Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 CHƆN 1:1 - Yataa 'a Dɔbɛnɛ Nama

1 Nn mbe gboo chɛ min nyɛn tena ka, a sien mu mɔɛ chɛ an ma, an mbe min chee, an dɔ, Bai, min tɔ mu to Fɔɛ. A ni wan nɔ dunya a dan‑da tima min na. Nn‑na a yen fan nn ya a pɛnɛnɛ, nn‑na a kuiɛ a min, nn sin tindi tindi‑a wan nn nyɔn ma.

အခန်းကိုကြည့်ပါ။ ကော်ပီ




1 CHƆN 1:1
23 ပူးပေါင်းရင်းမြစ်များ  

Wo n boo n ma fɛn bɛ, wo ni n chenɛ n ma fɛn. Wo e a ɔ yen‑da wan, mbɛ n fandi gbu an nɛ. Wo tu n na, wo ni a ɔ yen, mbɛ n gboo ɛ wan, a basan n kuu n na. Chɛ an mbe a ɔ yian‑da wo a, mbɛ n fan gbu an nɛ, fuɛ ma chɛ a. A mu min na, fuɛ gboo ee, n mbe ee baa a kuu n ni ma.”


N fɛn na‑a koe chɛ ɔ yen ma‑a, n fan mbe ka a ɔ yian‑da. N‑na min dɔ yian, tea mu a a, a sin, n‑na a ɔ sɔn fan, mbɛ n mbe tea an fɔ. Chɛ ɛ a ma wan, wo ni a a tun wo kai fa koe a Chisɔsi a.


Mbɛ a‑a a fɔ Tɔmɔsi gbu ma, a ɔ, “N boo kana n ma fɛn, i ni i boo din nɛ paa chɛ n dɔ. A yɛ to, i boo a na, i ni a din nɛ n kaa fɛ chɛ. Kɔɔsa bia chɛ gbɛɛ ni ban gbɛ i boo ɔ, i kai fa gbɛ n na.”


N Fa ɛ a ma wan, mɔɛ n mbe fɔɛ ma sɔn. A chia dɔndɔ gbe chɛ a, n bɛɛ, a 'a denɛ, a‑a a ma, n mbe fɔɛ be.


Mbɛ Chisɔsi ɔ, “N mbe chɛ ma din tena wo tena sanche, mbɛ Ebeami e na to ma‑a fɔɛ ɔ, n ni wan gbɛ fɔɛ ɔ.”


A ka Chisɔsi fa tee ma, aan tee bi naanin tɛ, chia sɛsɛ a, a‑a a wandi yian fan a 'a sɔ mɔɛ chɛ n na, tima sɛsɛ ko a. Chɛ ni a ma, an ni dan a a, mbɛ a ɛ wan to fɔɛ ɔ. A‑a a ma wan, mbɛ an‑na a ma gbɛ gbadan, a sin to, an‑na chia ɔ bɔɛ chɛ wan, a si Yataa 'a mansaya ma.


Koe min na mu, nn mbe ee che nn da a tɔn‑da koe n ma, nn fandi‑a koe miin dɔ yen, a yɛ to, nn too‑a miin na min.”


Chɛ mu ka buɛ min dɔ tea a, mmɔ ee kun mmɔ kunɛ ni bɔ tɔɔya ɔ, ni mmɔ‑a mmɔ too ka bauncha wa chɛ ma, Yataa na‑a min chɛ mmɔ a. Mansa Chisɔsi wandi gbu, an na‑a a ɔ yian, Yataa na‑a mmɔ baun chia min na. Mbɛ mɔɛ chɛ n bɛɛ, miin na‑a a da a kuiɛ chɛ a min, an na‑a toa si wan a kɔɔ mmɔ tena.


A yɛ to, Fa Yataa‑a a 'a denɛ a na wan, min mbe a ma, a ni dunya kun ka. Nn‑na chɛ ɔ yen fan nn ya a, a sin, nn mbe koe ɔ yian fan, a si a ma.


A gbu sin, siiya sawa an mbe tea chɛ ma a si Chisɔsi ma.


Mbɛ an kuiɛ chɛ, a ɔ n ma, “E koe miin dɔ yen‑da, an nyɛn, i ni an na ta chɔchi wɔnfea chɛ n tena, duu wa chɛ n dɔ. Chɔchi chɛ ni ma Ɛfisɔsi, ni chɛ Simina, chɛ Pakamɔn, ni chɛ Tiyatiya. Chɔchi chɛ to Sadisi, ni chɛ Fidadɛfia, a basan chɛ a Daɔdisia.”


Yataa Mansa‑a a fɔ wan, a ɔ, a wan mbe a ma fen fen mbe a kuu sɔ, a wan mbe a ma to fen fen mbe che a danka a. A ɔ, a wan ni suun, a wan mbe sanche, a ɔ, a sin mbe ma‑a wan nɔ kuɔ fɔ ko a. A ɔ, a 'a gbasaya danka ee ma‑a.


Mbɛ a yɛ to, doma kai min ni a ma, a chimaenɛ ni wii a dɔgbɔ dɔgbɔ. A mɔɛ chɛ sin tɔ mu, Yataa Da 'a Bai.


Mbɛ a ɔ te to n ma, a ɔ, n ni chɛ nyɛn maeka chɛ tena chɔchi ko a, Simina duu ɔ. A ɔ, “N fan, mɔɛ chɛ, n fɛn mbe a ma fen fen mbe a kuu sɔ,” a ɔ, “n fɛn mbe a ma to fen fen mbe danka, n fan mɔɛ chɛ, n fɛn fa‑a, mbɛ n yɛ‑a to fɔɛ ɔ.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