ZEPHANIAH 3:12 - LEKHARABU INTHENG (BSI)

¹² Khana khan kei inthōpui sik a akahong sik malung innem leh a’nsinsak mihei kha kada sik hei.

ZEPHANIAH 3:12 ပူးပေါင်းရင်းမြစ်များ

EZRA 9:8

Tûn pha bongkhat sik a, O Rōngpu kan-Pathen, keini nalungset unga, kansōk changna inphut namasōsōt ung khana hiva hmun inthenga inhuk a nada ung. Kansōk changna inphut namasō unga hringkhōther napek jo ung.

HLAHEI 37:40

A’nthōpui hei khana ahuksōt hei; mikaṭhamak heia inphut ahuk hei, ajârchu huksōtna madu jâra ahnenga kahlut heia kae.

ISAIAH 14:30

Rōngpu kha ami sarahei kemōng kakhem kachang sik khana inhuktak a aman om sik hei. Tâk nangni Philistihei chunga chu vonṭâm inhnaktak amathlâk sik, khan chu tûte khatbek kahringa ṭhenmak tin.

ISAIAH 14:32

Philisti inphut ṭongkarôn nihnenga akahong hei kha heikhong mo nimasôn sik hei? Rōngpu’n Zion hi aphunsōt jo, khana ami inreng he’n khana khan inhukna anchen sik tia nimanthei sik hei kae.

ISAIAH 29:19

Sara leh a’nsinsak he’n a’ntheng Israel Pathen, Rōngpu’n apek hei hōina kha anlahmu nôk sik a kae.

ISAIAH 50:10

Nangni Rōngpu kajana kanei seng, khana asōkpa ṭong kajuihei seng, nanhlam hro kha inthim thei sik, tâk-kha Rōngpu taksen ruh, nan-Pathena in-ngai ruh.

ISAIAH 6:13

Mi 10 shunga inkhat akathi inhlei a-om inum, ama kha’m suk manhmang sik kae; ama kha sasōkung tuktansa akungmui ka-ang sik.” (Thingkungmui hin Pathen mihei athera hong inphutna manhmuna inkhat kae.)

JEREMIAH 17:7

“Tâk-kha kei chunga taksenna kanei mihei kha mahâmṭhatna kapek sik hei.

JEREMIAH 50:20

Khava pha kha ahong pha, Israel shunga setna inti inhmu mak jo ning khana Judah shunga ṭhatmak om mak jo ning, ajârchu ke’n hringkhō kaṭhen pek jo mihei kha karangei mandam sik jo hei. Rōngpu ke’n kahri jo kae.”

EZEKIEL 6:8

“Khava mithatna inphut ṭhahrep chu kamantlânsōt sik hei khana jât-hlop hei kâra kamanchai kathek sik hei,

MICAH 5:6

Nimrod ram a Assyria mihei kha re hmangchâk ratha neina vânga anmani’n antor sik, khana Assyria he’n nirama re anheitlo pha anmani’n Assyrianheia inphut anhuk sik me.

NAHUM 1:7

Rōngpu kha akaṭha kae; amihei khōdengthei pha ahuk hei, ahnenga ahong kahlut hei kha kaṭha a-ensui hei.

ZECHARIAH 11:11

Khava jâra khava kani ninga inphut, ṭongkamna kha kakōi jo. Kemōng rachôk leh jōr katlo mihei khan an-ensui eng, khana kei tatlo ṭōnna inphut Rōngpu’n ṭong ahri kae tia anmanhret jo.

ZECHARIAH 11:7

That sik akemōng heikakeia akajōrhei khan kei hi kemōng kakhem sik a anmanchang jo eng. Ke’n khōnghre 2 kachoi, inkhat kha, “lungset” tia kaphō, khana ahlop inkhat nôk kha “Pum khat” tia kaphō. Kemōnghei kha kakhem jo hei.

MATTHEW 11:5

hmitkacho’n khō ahmu, ke inkhōi ke achoi, kaphâr karôn intheng, kōr kaset athei, akathi kathōi khana sara inrenghei hneng Ṭong kaṭha inhrile.

MATTHEW 12:21

khana jât rakip in achunga inhōrna annei sik.”

MATTHEW 5:3

“Rathla a antlâksamna inhret hei anmahâm kaṭha; marvân rengram kha antâ kae!

ROMANHEI 15:12

Khana avea, Isaiah’n ati, “Jesse sōn inkhat jōng inlâr sik; ama Jât-hlop hei vai karôna kajōng sik, khana ama chunga inhōrna annei sik.”

JAMES 2:5

Kasōpui marit hei, rangei ruh! Hiva raleichunga sarahei kha taksenna langa akahao sik a, khana ama inlungset hei sik a, aṭongteppek Rengram kha akachen sik a, Pathen in akadei hei kae.

PETER INKHATNA 1:21

Akathia inphut akei mathōia lûrna apek ama inphut nangni’n Pathen kha nantaksen; khava jâra nangni taksenna leh nan-inhōrna kha Pathen chunga a’nphun inhnet kae.