ZEPHANIAH 2:7 - LEKHARABU INTHENG (BSI)

⁷ Judah mi alakahring hei khan nanram kha anhlō sik. Khava khan ankemōng ankhem sik khana Ashkelon hei innheia kaje sik hei. An-Rōngpu an-Pathen in a-ompui sik hei khana vōi khat amankhang nôk sik hei.

ZEPHANIAH 2:7 ပူးပေါင်းရင်းမြစ်များ

A’NPHUTNA 50:24

Ama’n asōpuihei hneng, “Kathina sik kahnai jo, tâk Pathen in nangni a-en kaṭha sik chei khana hiva ram a inphut Abraham, Isaac leh Jacob hneng kalûrtak a ale’ntepna ram a khan aṭhōi sik chei,” ati.

HLAHEI 80:14

Kanhnenga he’nhe roh, Akahratpen Pathen! Marvâna inphut ajōng enroh; hong ina nami vahuk hei roh!

HLAHEI 85:1

Rōngpu, naram kha lungset a naleirôn Israel kha mikahao naman chang nôk.

SŌKSŌT 4:31

Rōngpu’n anhnenga ajōng phâk heia anmani mihe’n heituk êng kasetak a antatlo manrim hei mo ti kha avahmu jo ti ṭong kha anthei pha anmani’n anleitaksen jo, anmani inkun heia ankamuk jo.

ISAIAH 11:11

Khava kani ajōng tlung pha, Rōngpu’n aratha hratna ahmang nôk sik, Assyria ram leh Egypt ram a dahlona ka-om amihei seng, khana Pathros, Ethiopia, Elam, Babylon khana Hamath khan chu tuipui panga ram leh tuipui kekhum ramheia amihei seng an-ina aheiṭhōi male nôk sik hei.

ISAIAH 11:14

Anmani inchun sik heia kha tlaitlâk tinga Philistihei anbuhlu sik khana nisōtinga ka-om hei kha anhnong kachek sik hei. Anmani’n Edom leh Moab mihei antor sik hei, khana Ammon mihe’n anṭong anjui sik.

ISAIAH 11:16

Anpu anpa he’n Egypt anleidahlon pha hlampui aleika-om kapōa, Assyria inphut hlampui inkhat, khava hmun a ami Israel alakahring hei sik a ka-om sik.

ISAIAH 14:1

Rōngpu’n ami Israelhei avea vōi khat alungset nôk sik hei khana ata kachang sik a akadei sik hei. Ama’n anrama ka-om sik a aheiṭhōi male nôk sik hei, ram hlop mihei leh anmani ka-omsap sik a kahong sik hei.

ISAIAH 32:14

Reng-innpui kapha dahlon sik kae khana khōpui kalûrhei dahlonpet sik jo hei kae. Innhei leh rekur ber antahngâk hei kha’n ahei tik a sik a manset kachang sik jo. Khana ram shakōrtung hei lônna leh kemōnghei phi sâkna hmun kachang sik jo.

JEREMIAH 23:3

Ke’n kami ralak-hei, kakathek manchaina hei ram a inphut, kabek mantûp sik hei, anmani innrama kaṭhōi male sik hei. Sa katamtak annei sik, kapung sik hei.

JEREMIAH 29:10

“Rōngpu’n ahri, ‘Babylona kum 70 atlang pha, ke’n nangni sik kamandon kha kamanhmu sik chei, khana nangni inna kaheiṭhōi nôk sik chei tia ka ṭongtep kha ke’n katlosōt sik kae.

JEREMIAH 29:14

Ôk, ke’n kahri kae, nangni’n nanhmu sik eng, khana ke’n nanrama kaman om nôk sik chei. Ke’n kahnong manchekna chei ram leh hmun rakip a inphut kakhôm manchun sik chei, khana ke’n nangni katirsōtna ramheia inphut kaheiṭhōi male nôk sik chei. Rōngpu, ke’n kahri jo kae.’

JEREMIAH 3:18

Israel in Judah leh inchun sik hei khana sak tinga ka-om ram a rehringa keina inphut kahong sik hei, khana nanpu sōnhei hneng ahei tik a ankarōi sik a kaleipek jo hei ram a khan hong inle sik hei.”

JEREMIAH 30:3

ajârchu kami Judah leh Israelhei kalo manhlutna sik pha kha kahong jo. Anpu anpahei hneng kaleipek ram a kaheiṭhōi male sik hei khana anmani’n avea anchen nôk sik. Rōngpu ke’n kahri jo kae.”

JEREMIAH 31:7

Rōngpu’n ahri, “Jât-hei kâra akalenpen, Israel sik a inpâkna hla sak ruh. Nanmanpâkna hla kha, ‘Rōngpu’n amihei ahuk jo hei; ama’n dahlona ka-om hei seng kha asansōt jo hei,’ tia sak ruh.

JEREMIAH 32:44

Mihe’n hleihei kha anlarachôk nôk sik hei, rachôkna lekha inzet sik, mêrchîkna innam sik, sâkhi ka-om sik hei. Hivahi Benjamin ram shunga, Jerusalem kimvea khōte heia, Judah khōpui heia, tlângrama khōpui heia, hmebung kung heia, thlang tinga Judah ramheia kasōk sik a kae. Ke’n kamihei hi anram shunga kala man om nôk sik hei. Rōngpu ke’n kahri jo kae.”

