ZEPHANIAH 1:18 - LEKHARABU INTHENG (BSI)

¹⁸ Rōngpu’n ahnuknat amalâr ning khan, ansana dangkahei kha’num anmani huk tor mak hei ning. Ahnuk natna hmei khan raleichung pumpui asuk manhmang sik. Raleichunga aka-om rakip hei sik a achaina, manhret manloa abângna amanchang sik.

ZEPHANIAH 1:18 ပူးပေါင်းရင်းမြစ်များ

A’NPHUTNA 6:7

khachu ama’n, “Ke’n kasyem jo hei mihring leh inṭhōia sha leh vahei ankhenga raleichunga inphut manhmang jo hei rong, ajârchu anmani kaleisyem jâr hei hin kamalung hōihêr mak jo,” ati.

RENGHEI INKHATNA 14:22

Judah mipui he’n Rōngpu kadōia setna anleitlo jo khana anpu sōnhei taleitlo kanek a kakhe chet a antloa anchunga ahnuk natna kha kachōr joa kae.

JOB LEKHARABU 21:30

Pathen in ahnuk anat a karâkna apek ning hei khan, aṭhensōt hei khachu mikaṭhamak rōk hei kha kae.

JOB LEKHARABU 3:15

Khava sōa an-innhei kha sana dangka kasip a akada hei rengsahei kapōa kaje sik eng,

HLAHEI 78:58

Lim kamukna hmun ansyem jâra khan ahnuk anhong mannat, khana anlimsyem vâng khan ahnuk anmanthak hêr joa kae.

HLAHEI 79:5

Rōngpu, ahei tik a kanchunga nahnuk namannat sik jo mo? Nahnuk natna hi hmei kapōa akakâng ṭhak sik mo?

ṬONGCHÎK-HEI 11:4

Thina kani ahong tlung ning khan nei leh hao khan nang sik heite tlotor pek mak che ning, tâk malung intheng inchu nahringkhō ahuk tor.

ṬONGCHÎK-HEI 18:11

Achang inum mikanei he’nchu, ankarōi khan, khōpui kalen kimvea a’nkhâr kurbang kangar leh a’nshâng inkhat kapōa, anmani ahuk sik ung tia anmandon.

ISAIAH 1:24

Khava jâra tûn, rangei ruh; akahrat, Chunghnung Rōngpu Israelhei ratha kanei Pathen in ahri hi rangei ruh: “Kei nanchunga phu kahlō sik, khan chu nangni’n kei asuk manbōi nôk mak jo tin chei.

ISAIAH 10:17

Pathen, Israelhei vâr khan hmei kachang sik. Israelhei a’ntheng Pathen khan hmeimale hongkachang sik, ni khat shung rōk a heirakip akângsō sik, rahling chap leh thing bur hei kapha.

ISAIAH 10:3

Pathen in karâkna apek chei pha, nangni’n heimo nantatlo sik? Ama’n ram kahlatak a inphut a, nanchunga khōdeng theina apek chei pha, heimo nantatlo sik? Inthōpuina hmun a sik khonting mo akatlân sik chei? Khon mo nanneihei nantathup sik?

JEREMIAH 7:20

Khava jâra Chunghnung Rōngpu ke’n hiva Bek-inn chunga kahnuk natna kha kasun mathlâk sik jo. Ke’n hivahi mipuihei leh ranhringhei chunga, khana thingkung leh hmuchihei chunga kapha’m kasun mathlâk sik kae. Kahnuknat hi hmei kasûk tûte’n athat tor mak kapō kha kachang sik.

JEREMIAH 7:34

Ram kha nêrdiram hongkachang sik. Judah khōpuihei leh Jerusalem hlamdunga, inpâkna leh hōina khana hmōiṭhōi rehōi rasa kamanbâng sik jo hei.

JEREMIAH 9:11

Rōngpu’n ati, “Jerusalem hi sukset neinâk manbukna inkhat kamanchang sik, ram-uihei omna hmun kamanchang sik, Judah khōpuihei kha nêrdiram kachang sik hei, tûte inkhat omakna hmun kachang sik.”

EZEKIEL 16:38

Ke’n najông jâra leh mi nathat hei jâra kadem sik che, khana kahnuknat a thina karâkna kapek sik che.

EZEKIEL 23:25

Ajârchu nachunga kahnuk kana, anmani’n hnuknat pum a nang anrazen sik che. Nahnar antuktan sik, nahmit ankhersōt sik, khana nasahei anthat sik hei. Kadik, nasapahei leh nasanuhei nahnenga inphut anṭhōi sik hei khana hmeia hringpuma anro sik hei.

EZEKIEL 7:11

Intuk inthat in malung kaṭhamak amasō. Anmani nei leh hao, anlûrna leh anlenna heikhat bek um inhleimak ning.

EZEKIEL 7:19

Ansanahei leh andangka hei kha hlamdunga akachok neinâk heikhat kapōa anhlonsōt sik hei, ajârchu Rōngpu’n ahnuknat kha ajōngsun pha ansana dangkahei khan huksōt tor mak jo hei. Khahei vâng khan anmani tamadu kha chentor mak hei khana anvon um mankhop tor mak a kae. Sana leh dangka khan anmani setna ting aṭhōi manhlut hei.

EZEKIEL 7:5

Hivahi Chunghnung Rōngpu tahri kae, “Nachunga inhmangna inkhat bâna inkhat ajōng katlung sik.

ZEPHANIAH 1:11

Hiva rasa hi nanthei pha khōpui daptinga aka-om nangni inkōi ruh, ṭap ruh, ajârchu invei katlohei rakip kathipet sik jo hei!

ZEPHANIAH 1:15

Khavakha hnuk natna kani kachang sik, inreng khōdeng theina kani, inhmangna leh sukkhōina kani, inthim leh inrimna kani, khō jingna leh sumphai makhuna kani,

ZEPHANIAH 2:2

thli’n asemsōt sâng rasi kapōa atlensōt mak hma che, Rōngpu hnuknat hmei khan nachunga ahong tlung mak hma hin, khana ahnuknat malârna kani kha ahong mak hma hin.

ZEPHANIAH 3:8

Rōngpu’n ati, “Ke’n jât-hei demna kapekna sik kani kha leihngâk roh. Kahnuknat inhnak kha anmanhretna sik a jât-hei leh rengramhei manchunna sik a mandonna kanei jo. Kahnuk natna hmei khan raleichung pumpui hi asuk manhmang sik kae.

MATTHEW 16:26

Mi inkhat in vânhnōi ralei pumpui hi chen sona, arathla amanhmang jo’nchu ama sik a heimo ahnemna aka-om? Heite om mak! Rathla inhmang kha chenmale nôkna sik a apektor heite om mak.

CORINTHIANHEI INKHATNA 10:22

Khana Rōngpu thangsetna sik eini’n nitlo sik mo? Ama kanek a eini kahrat me tia a’ndon me mo?

DÂNRABU INHNINA 31:17

Khavakha asōk pha, anchunga kahnuk kana sik; kadahlon sik hei, anmani suk manram kachang sik hei. Ṭit ka-om inrimna katamtak anchunga jōng katlung sik, khava sōa chu an-Pathen ke’n ka-ompui mak jâr heia hiva omchen hi akasōk jo kae tia anhong manhret sik jo.