1 CHƆN 1:8 - Yataa 'a Dɔbɛnɛ Nama

⁸ Chɛɛ ni mmɔ‑a a fɔ, mbɛ mmɔ ma ko yama ma ni, mmɔ‑a fania fɔ mmɔ wandi ma, a sin, tea ee mmɔ ɔ.

1 CHƆN 1:8 ပူးပေါင်းရင်းမြစ်များ

CHƆN 8:44

Sitana wandi gbu, an mu wo fa a. A sin, wo e bea tena koe chɛ n fan fɛ, wo fa toen mu miin na. Suun gba wɛ, mɔ fa mɔɛ mu a a, a sin tima ee a boo ɔ tea ko a. Koe min na mu, tea ma bɔ nin bɛ a da ɔ tee dɔndɔɛ wɛɛ. Ni a ma‑a fania fɔ‑a tima ɔ tima, ɛ ma ka dɔn‑da a tɔɛ gbu an ma. Koe min na mu, fania fɔ mɔ dechee ma a a, chɛɛ fania fa mu a a.

GBOO DOMI KO A 3:10

Ɛ wan yɔ Yataa 'a gboo‑a a fɔ buɛ min dɔ, a ɔ, “Mɔ dɔndɔ wɛɛ ee nɔ, min tanden mu Yataa chen kɔɔ.

GBOO DOMI KO A 3:23

A mu min na, mɔ gbu gbɛɛ‑a ko yama ma, a sin, mɔ gbu gbɛɛ ma bɔ ni Yataa faa ma chia a, an sɔnɛ n bɛɛ ka‑a Yataa ta fɛ.

GBOO SAA KƆYINDI KO A 3:18

Mɔ ɔ mɔ ma a wandi woo. Wo dɔndɔ wɛɛ ma a wandi ya yiimatɛ tɔ wa a, dunya chɛ ta chia a. Wo wo wandi woo mɔ a bɔɛ chɛ pɛn, min mbe a ma, wo ni ma yiimatɛ tɔ wa an na, Yataa ta chia a.

Gboo Kadesia Ko A 6:3

Koe min na mu, ni mɔ ɔ mɔ‑a yiinachii chɛ, mbɛ mɔɛ mu a a, min sin mu ka mɔ a tenden ma a, ɛ a wandi an bun tena ka.

1 TIMOTI 6:5

An sin mbe ma an nyɔn dɔ sawan sawanɛ an na su ɔ tee a, mɔɛ miin yiima a ma ko ni, a sin tea sima wɛɛ ee a ɔ. Ɛ wan an yii ma, mbɛ Yataa koe ee ta nyanɛ gbaa.

2 TIMOTI 3:13

A sin, mɔ yama nu, ni kankancha tɔɛ nu, an kun ma ɛ chɛ‑a wan tun tun. An mbe mɔɛ n na bea‑a wan, a sin mbe ma‑a an fandi wɛɛ a da bea an na.

CHIMISI 1:22

A sin ni ma wo yii ma, mbɛ sakana bai chɛ ma bea dechee wo too an dɔ, wo ni wo wandi bun. Chɛɛ Yataa 'a bai chɛ‑a min fɔ, wo an ma.

CHIMISI 1:26

Ni mɔ ɔ mɔ‑a a fɔ, mbɛ Yataa sɔn mɔɛ mu a a, a ni a da a kuiɛ kun ma fɛn. Ni a ma chɛ ma ni, ɛ ma‑a ka a wandi an woo a. A ma Yataa sɔn.

CHIMISI 3:2

Tima sɛsɛ ko a, mmɔ ɛ nyinamaya sɛsɛ bɔ wan, mmɔ gbɛɛ. Chɛɛ mɔɛ min mbe che tachɛ‑a fɔɛ ɔ, a ma nyinamaya bai sa ni, mabɔ ee an mɔɛ chɛ ma. A sin, ɛ kun fan tachɛ koe a a wandi gbu a.

2 PITA 2:13

An mbe mɔnɛ ɔ yen‑da wan, an na‑a a ma min chɛ mɔ dɔ mende n na mɔnɛ ɔ bia. Koe min na di an ye, an nɛ koe chɛ n ma koe a tee a den, koe miin mu an gboo faa ma koe a. An mu mau an na, a basan popoya a, wo bɛ ɛ ma daunɛ chɛ‑a an na. Koe min na mu, su ɔ tee a an boo ɛ ma an 'na da mau koe chɛ n fan dɔ.

1 CHƆN 1:10

Ni mmɔ‑a a fɔ, mbɛ mmɔ ma ko yama kan kɔ kan ma nin bɛ, mmɔ ɛ ma‑a ka a fɔ an na, mbɛ Yataa ma teaya ni. A sin, a da a bai ee si tena sɔn‑da mmɔ faa ɔ.

1 CHƆN 1:6

Ni mmɔ‑a a fɔ, mbɛ mmɔ bɛ an mbe gbɛ a a kuiɛ dɔndɔɛ ɔ, chɛɛ mmɔ ɛ a a tun‑da tachɛ koe a pimbi ɔ, mmɔ ɛ ma‑a ka fania an fɔ‑a. Mmɔ sin mbe ee ma‑a ka tea koe ɔ.

1 CHƆN 2:4

Mɔɛ min mbe a fɔ‑a, a ɔ, a‑a Yataa sɔn fan, chɛɛ a ee Yataa 'a sawa n na tachɛ‑a a gbee a, ɛ ma‑a ka fania an fɔ‑a, tea kan kɔ kan mbe ee a da ɔ.

1 CHƆN 4:20

Ni mɔ ɔ mɔ‑a a fɔ, mbɛ a toen fan mu Yataa a, chɛɛ a ma to ni a suun ma nyɔɛ a, ɛ ka fania an fɔ‑a. Koe min na mu, mɔ ɔ mɔ min ma to ni a suun ma nyɔɛ a, ɛ min yen tee ɔ tee a, a mɔɛ chɛ ee che to‑a Yataa a, a ee min yen.

2 CHƆN 1:2

Nn gbɛɛ, nn toen mu wo a, koe min na mu, tea chɛ ɛ gbɛ mmɔ faa n dɔ, a sin mbe ma‑a nɔ wan kuɔ fɔ ko a.

3 CHƆN 1:3

Suun ma nyɔɛ dɔ n na‑a wan, an‑na a fɔ n ye, mbɛ e wan sɔ ɔ den Chisɔsi ko a, yɔ e buɛ min dɔ Yataa 'a chia ma teaya ɔ, tee ɔ tee a. Chɛ‑a n bu ɔ dia wan kaka.