ZEPHANIAH 1:4 - LEKHARABU INTHENG (BSI)

⁴ “Jerusalem leh Judah mi rakip kakarâk sik hei. Baal kamukna kha a’nchaina sik a kasuk manhmang sik, khava razenna kanei thempuhei kha tûte inkhat in mandonsōt mak jo hei ning.

ZEPHANIAH 1:4 ပူးပေါင်းရင်းမြစ်များ

RENGHEI INHNINA 21:13

Samaria hnenga katlo kapōa, Israel Reng Ahab leh asōnhei hneng katlo kapōa, Jerusalem chunga’m karâkna kapek sik. Thleng inkhat sôp manthengpet a malet khup kapōtak a, ke’n Jerusalema amihei kha kaphetsōt pet sik hei.

RENGHEI INHNINA 23:12

Reng Ahaz innchunga Judah reng he’n anta leisak maichâm kha, Reng Josiah khan Bek-inn sumpuk inhnia Reng Manasseh in maichâm amatungsōt hei leh inṭhōia aṭhōtsō hei; ama’n maichâmhei kha avōk mannōi hei khana Kidron phaichama ahlon sōt hei.

THUHMINGHEI INHNINA 34:4

Ama mansena thōia Baal kamukna maichâmhei kha anvōk mathlek jo hei, khana khahei hnenga ka-om bero maichâm anṭhetsō heia kae. Asherah limhei leh limsyem ralak-hei kha raleia ansuk mandi hei khana khava ravut kha inthoina tōkna aleikaneihei, akathi jo hei thlân heia anva kathek thlōn hei.

SŌKSŌT 15:12

Nang in nakut changting nahei kalânga, khana ralei khan kan-inrepuihei amadesō hei.

JEREMIAH 15:6

Mipui nangni’n kei adonmak jo chei; nankahnung nansungsi jo eng. Khava jâra kabân karajit a karachi rachen chei ajârchu kahnuknat ka’nkhâmna kachâm jo eng.

JEREMIAH 6:12

An-innhei kha milak hneng inpek sik hei, khana anhleihei leh annuhmeihei kha’m inpek sik heia kae. Ke’n hiva ram mihei hi karâkna kapek sik hei kae.

EZEKIEL 25:7

Khanga nantlo jâra, nankachom sik leh nankasukset sik jât-hei kut a kapek sōt sik chei. Nangni jât inkhat nanchang makna sik khana nanram khet nannei makna sik a pui katluk a kamanhmang sik jo chei. Khava sōa kei hi Rōngpu eng kae tia nanhong manhret sik jo eng.”

EZEKIEL 6:14

Kadik, kakut karajitsōt sik khana anramhei kasuk manhmang sik hei. Sak tinga nêrdiram a inphut Ribla khōpui katlunga ramhânga kada sik, Israelhei omna hmun rakip inkhatbek ṭhensōt mak ning. Khava sōa mi rakip in kei hi Rōngpu eng kae tia anmanhret sik jo eng.”

HOSEA 10:5

Samaria khōpui shunga ka-om hei kha kaṭi sik hei khana Bethavena ka-om sana sehratche inhmangna chunga kaṭap sik hei. Thempuhei leh anmani limsyem inzenhei khava sik a kaṭap sik hei. Khava sana hmangchâk kalûrhei kha anlosōt hei pha anmani in-ôi nguingui sik hei.

MICAH 5:13

Nalim hei leh a’ntheng hlung chopuihei kamanhmang sik; nanbinga nantasyem kha vōi khat kamuk mak jo tin chei.

ZEPHANIAH 2:11

Rōngpu’n anmani amanpir sik hei. Ama’n ralei pathenhei kha heite manchang mak ning, khana jât rakip in ama kha anram et a ankamuk sik jo.

ZEPHANIAH 2:13

Rōngpu’n Assyria mihei thatna sik arathahrat ahmang sik. Nineveh khōpui kha amanram sik, tui ka-om mak nêrdiram amanchang sik.