ZEPHANIAH 3:1 - LEKHARABU INTHENG (BSI)

¹ Khava akaṭhamak, re indu khōpui khana ami mama hei suk manrimna kanei Jerusalem kha inhmangna achen jo.

ZEPHANIAH 3:1 ပူးပေါင်းရင်းမြစ်များ

ISAIAH 30:12

Tâk hivahi a’ntheng Israel Pathen ṭonghri kae: “Nangni’n kaman theina donmak chei, khana nangni invōk-inthat leh mihōnna chunga in-ngai chei.

ISAIAH 5:7

Israel hi Chunghnung Rōngpu vomhrui rahōn kha kae; Judah phunghei kha vomhrui aling hei kha kae. Ṭōn kaṭha antatlo sik a anchunga a’nhōr kae, tâk-kha khava nek a mi anthat a kae. Ṭōn kadik antatlo sik a anchunga a’nhōr kae, tâk-kha antamanrim hei kha’n, ṭong kadik tanna sik a ka-ông jo hei.

ISAIAH 59:13

Keini’n nang kan-inrepui jo che, kahlonsōt jo che, juihnōm mak jo che ung. Milak kansuk manrim heia nanga inphut inhesōt ung. Kanlei mandonna kha kanṭhe jo; kanṭong beisō maleisei kae.

JEREMIAH 22:17

Tâk-kha nang chu nabinga phâmrai setna rōk kha nahmu; ṭhena kaneimak nathat hei khana namihei hnuk kasetak a nasuk manrim hei. Rōngpu’n ahri jo.

JEREMIAH 5:23

Tâk-kha mipui nangni! Nangni nanracham kase, retlo kahrat chei; nanhmai nanmahea nandahlon eng.

JEREMIAH 6:6

Chunghnung Rōngpu’n khava renghei kha Jerusalem kekhumna sik a thing hei antuktan heia anmanbukna sik a ṭong apek hei. Ama’n ati jo, “Ke’n hiva khōpui hi karâkna kapek sik ajârchu hivahi suk manrimna kasiptak joa kae.

JEREMIAH 6:7

Tuikhur in atui kha insimrenga ada kapōa, Jerusalem in aṭhatmak kha adaṭhak. Khōpui shunga innâk-inse, suksetna hei kha katheihei; natna leh intônna bi kahmu hei.

EZEKIEL 22:29

Mikahao he’n mi anhōn khana anchom hei. Sarahei kha êngset a antlo hei khana khōhmehei chunga hnemna anjong.

EZEKIEL 22:7

Khōpui shunga nanmi he’n annu anpa kajamak hei. Khōhmehei nanhōn hei khana renghmeihei leh nu leh pa kasehei chunga hnemna nanjong.

EZEKIEL 23:30

hivahi nachunga ajōng rôn sōt kae. Nang jât-hlop hei noti che kae khana anmani limsyem khan amanbōk chea kae.

LEVI-DÂN 1:16

Ama’n a-ekpho leh ashunga ka-om seng kha alosōt sik khana ravut dana maichâm nisōting ahlon sōt sik.

AMOS 3:9

Egypt leh Ashdod reng-innpuia ka-om hei hneng hivahi manthei hei roh: “Samaria kimvea hmebung heia intûp ruh, khana ṭōn injenmak leh ṭōnse antatlo so enruh.”

AMOS 4:1

Samaria nupuihei, Bashana kaṭhadek a antavei sehrat pui kapōa akathai hei, akatlasam êngset a akatlohei, sara kasuk inrim hei, anpuise he’n ju anta heichoi pek sik a akahngâk-hei, hiva ṭong hi rangei ruh!”

MICAH 2:2

Anmani’n hlei anmadu pha, khavakha ansur; inn anmadu pha, anlo hei. Tûte inkhat innshung karōi kha hrung theina om mak a kae.

ZECHARIAH 7:10

Reng-hmeihei, nu leh pa insamhei, nankâra aka-om khōhmehei, khana sâk leh in kaneimak hei ra-ôtmak hei ruh.’

MALACHI 3:5

Chunghnung Rōngpu’n ati, “Ṭong katan sik a nankâra hongkangir sik eng, hmitphedôi kachoihei, mikajônghei, sâkhi kadikmak kapek hei, anṭōn katlohei rathaman kapek mak hei, khana renghmeihei, khana nu leh pa kasehei, khana ram hlop heia inphut hnemna kajōng hei, khana kei kajana anikapek mak hei seng chunga ṭong katan sik.