1 CHƆN 1:10 - Yataa 'a Dɔbɛnɛ Nama

¹⁰ Ni mmɔ‑a a fɔ, mbɛ mmɔ ma ko yama kan kɔ kan ma nin bɛ, mmɔ ɛ ma‑a ka a fɔ an na, mbɛ Yataa ma teaya ni. A sin, a da a bai ee si tena sɔn‑da mmɔ faa ɔ.

1 CHƆN 1:10 ပူးပေါင်းရင်းမြစ်များ

CHƆN 3:33

Chɛɛ mɔɛ nu, miin mbe an boo si‑a a 'a sakana chɛ kɔɔ, an mbe ma‑a ka a ɔ yian fan na, mbɛ Yataa 'a bai mu tea an na.

Gboo Kɔdɔsai Ko A 3:16

Sakana bai chɛ, a si Chasi ma, a ni sa wo faa ɔ chɛndɛ chɛ. Wo wo nyɔn kan, wo ni wo nyɔn na si yiimatɛ chia gbɛɛ a. Wo si kan kɔ kan sa, Yataa ɛ tando min dɔ, wo e ta‑a Yataa wai bɔ‑a, wo faa gbɛɛ a.

1 CHƆN 1:8

Chɛɛ ni mmɔ‑a a fɔ, mbɛ mmɔ ma ko yama ma ni, mmɔ‑a fania fɔ mmɔ wandi ma, a sin, tea ee mmɔ ɔ.

1 CHƆN 2:14

N 'na denɛ nu, n mbe gboo chɛ nyɛn tena wo tena, koe min na mu, wo‑a Fa Yataa sɔn. Wo wɛn mu chenanɛ n na, n mbe gboo chɛ nyɛn tena wo tena, koe min na mu, wo‑a mɔɛ chɛ sɔn fan, a wɛn mbe nɔ dunya a dan tima a. Wo wɛn mu den tɔngbɔɛ n na, n mbe gboo chɛ nyɛn tena wo tena, koe min na mu, faa ɛ wo ɔ Yataa ko a. A sin, Yataa 'a bai ee ka wo yii ma. A yɛ to, wo‑a Sitana a bea.

1 CHƆN 2:4

Mɔɛ min mbe a fɔ‑a, a ɔ, a‑a Yataa sɔn fan, chɛɛ a ee Yataa 'a sawa n na tachɛ‑a a gbee a, ɛ ma‑a ka fania an fɔ‑a, tea kan kɔ kan mbe ee a da ɔ.

1 CHƆN 4:4

Chɛɛ wo tana, n 'na denɛ nu, wo e Yataa an ko a. A sin, wo kun‑da an fania mɔɛ chɛ n ma, koe min na mu, Yataa Nyina min mbe wo fɛ, a benden mu chɛ ma, min mbe dunya chɛ ma.

1 CHƆN 5:10

Chɛ an‑na a fɔ, mɔɛ min mbe a kai fa‑a Yataa 'a denɛ a, siiya chɛ ɛ wan a faa ɔ. Chɛɛ mɔɛ min mbe ee a kai fa‑a a a, a mɔɛ chɛ‑a Yataa ma fania fɔ mɔɛ a. Koe min na mu, a ma dan ni siiya a, Yataa‑a min bɔ, a si a 'a denɛ ma.

2 CHƆN 1:2

Nn gbɛɛ, nn toen mu wo a, koe min na mu, tea chɛ ɛ gbɛ mmɔ faa n dɔ, a sin mbe ma‑a nɔ wan kuɔ fɔ ko a.