ZEPHANIAH 1:3 - LEKHARABU INTHENG (BSI)

³ mihring, ranhring, nga leh va ankhenga. Mikaṭhamak-hei tlâksukna katlo sik. Mihring inti rakip kasuk manhmang sik khana akahringa inkhatbek um damak ning. Rōngpu ke’n kahri jo kae.

ZEPHANIAH 1:3 ပူးပေါင်းရင်းမြစ်များ

A’NPHUTNA 6:7

khachu ama’n, “Ke’n kasyem jo hei mihring leh inṭhōia sha leh vahei ankhenga raleichunga inphut manhmang jo hei rong, ajârchu anmani kaleisyem jâr hei hin kamalung hōihêr mak jo,” ati.

ISAIAH 27:9

Tâk-kha Israelhei setna khachu, Khōvelhei maichâm kha ansuk mandi sōa, marim katui maichâm an-om mak jo pha khana Asherah pathennu limhei an-om mak jo pha rōk khan rangei mandam kachang sik.

ISAIAH 6:11

Ke’n kader, “Hivahi heituk mo alakasôt sik, Rōngpu?” Ama’n amasôn eng, “Khōpuihei a’nhmangsō leh akarōk a a-om mak hma seng, innhei kha mi inkhatbek an-om mak kârseng, ram hi’m hleichi kachâr achangmak kârseng sik kae.

ISAIAH 6:12

Ke’n mihei hi ram kahlatak a katirsōt sik hei khana ram pumpui hleichi kachâr kamanchang sik.

JEREMIAH 12:4

Heituk kasôt mo kanram akachâra aka-om sik, hlei rakip a kahar akachâr sik hei? Ranhringhei leh vahei kathi jo hei, kanmihei ṭhatmak jâra, ‘Eini tatlo hi, Pathen in hmumak, tia akahri mipuihei kha.’”

JEREMIAH 50:3

“Sak tinga ka-om jât inkhat, Babylon kabuhlu sik a kajōng, khana hleichi nêrdiram amanchang sik. Mihei leh sahei katlânsō sik hei, khana khan tûte om mak jo ning.”

JEREMIAH 7:20

Khava jâra Chunghnung Rōngpu ke’n hiva Bek-inn chunga kahnuk natna kha kasun mathlâk sik jo. Ke’n hivahi mipuihei leh ranhringhei chunga, khana thingkung leh hmuchihei chunga kapha’m kasun mathlâk sik kae. Kahnuknat hi hmei kasûk tûte’n athat tor mak kapō kha kachang sik.

JEREMIAH 9:10

Ke’n kati, “Tlânghei sik a ralûm dena kanei sik ramhâng hei sik a kaṭap sik eng, ajârchu khahei kha kachârsō jo hei, khana tûte’m khana khan sele mak jo hei. Ranhring rasa intheimak jo, vahei leh ranhringhei katlânsō jo hei.”

EZEKIEL 44:12

Tâk-kha anmani’n Israel mipui sik a limsyem kamukna hlam ansât a hinga mihei setna tlona anṭhōi hei jâra anmani karâk sik hei kae tia Chunghnung Rōngpu kei intep jo eng.

EZEKIEL 7:19

Ansanahei leh andangka hei kha hlamdunga akachok neinâk heikhat kapōa anhlonsōt sik hei, ajârchu Rōngpu’n ahnuknat kha ajōngsun pha ansana dangkahei khan huksōt tor mak jo hei. Khahei vâng khan anmani tamadu kha chentor mak hei khana anvon um mankhop tor mak a kae. Sana leh dangka khan anmani setna ting aṭhōi manhlut hei.

HOSEA 14:3

Assyria he’n keini ahei tik a’m ahuk tor mak ning, re shakor he’n ahrungtor mak ning. Kanlimhei hnenga, ‘Kan-Pathen, O Rōngpu’ ti nôk mak jo ning, anka-en sik tûte aka-om mak hei hnenga nang in lungset namalârpek heia kae.”

HOSEA 14:8

Israel mihei khan limhei kha heite manlomak jo hei ning; Anderna kamasôn sik hei khana kahrung sik jo hei; Thingbō in-êm ṭhak kapōa in-ungna kapek sik hei; Kei anmani mahâmṭhat rakip heikōnna eng kae.”

HOSEA 4:3

Khava jâra ram shung hi hong kachâr sik, hiva chunga aka-om rakip karampet sik hei. Ramsha leh vahei khana ngahei kapha kathi sik hei.”

ZECHARIAH 13:2

Khava pha, ram shunga inphut limsyem rahminghei kalosōtpet sik jo hei, tûte’num mandonsōt mak jo hei ning. Sânkathem eng kati mi kha ke’n donmak ning khana limhei kamukna malung kalosōt sik jo.

MATTHEW 13:41

Mihring Sapa khan marvân ngevahei ajōngtir sik hei, khana anmani’n a-Rengram shunga mikasu inpaihei leh ṭhatmak katlo rakip ankhôm mantûp sik hei,

MATTHEW 23:39

Ke’n kahri pek chei kae, ‘Rōngpu rahminga akajōng ama kha Pathen in mahâmṭhat apek,’ nantimak kârseng tuna inphut ahmu mak jo chei ning,” ati.

ṬONGPHÔNG 2:14

Tâk-kha nachunga kahnōm makna ajing ka-om: ti chu Israel mihei ansetna sik a limsyem kamukna thlai mansâkna sik leh omchen kadik mantlona sik a Balak ṭong intheipa, Balaam mantheina akajui mi ṭhahrep nang leh inṭhōia ka-omsap cheia kae.