Chisɔsi ɔ an ma, a ɔ, “Manɛ chɛ ɛ ma‑a wan bɛ wo tɛ ɔ tima ɛnden ko a. Wo a a tun tachɛ chɛ koe a, manɛ ɛ wɛ nɔ tima min na, min mbe a ma, pimbi ee bun‑da wo ma. Ni mɔɛ a ma‑a tachɛ chɛ‑a pimbi pimbi ɔ, a ee a chen kɔɔ yen, a ta chia sɔn koe a.

CHƆN 8:31

Mɔɛ chɛ nu, miin dan‑da ka Chisɔsi a, a koɔ‑a an tena, a ɔ, “Ni wo‑a wo too ma sɔ n da a kuiɛ ma, wo e ma‑a n fɛ mɔɛ chɛndɛ chɛndɛ n fan na.

GBOO DOMI KO A 14:13

Chɛ an fɛ mu, mmɔ sɛmbɛ kaa a tɛ koe a, mmɔ bɔ Chisianɛ n bakoe ma, ko yama ma koe ko a. Chɛɛ wo e chɛ an ma. Wo ma koe ma, min mbe a ma, wo bɔɛ n ni ka Yataa 'a chia ma.

Gboo Fiipai Ko A 1:10

min mbe a ma, wo ni a ɔ sɔn koe min nyin chɛndɛ chɛ Yataa chen kɔɔ, mabɔ kan kɔ kan mbe ee min ma. Chɛ ɛ a ma‑a wan, Chasi na tee ma, mabɔ ee na‑a ma‑a wo ma, ko yama kan kɔ kan ko a.

2 PITA 1:10

Chɛ an‑na a fɔ, n suun ma nyɔɛ nu Chasi ɔ, wo butuinɛ chɛ wo sɔɛ gbɛ a. Wo ni a ɔ yian, mbɛ Yataa‑a wo chee min chɛ, a‑a a boo min sɔ wo ma, ma koe a a ta mɔɛ n na, kuɔ fɔ koe mu. Chɛ sin mbe a ma‑a wan, wo ee sɛmbɛ‑a wo kai fa koe a Yataa a.

1 CHƆN 2:11

Chɛɛ mɔ ɔ mɔ min tooen mu a suun ma nyɔɛ a, ɛ ka pimbi ɔ wan, ɛ tachɛ chɛ‑a pimbi ɔ, a ta chia toenɛ ɔ a boo ɔ. Koe min na mu, pimbi chɛ‑a a ma, a ee che kaina yen‑da.

1 CHƆN 3:14

Ni mmɔ to‑a mmɔ suun ma nyɔɛ n na, ɛ a ɔ yian fan, mbɛ mmɔ bɔ‑a saya 'a gbasaya kɔɔ, mmɔ‑a kuɔ fɔ fɔɛ ma sɔn. Chɛɛ mɔ ɔ mɔ min ma to ni a suun ma nyɔɛ a, a mɔɛ chɛ ɛ wɛ tun saya 'a gbasaya an kɔɔ.