1 CHƆN 1:9 - Yataa 'a Dɔbɛnɛ Nama

⁹ Chɛɛ ni mmɔ dɔn‑da a ma, mbɛ mmɔ‑a ko yama ma wan, Yataa danayaen mu, ɛ na‑a tea koe an ma‑a. Ɛ a boo bɔ‑a wan mmɔ 'a ko yama n dɔ, mbɛ a‑a mmɔ ko mmɔ 'a ko yama n gbɛɛ n dɔ, mmɔ ni gbɛ fo.

1 CHƆN 1:9 ပူးပေါင်းရင်းမြစ်များ

MATIU 3:6

An dɔn‑da an 'na ko yama n ma, fanka ɔ den. Mbɛ Chɔn‑na yii chɛ an kunɛ ɔ, Yataa chia a, Chɔdan yii ɔ.

MAKI 1:5

A sin, mɔɛ n gbɛɛ ni ka wan Chuusaɛn duu ɔ, an mbe ka duu tɔɛ n dɔ, Chudia chɛnyɛ ɔ. An ni na wan, mbɛ an‑na Chɔn tan. An ni dɔn fan ko yama n ma, an na‑a miin ma. Chɔn ni yii chɛ wan an kunɛ ɔ, Yataa chia a, Chɔdan yii ɔ.

DUKU 22:57

Chɛɛ Pita‑a kɔɔsa bia chɛ wan bai chɛ ma, a ɔ, “N bian musu, n ma kamin chɛ sɔn.”

CHƆN 17:25

Fa, i wɛn tanden mu, i wakoe ee mɔɛ miin faa ɔ, kɛn gba an ma i sɔn. Chɛɛ n tana, n‑na i sɔn fan tima ɔ tima ko a. A sin, n fɛ den chɛ n bɛɛ gbu, an‑na a ɔ sɔn gbɛ, mbɛ i wan‑na n sɔ.

CHISƆSI 'A SƆ MƆƐ NU 19:18

Mɔ sɛsɛ nu, miin bɛɛ na‑a an kai fa Chisɔsi a, an na‑a wan fanka ɔ, mbɛ an dɔn‑da an chɛ chɛ wai yama n ma, an sin‑na an dɔ yian fan.

GBOO DOMI KO A 3:26

Chɛɛ sanche chɛ ɔ gbɛ, a ee a ya ka tena to mɔɛ n 'na ko yama n na. Chɛɛ ɛ a ɔ yian tena wan, mbɛ a wan mbe mɔ gbu ya dechee mɔ tandenɛ a. Ɛ ka a ɔ yian tena wan, mbɛ a wandi gbu tanden fan mu. A sin, ɛ mɔ ɔ mɔ ya wan mɔ tandenɛ a, mɔɛ min mbe i kai fa‑a Chisɔsi a.

GBOO SAA KƆYINDI KO A 1:9

Yataa ee a da a kuiɛ yɔn. A wan‑na wo chee, ma koe a dia nyɔncha wa chɛ ɔ, wo bɛ a 'a denɛ a, Chisɔsi Chasi, mmɔ 'a mansa.

GBOO SAA KƆYINDI KO A 6:11

Wo dɔ n ni ka wan tee. Chɛɛ sanche gbɛ, wo ko‑a fo, wo 'a ko yama n boo ɔ. Wo ma‑a tenchen Yataa ko a. Yataa‑a wo ya mɔ tandenɛ n na, a chen kɔɔ, Mansa Chisɔsi Chasi 'a gbasaya ɔ, an fea Yataa Nyina a.

Gboo Ɛfisɔsi Ko A 5:26

A‑a chɛ ma, min mbe a ma, a ni a ma, mɔɛ miin mbe chɔchi ɔ, an ni ma tenchen Yataa ko a. A ni an ko fion, yii a, mbɛ a‑a a da a bai sa an yii kun ma.

1 TIMOTI 1:15

Tea bai yen ko, Chisɔsi Chasi na‑a dunya ɔ ko yama ma mɔɛ n baun koe an na. Kɔɔsa bia kan kɔ kan mbe ee chɛ ma, a sin mbe nyan fan mɔ ni dan a a. N fan Pɔɔ, ko yama ma mɔɛ n 'na mansa mu n na.

TAITƆSI 2:14

A wɛn‑na a wandi be mmɔ ko a, mmɔ bɔ koe a ko yama n dɔ, mmɔ ni ma mɔ ma koenɛ n na. Mmɔ ni ma a ta mɔɛ n na tenchen, mmɔ ma bɛndenɛ ni ma ko chɛndɛ ma koe a.

GBOO IBU MƆƐ N KO A 10:23

Mmɔ ma a ɔ yian bi, mbɛ mmɔ yii na tɛen mu Chisɔsi an ma, mbɛ sinan, mmɔ‑a yiima dɔ mende ya. Koe min na mu, a wɛn‑na mmɔ too ɔ dia, a ee a da a kuiɛ yɔn.

GBOO IBU MƆƐ N KO A 11:11

A chenanchaen ni boo ɔ boo, a yɛ to, a 'a musu gbandayaen ni, Ebeami na‑a a kai fa wan Yataa a. Chɛ an na‑a a ma, a che‑a denɛ ma sɔn‑da. A na‑a dan fan a a, mbɛ Yataa ee a da a kuiɛ yɔn.

GBOO IBU MƆƐ N KO A 6:10

Koe min na mu, Yataa ee kaa yama a tɛ, a ni nyina wai chɛndɛ chɛ ma, wo‑a min chɛ. A yɛ to, wo na‑a Yataa 'a mɔɛ n bia wan chɛndɛ chɛ, wo sin mbe tun an bia‑a a buɛ ɔ. Chɛ‑a a ɔ yian fan Yataa a, mbɛ wo toen mu a a.

1 CHƆN 1:7

Chɛɛ Yataa ɛ manɛ an dɔ. An fɛ mu, ni mmɔ wɛɛ tachɛ‑a a 'a man chɛ kɔɔ, mmɔ ɛ ma‑a wan kuiɛ dɔndɔɛ ɔ, mmɔ nyɔn na. A yɛ to, Yataa 'a denɛ Chisɔsi wii min bɔ‑a, ɛ mmɔ ko‑a wan, a bɔ mmɔ 'a ko yama n gbɛɛ n dɔ.

KO Ɔ NUNDENƐ 15:3

Mɔɛ chɛ nu, an na‑a si dɔndɔ a bɔ wan, a si Yataa‑a gbasaya ɔ yian buɛ min dɔ a 'a yɔnɛ Mosisi 'a tima a. A yɛ to, a‑a a ɔ yian buɛ min dɔ sa tɔngbɔɛ chɛ a tima wɛɛ a. An dɔ, “Yataa Mansa Wa, i wɛn gbasa fen fen ma, i chɛ chɛ wai n koo, da ɔ gbaa koe nu mu. Dunya gbɛɛ ɛ i 'a mansaya an kɔɔ. I 'a ko ɔ ko a kanden mu, a sin kafa ee a ɔ.