JEREMIAH 33:12

Chunghnung Rōngpu’n ahri, “Hiva ram, nêrdiram kapō, mi leh sha om makna hmun a hin, kemōng kakhem he’n ankemōng khemna sik ramhâng alaka-om sik kae.

JEREMIAH 33:7

Ke’n Judah leh Israel kamanhao sik hei, hmalaia kapōa kalasyemsōt sik hei.

JEREMIAH 47:5

Gaza mihei chunga inrengna kalentak jōng katlung jo, khana Ashkelon mihei kadai hnger jo hei. Philisti mihei kha heituk kasôt mo akaṭap sik hei?

EZEKIEL 39:25

Chunghnung Rōngpu’n ahri “Tâk-kha tûnchu Jacob sōnhei, Israel mihei chunga lungset karôn sik jo hei khana kamanhao nôk sik hei. Karahming intheng hi kahrung sik kae.

HOSEA 6:11

“Khana Judah mi nangni sik a chu, nanṭōn tlona leh nangnihei chunga karâkna sik pha katep jo.

OBADIAH 1:19

“Thlang tinga Judah mihe’n Edom anhlō sik; tlaitlâk tinga hmebung thōia mihe’n Philisti ansur sik; Israel in Ephraim leh Samaria anchen sik; Benjamin mihe’n Gilead anhlō sik.

MICAH 2:12

“Tâk-kha nangni dahlona ka-om Israel mi seng, ke’n kakhôm manchun hi sik chei. Kemōng in anrōnga anhong inle kapōa ke’n nangni kaheiṭhōi manchun sik chei. Kemōng khemna hmun a kemōng kasip tlit kapōa, nanram hi vōi khat mi kasip tlit sik hei.”

MICAH 4:10

Jerusalem mihei, nuhmei naiha kaphu kapōa inlet ruh inkōi ruh, ajârchu nangni’n khōpui kha nanda hlona ramhânga aka-om sik jo chei kae. Nangni Babylona kase sik chei, tâk khana khan Rōngpu’n nangni nanka-en kada heia inphut ahuk sik chei.

MICAH 4:7

Anmani anke katlek a ram kahlatak a ka-om jo hei, tâk dahlona ka-om hei kha leh hringkhōther manphutna kanei sik, khana anmani jât kalentak hongkachang sik hei. Zion Tlâng chunga ke’n anmani khava pha khana inphut ahei tik a sik vai karôn sik.”

ZEPHANIAH 2:9

Israelhei Pathen, akahring Rōngpu kachang jâra Sodom leh Gomorrah kapōa Moab leh Ammon suk manhmang sik hei kae tia kei intep jo eng. Anmani kha chikhur kamanchang sik hei, kumsôt a a’nhmang kachang sik jo hei, phi he’n anmakhusi sik. Kami alakahring hei khan anmani ansukset sik hei khana anram kha anhlō sik jo.”

ZEPHANIAH 3:13

Alakahringa ka-om Israel mihei khan tûte inkhat hnenga dikmak tlomak hei ning, maleisei um hrimak hei ning, mihōnna’m tlomak hei ning. Anmani kakhangsōt sik hei, inhukna annei sik, tûte ṭitmak jo hei ning.”

ZEPHANIAH 3:20

Apha kha kahong jo! Inchai kathek a ka-om nanmihei, inna kaheiṭhōi sik hei. Vânhnōia hin rahming inthang kamanchang sik chei khana nangni vōi khat kaman khang sōt hi sik chei.” Rōngpu’n ati jo.

HAGGAI 1:12

Khana Babylona rehring sura anlei oma inphut ahong inle jo mihei khana Zerubbabel leh Joshua khan Rōngpu an-Pathen in tlo sik a ahrina kha antlo joa kae. Anmani kha ṭitna aneia Rōngpu sânkathem Haggai ṭong kha anjuia kae.

HAGGAI 2:2

Ama’n Haggai kha Judah vaikarôn Zerubbabel, Thempu Kalen Joshua khana mipuihei hnenga avahri sik kha amanthei jo,

LUKE 1:68

“Eini’n Israel Pathen Rōngpu kha choi ka-ân rih! Ama amihei inthōpui sik a kajōnga khana amasō jo hei.

LUKE 7:16

Mi rakip ankhenga ṭitna kasip sō jo hei, khana anmani’n Pathen anmanpâk a, “Sânkathem kalentak inkhat nihnenga jōng inlâr jo, amihei kahuk sik a Pathen akajōng jo kae,” anti.

ṬŌNTLOHEI 8:26

Rōngpu ngeva’n Philip hneng, “Intluk inna Jerusalema inphut Gaza jōnna hlam, thlang intongting son (Hiva hlam hi tûnlai chu senamak jo hei) se roh,” ati.

ṬŌNTLOHEI 8:40

Philip khan Azotas hmun a a-om jo kha amanhretsōt jo. Khang’khan Caesarea ting ajō’nthang joa ahlam hro khōpui rakip a Ṭongrôn Kaṭha kha aleiphônga kae.

ROMANHEI 11:5

Tûn kha leh in-anghrep a, alungset maritna jâra Pathen takadeisōt mi katlômtek inhleia ka-om hei.

RUTH 1:6

Pha ṭhahrep sōa Rōngpu’n amihei sâng leh be kaṭha amankhôm heia vâng apek jo hei tia Naomi’n aleithei jo, khava jâra ahmōinu hei leh Moab ram dahlon sik a le’ntluk jo.