1 CHƆN 1:2 - Yataa 'a Dɔbɛnɛ Nama

² A wɛn tɔ mu ka Fɔɛ, a na‑a kɛn dunya chɛ ɔ, a ma na ni nun dɔ. Nn gbɛɛ, nn‑na a yen fan, nn sin mbe koe ɔ yian fan, a si a ma. Mbɛ nn‑na a wakoe ɔ yian wo a, a wɛn mu kuɔ fɔ Fɔɛ a. An fea ni mmɔ Fa Yataa a, a sin fan‑na a yian nn na.

1 CHƆN 1:2 ပူးပေါင်းရင်းမြစ်များ

CHƆN 1:18

Mɔ ɔ mɔ ma Yataa yen nin bɛ. Chɛɛ a 'a Den dɔndɔ gbe, min fandi mu Yataa a, an fea an mbe min na tima ɔ tima, a‑a a ma, mɔɛ n‑na a Fa sɔn.

CHƆN 1:4

A wan mbe fɔɛ chɛndɛ be. An fɔɛ chɛ, an mu manɛ a mɔ gbu ko a.

CHƆN 10:28

N fɛ mɔɛ nu, n mbe kuɔ fɔ fɔɛ an be‑a an ma, min mbe a ma, an mbe ee fa‑a, an ni to saya ɔ. Mɔ ɔ mɔ ee che an bɔ‑a n boo ɔ.

CHƆN 14:6

Mbɛ Chisɔsi ɔ, “N fan mu dechee chia a, tea ɔ sɔn koe a mɔɛ n boo ɔ, a si Fa Yataa ma, mbɛ an‑na fɔɛ ma sɔn, Fa ɛ min be. Mɔ ɔ mɔ ee che ta‑a Fa tena, mɔɔ ni a ben‑da n tena chia a.

CHƆN 15:27

A sin gbu, wo wɛɛ, wo e n bakoe ɔ yian‑da wan mɔɛ n na. Koe min na mu, kɛn n‑na a kuu sɔ kanɛ chɛ‑a, mmɔ bɛ an mbe ben ben tena.

CHƆN 16:28

N sin gbu ka‑a Fa tena wan, mbɛ n na‑a nɛ dunya chɛ ɔ. A sin, sanche chɛ ɔ, n mbe bɔ tena wan dunya chɛ ɔ, mbɛ n yɛ‑a Fa tena.”

CHƆN 17:3

Mɔɛ n sin mbe kuɔ fɔ fɔɛ chɛ ma sɔn ka wan. An mbe i wan sɔn, tea Yataa dɔndɔɛ a, mbɛ an‑na n bɛɛ sɔn, i 'a denɛ Chisɔsi Chasi, i‑a n fɛn sɔ dunya chɛ ɔ.

CHƆN 17:5

Fa Yataa, sanche gbɛ, a ma n ni ma basɔmaya chɛ ɔ, i waa a, yɔ n ni min nyɔn sima ɔ, dunya chɛ a e na to dan‑da.

CHƆN 19:35

N fɛn na‑a koe chɛ ɔ yen ma‑a, n fan mbe ka a ɔ yian‑da. N‑na min dɔ yian, tea mu a a, a sin, n‑na a ɔ sɔn fan, mbɛ n mbe tea an fɔ. Chɛ ɛ a ma wan, wo ni a a tun wo kai fa koe a Chisɔsi a.

CHƆN 21:14

Chisɔsi kɔɔ sɔenɛ gbakɔ a ka saya ɔ, a gba sawan bɔɛ an nii nɛ, ɛ a wandi yian‑da a fɛ denɛ n na.

CHƆN 3:13

A sin ko, mɔ ɔ mɔ ma sɛ nin bɛ banda bu ɔ, mɔɔ dechee n fan, Mɔ Gbu 'a Denɛ. N fan ka‑a nɔ, n yii‑a nɛ dunya chɛ ɔ.

CHƆN 7:29

Chɛɛ n tana, n‑na a sɔn fan chɛndɛ chɛ. Koe min na mu, a wan‑na n sɔ, a sin, n ka‑a a tena wan.”

CHƆN 8:38

Fa na‑a koe miin yian n na, n mbe koɔ tena a si an fan ma. Wo sin, wo fa na‑a koe miin fɔ wo ye, wo e an fan ma ka.”

CHISƆSI 'A SƆ MƆƐ NU 10:41

Chisɔsi nii ma bɔ ni mɔɛ gbɛɛ an ya a, chɛɛ a bɔ‑a dechee nn fan ya a. Yataa na‑a a boo sɔ nn fɛn ma, ma koe a sii n na. Nn fan‑na daun dɔndɔɛ chɛ, nn‑na nn min kaina dɔndɔɛ, Chisɔsi a sɔenɛ gbakɔ saya ɔ.

CHISƆSI 'A SƆ MƆƐ NU 2:32

Chisɔsi wandi gbu ni, Yataa‑a min na sɔ a ka saya ɔ. Nn gbɛɛ sin mu wan sii n na chɛ ko a.

