ZEPHANIAH 3:9 - LEKHARABU INTHENG (BSI)

⁹ “Khava sō rōk leh ke’n jât mihei mandonna hi kathleng pek sik hei, khana anmani’n Pathen hlop-hlop hneng changloa kei hneng rōk derna annei sik eng, ankhenga kaṭong anjui sik. Anmani ankhenga kei anjui sik eng.

ZEPHANIAH 3:9 ပူးပေါင်းရင်းမြစ်များ

A’NPHUTNA 11:1

Hmalai chu, raleichung pumpuia mihe’n ṭong inkhat rōk ṭongrahme in-angtling anleihmang.

A’NPHUTNA 4:26

Seth khan sapa inkhat aleinei, arahming Enosh tia aleiphō. Khava pha inphut khan chu mihring he’n Rōngpu rahming intheng kapan a kamukna anleiphut jo.

HLAHEI 113:3

Nisōa inphut tlaitlâk katlung, Rōngpu rahming kha choi ka-ân ruh!

HLAHEI 22:27

Jât rakip in Rōngpu kha anmandonsōt sik. Raleichung hmun rakip a inphut ahnengting hong inhe sik hei; jât leh phung rakip in ama ankamuk sik.

ISAIAH 19:18

Khavakha ahongtluk pha, Egypt khōpui 5 shunga Hebrew ṭong anhong jôm sik. Khava khōpuia ka-om mihe’n Chunghnung Rōngpu rahminga intep sik hei, khahei kâra khōpui inkhat rahming kha, “Kani khōpui,” inti sik.

ISAIAH 57:19

Ke’n akahla leh akahnaia aka-om hei seng hneng lung mōngna kapek hei! Kamihei kaman dam sik hei.

ISAIAH 6:7

Ama’n hmeira-ê in-ât vâng khan kahner amanroa ahri, “Hivahin nahner atôn jo, tûnchu naṭhena om mak jo, nasetna rangei mandam jo che kae.”

JEREMIAH 16:19

Rōngpu, nang karatha ngarna leh ani kahrung che kae, inrengna pha na’nthōpui eng. Raleichung inchaina inphut jât-hei nahnenga kahong sik hei khana anhri sik, “Kanpu kanpa he’n pathen kadikmak kha tei loa heite leinei mak hei, akahnem mak limhei tei loa heite leinei mak hei.

EZEKIEL 37:17

Khava sō leh khōnghre 2 kha ahmor leh ahmora nakut a matu roh, an-inhni kha inkhat rōk apōna sik a.

HABAKKUK 2:14

Tâk-kha tui-ôngpui shunga tui akasip tlit kapōa raleichung hinum Rōngpu lûrna manhretna khan kasip sik jo.

ZEPHANIAH 2:11

Rōngpu’n anmani amanpir sik hei. Ama’n ralei pathenhei kha heite manchang mak ning, khana jât rakip in ama kha anram et a ankamuk sik jo.

ZECHARIAH 14:9

Khava sōa Rōngpu kha raleichung pumpuia reng kachang sik jo; mi rakip in ama kha Pathen kapōa ankamuk sik jo, khana rahming inkhat rōk a manhretna annei sik jo.

ZECHARIAH 2:11

Khava pha khan Rōngpu ângshunga jât katamtak hongkahlut sik jo hei khana ami hongkachang sik jo hei. Ama kha nankâra ka-om sik jo, khana ama’n kei hi nanhnenga ajōngtir eng kae tia nanmanhret sik jo.

MATTHEW 12:35

Mikaṭha inkhat in anei kaṭha manbukna inphut neinâk kaṭha kha ahei choisōt; khana mikaṭhamak khan anei kaṭhamak manbukna inphut neinâk kaṭhamak kha ahei choisōt a kae.

EPHESIANHEI 4:29

Nanbeia ṭongse hmangmak ruh, nanṭong hri katheihei sik akaṭha achangna sik a insyemsōtna leh pekna langa inthōpuina ṭong rōk kha hmang ruh.

ṬONGPHÔNG 11:15

Khava sōa ngeva 7 tlukna khan apengkun kha atuma, marvân chunga rasa inhnaktak kasōk a ajōng hri, “Vânhnōi raleichunga vairônna ratha kha tûnchu ni-Rōngpu leh ama Messiah ta kachang jo, ama’n are-rea vai arôn sik jo kae!”