ZEPHANIAH 3:7 - LEKHARABU INTHENG (BSI)

⁷ Khana kami he’n anṭit ankaja sik eng, khana antamahngi hêrmak sik a ke’n kalei manthei hei omchen, chôndân kha an-inhlâng sik jo tia kaleimandon. Tâk-kha akaṭhamakpen omchen inrangtak a anheitlo nôk a kae.”

ZEPHANIAH 3:7 ပူးပေါင်းရင်းမြစ်များ

A’NPHUTNA 6:12

Pathen in vânhnōi raleichung hi a-ena ṭhatmak kasip kha ahmu jo, ajârchu mihring he’n akaṭhamak hringkhōa leika-om hei.

THUHMINGHEI INHNINA 33:11

Khava jâra Rōngpu’n Assyria remi hlamkakeipa kha Judah chunga re amansōa kae. Anmani’n Manasseh kha ansur jo, ataksa chunga kōikim anmando jo, thirhrui vânga ankhit jo, khana Babylona ankei jo.

JOB LEKHARABU 36:10

Akaṭhamak a inphut anhong inlena sik a ama gîkna kha anrangeina sik a atlo kae.

HLAHEI 32:8

Rōngpu’n ati, “Ke’n nasena sik hlam kamanthei sik che; ke’n kamanse sik che, khana kamanchu sik che.

ṬONGCHÎK-HEI 19:20

Ṭong mantheina hei narangeia khana inthem chûkna namadu’n chu ni khat mikasing kachang sik che.

ISAIAH 5:4

Hiva rahōn sik a hin katloṭhe heikhat aka-om jo mo? Achang inchu heisik a mo, kei inhōrna, vomhrui thei kaṭha inra loa akathûr jôk a’nrasōt hi?

ISAIAH 63:8

Rōngpu’n ati, “Anmani kamihei kae; anmani’n ahōn mak hei ning.” Khava jâra ama’n anmani ahuk jo hei

JEREMIAH 17:23

Anpu anpa he’n kaṭong rangei mak hei khana heitea teimak hei. Khava kanek a, anracham kasea, kaṭong juimak hei, keia inphut inthem chûkmak hei.

JEREMIAH 25:5

Rōngpu’n nanpa-nanpuhei hnenga aleipek hei ram kha nankarōi achang thangna sik a khana ram a khan nan-om thangna sik a anmani’n nanhringkhō akaṭhamak hlam leh akaṭhamak ṭōn heia inphut nanhong inhesōtna sik anmanthei chei.

JEREMIAH 36:3

Judah mihei chunga ṭōnse masō sik a kamantluk hei hi anmani’n anthei pha, anṭhatmakna hlam heia inphut he’nhesōt thei khet sik heia kae. Khan chu anmani ṭhatmakna hei leh ansetnahei kha karangei mandam sik hei.”

JEREMIAH 38:17

Khava pha ke’n Zedekiah hneng Chunghnung Rōngpu Israel Pathen ṭonghri kha kamanthei, “Nang in Babylon rengpa ṭōnkarônhei hneng nahlut inchu nang kahring sik che, khana hiva khōpui hi romak hei ning. Nang leh na-innshung mi seng kahring sik chei.

JEREMIAH 6:8

Jerusalem mihei, hiva inrengna seng hi nanhnenga gîkna chang rasoh, kha achang ma’nchu ke’n nangni kadahlon sik chei kae; nankhōpui hi tûte om makna nêrdiram kamanchang sik jo kae.”

JEREMIAH 7:7

Nangni’n nanmalung nanthleng inchu, nanpusōn he’n antachen ṭhak sik a kapek jo hei ram shunga kaman omṭhak sik chei.

JEREMIAH 8:6

Ke’n kaṭha nenga nanṭong karangei, tâk ṭongdik hrimak chei. Mi inkhatbek inum nanṭhat makna chunga malung inrimna neimak chei; nangni tûte inkhat in, ‘Ke’n akadik mak heimo kaleitlo jo,’ tia inder mak chei. Rehmun a shakor atlân inhlut kapōa, nangni inkhat et in nanhlam et a kase chei.

HOSEA 9:9

Gibeah a anta leitlo kapōa anmani antlona rakip a inhōrna kasea ṭhamak hei. Pathen in ansetna amandonsōt a khava sik a karâkna apek sik hei.

ZEPHANIAH 3:2

Rōngpu ṭong rangei mak khana ama mansena kha rahlâng mak a kae. Rōngpu hnenga taksenna neimak khana inthōpuina inder mak.

DÂNRABU INHNINA 4:16

lim inkhat syema setna tlomakna sik a intluk ruh – nuhmei a-emak leh pase,

TIMOTHY INKHATNA 1:5

Hiva ṭongpekna jârpen khachu, taksenna kadiktak leh mandon ṭhen theina, khana malung inthengtak a inphut lungsetna kha ahong sōk theina sik a kae.

PETER INHNINA 3:9

Rōngpu kha aṭong tepsa chunga insum tia, mi ṭhahrep in antamandon kapōa inranga tlosōt mak, khava kanek a ama’n amadosōt pek chei kae, ajârchu tu inkhat inhmang sik madu mak, tâk mi rakip in ansetna inphut anhei inhe theina sik amadu kae.