ZEPHANIAH 2:11 - LEKHARABU INTHENG (BSI)

¹¹ Rōngpu’n anmani amanpir sik hei. Ama’n ralei pathenhei kha heite manchang mak ning, khana jât rakip in ama kha anram et a ankamuk sik jo.

ZEPHANIAH 2:11 ပူးပေါင်းရင်းမြစ်များ

A’NPHUTNA 10:5

anmani hei hi tuipanga leh tuikekhuma aleika-om mipuihei pusōnhei kae. Hihei hi phung leh ram khana ṭong hlop-hlop kajôm Japheth sōn leh pârhei kha kae.

HLAHEI 138:4

Raleichunga reng rakip in nang anchoi ka-ân sik che, Rōngpu, ajârchu naṭongtep kha anthei joa kae.

HLAHEI 72:17

Rengpa rahming kha mahngia om hêrmak rasoh; arahming inthang kha kani a-omlai seng om rasoh. Pathen in rengpa vâng apek kapōa vângṭhat apekna sik hei, jât rakip in Pathen hneng inder hei rasoh.

HLAHEI 86:9

Naleisyem jât rakip hei kha kahong sik hei khana nahnenga hong-inkun sik hei; nalenna kha anchoi ka-ân sik jo.

ISAIAH 2:20

Khava kani ajongtlung pha, sana leh dangka vânga antasyem limhei kha anhlonsōt sik jo hei, khahei kha matîr leh bâk-hei hnenga hlonsōt pek kachang sik hei.

ISAIAH 42:10

Rōngpu hneng hlather inkhat sak ruh; ama manpâkna hla raleichung rakip in sak ruh! Tuipuia rakōng katôrhei ama kha manpâk ruh! Tuipui chunga ranhring rakip in ama manpâk ruh! Ram kahla hei leh ashunga ka-om seng in hla sak ruh!

ISAIAH 42:4

Ama inhōrna leh inngamna inhmang mak ning; ama’n raleichunga akadik kha aphunsōt sik. Ram kahla he’n ama mantheina kha rangei hnōmtak a anhngâk a kae.”

ISAIAH 49:1

Ram kahla ka-om jât-hei, kaṭong hri hi rangei ruh!, nangni ram kahlatak a ka-om hei! Kei ka’ntet mak hma, Rōngpu’n akadeisōt eng. khana asōk sik a akadeisōt eng.

JEREMIAH 10:11

Nangni mipui chei in anmani manthei hei ruh ti chu ralei leh marvân kasyem mak, pathenhei kha suk manset sik hei kae. Anmani kha raleichunga hin omsôt mak hei ning.)

JEREMIAH 46:25

Akahratpen Rōngpu Israel Pathen in ahri, “Ke’n Thebe pathen Amon khana Egypt leh apathenhei khana arenghei leh inṭhōia karâkna kapek sik hei. Ke’n Egypt rengpa leh ama chunga taksenna kaneihei rakip kaṭhōisōt heia

DANIEL 11:18

Khava kahnunga ama’n tuipui panga ka-om jât-hei chunga re atlo sik, ankâra jât katamtak ator sik hei. Kha’num ram hlop hlamkakei inkhat in ama aheitor sik, a’nlensakna kha amanbâng pek sik jo; kadiktak a Syria rengpa inlensakna kha achung kalena amanlet pek sik.

HOSEA 2:17

Ke’n ama Baal rahming manpanhêr nôk mak jo ning.

JOEL 2:11

Rōngpu’n aremihei rasa inhrek a ṭong pekna anei hei. Aṭong kajui remi rup-hei kha katam hei, kahrat hei. Rōngpu kani kha heituk a ṭit ka-om jo mo! Tu mo akahringtor sik?

ZEPHANIAH 1:4

“Jerusalem leh Judah mi rakip kakarâk sik hei. Baal kamukna kha a’nchaina sik a kasuk manhmang sik, khava razenna kanei thempuhei kha tûte inkhat in mandonsōt mak jo hei ning.

ZEPHANIAH 3:9

“Khava sō rōk leh ke’n jât mihei mandonna hi kathleng pek sik hei, khana anmani’n Pathen hlop-hlop hneng changloa kei hneng rōk derna annei sik eng, ankhenga kaṭong anjui sik. Anmani ankhenga kei anjui sik eng.

ZECHARIAH 13:2

Khava pha, ram shunga inphut limsyem rahminghei kalosōtpet sik jo hei, tûte’num mandonsōt mak jo hei ning. Sânkathem eng kati mi kha ke’n donmak ning khana limhei kamukna malung kalosōt sik jo.

ZECHARIAH 2:11

Khava pha khan Rōngpu ângshunga jât katamtak hongkahlut sik jo hei khana ami hongkachang sik jo hei. Ama kha nankâra ka-om sik jo, khana ama’n kei hi nanhnenga ajōngtir eng kae tia nanmanhret sik jo.

ZECHARIAH 8:20

Chunghnung Rōngpu’n ati, “Khōpui katamtak a inphut mihei Jerusalema anhongna sik pha kha kahong jo.

ZECHARIAH 8:23

Khava pha khan chu jât-hlop mi sôm he’n Jehudi mi inkhat hneng kahong heia hing’hin anti sik, ‘Nangni jât hlam hrona inveisa rung, ajârchu Pathen in nangni a-ompui chei ti hi keini kanthei jo.’”

MALACHI 1:11

Raleichung inchaina inkhat a inphut inkhat katlunga mihe’n kajana annei eng. Hmun rakip a bero anro mankhut a khana rahlângthei sik inthoina antōk eng. Ankhenga kei ankaja eng.

MALACHI 1:14

Ankemōng rup kâra akaṭha inkhat kapek sik che tia ṭong intepna annei pha, akahnem mak ranhring inthoina kanei, anikahōn mi khan hâksêr chen rasoh! Ajârchu kei rengkalen eng kae khana jât rakip a mihe’n anṭit enga kae.”

DÂNRABU INHNINA 32:38

Nan-inthoina shathai vâng nanvei hei, anhnenga in sik a vomhrui ju nanpek hei. Anmani tûn hong hei rasoh khana inthōpui chei rasoh; nangni kahuk sik a hongtlân hei rasoh.

TIMOTHY INKHATNA 2:8

Bekrup kamukna rakip a, Pathena a’npek sōt pase he’n antader sik kha kamadu khana inkhena leh hnuk natna omloa ankut ankalânga andertheia kae.

ṬONGPHÔNG 11:15

Khava sōa ngeva 7 tlukna khan apengkun kha atuma, marvân chunga rasa inhnaktak kasōk a ajōng hri, “Vânhnōi raleichunga vairônna ratha kha tûnchu ni-Rōngpu leh ama Messiah ta kachang jo, ama’n are-rea vai arôn sik jo kae!”