CHISƆSI 'A SƆ MƆƐ NU 3:15

A sin, wo‑a Chisɔsi fa wan, gbasaya ɛ min boo ɔ, kuɔ fɔ fɔɛ be koe a. Chɛɛ Yataa‑a Chisɔsi gbu kɔɔ sɔ wan, a ka saya ɔ. Nn sin mbe siiya bɔ tena wan chɛ ma.

CHISƆSI 'A SƆ MƆƐ NU 5:32

Nn fan mu koe chɛ n gbɛɛ ma sii a. A yɛ to, Yataa Nyina wɛɛ, min mbe bea mɔɛ fɛ, miin mbe kooya be Yataa ma, sii mu to a wɛɛ a.”

GBOO DOMI KO A 8:3

Mmɔ ɛ koe miin ma, mɔgbuya ɔ min ma nyin, an na‑a a ma wan, sawa chɛ ma kun ni mmɔ kun ka‑a. Chɛɛ Yataa na‑a dɔbɛn dɔ gbɛɛ chɛ wan, mmɔ kun ka koe a. A na‑a a 'a denɛ a na wan dunya chɛ ɔ, mɔgbuya ɔ. A na‑a a 'a den chɛ ma wan yasi a mmɔ 'a ko yama n ko a. A na‑a chɛ ma, kaa an na tɛ koe a, a si mmɔ 'a ko yama n ma.

Gboo Kadesia Ko A 4:4

Chɛɛ tima che‑a kɛn chɛndɛ chɛ, Yataa‑a a wandi gbu ta denɛ a na wan dunya ɔ. Musu an‑na a bu ya, mbɛ a‑a a suun mɔgbuya chia a. A sin, a ni sawa an kɔɔ, fɔɛ ɔ.

1 TIMOTI 3:16

Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.

2 TIMOTI 1:10

Chɛɛ sanche gbɛ, mmɔ baun mɔɛ Chisɔsi Chasi na‑a dunya ɔ, min mbe a ma, mmɔ ni a 'a koadia deman chɛ ɔ yen. Chasi‑a a ma gbasaya ee to saya boo ɔ mmɔ kun ma. Sakana bai chɛndɛ chɛ ɔ, a‑a kuɔ fɔ fɔɛ yian mmɔ a.

1 PITA 5:1

Sanche gbɛ, bai ɛ n da a wo ko a, wo wan gbakoo nu chɔchi n dɔ. N fandi wɛɛ, n mu chɔchi gbakoo dɔndɔ an na. A sin, siiya dɔndɔ mu n na, tɔɔya chɛ ko a, Chasi na‑a min dɔ bia. N sin, n bɛɛ n mbe an basɔmaya chɛ ma sɔn‑da wan, min dɔ ɛ yen‑da. Chɛ an fɛ mu, wo wan, n bɔ chɔchi gbakoo nu, n mbe koɔ tena wo tena n faa gbɛɛ a.

1 CHƆN 1:1

Nn mbe gboo chɛ min nyɛn tena ka, a sien mu mɔɛ chɛ an ma, an mbe min chee, an dɔ, Bai, min tɔ mu to Fɔɛ. A ni wan nɔ dunya a dan‑da tima min na. Nn‑na a yen fan nn ya a pɛnɛnɛ, nn‑na a kuiɛ a min, nn sin tindi tindi‑a wan nn nyɔn ma.

1 CHƆN 2:25

A‑a mmɔ too ɔ dia chɛ an na, kuɔ fɔ fɔɛ.

1 CHƆN 3:5

Chɛɛ wo‑a a ɔ sɔn fan, mbɛ Chisɔsi na‑a, min mbe a ma, a ni tɔɔya ka mmɔ kun ma, mmɔ 'a ko yama n ko a. A sin tana, a ma ko yama kan kɔ kan ma ni.

1 CHƆN 3:8

Sitana ɛ wan ko yama ma‑a tun, a ka dunya kuu sɔ tima ma. Chɛ an fɛ mu, mɔɛ chɛ min mbe a boo a chii‑a ko yama ma, Sitana 'a mɔɛ mu. Yataa 'a denɛ sin na‑a, min mbe a ma, a ni an Sitana 'a wai a fasan.

1 CHƆN 4:14

A yɛ to, Fa Yataa‑a a 'a denɛ a na wan, min mbe a ma, a ni dunya kun ka. Nn‑na chɛ ɔ yen fan nn ya a, a sin, nn mbe koe ɔ yian fan, a si a ma.

1 CHƆN 4:2

Wo e kun‑da ka wan wo ni a ɔ sɔn, ni Yataa Nyina an mbe an fɛ. Mɔ ɔ mɔ min mbe a fɔ‑a fanka ɔ den, mbɛ Chisɔsi Chasi na‑a wan dunya chɛ ɔ mɔgbuya ɔ, Yataa Nyina an mbe a fɛ.

1 CHƆN 5:11

Yataa‑a siiya chɛ ɔ te, mbɛ a‑a kuɔ fɔ fɔɛ be wan mmɔ ma. A sin, a ma ɛ sɔn a 'a denɛ Chisɔsi an na.

1 CHƆN 5:13

N mbe gboo chɛ nyɛn tena wo wan tena, wo wɛn kai faen mu Yataa 'a denɛ a, min mbe a ma, wo ni a ɔ sɔn, mbɛ wo‑a kuɔ fɔ fɔɛ ma sɔn.

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.