ZEPHANIAH 1:13 - LEKHARABU INTHENG (BSI)

¹³ Annei ansum mi’n anchom sik khana an-innhei sukmathlek sik hei kae. An-inn sakna shunga khan anmani om tor mak hei ning khana anvomhrui lingna rahōnna inphut theitui inmak hei ning.”

ZEPHANIAH 1:13 ပူးပေါင်းရင်းမြစ်များ

ISAIAH 6:11

Ke’n kader, “Hivahi heituk mo alakasôt sik, Rōngpu?” Ama’n amasôn eng, “Khōpuihei a’nhmangsō leh akarōk a a-om mak hma seng, innhei kha mi inkhatbek an-om mak kârseng, ram hi’m hleichi kachâr achangmak kârseng sik kae.

JEREMIAH 15:13

Rōngpu’n kahnenga ahri, “Kami he’n ram pumpui shunga anset jâra karâkna, annei leh ankarōi kachomsōt sik a an-inrepuihei kajōngtir sik hei.

JEREMIAH 17:3

khana ramhânga hmebung heia khan nami he’n ankamuk a kae. Nanram pumpuia nangni’n setna khaseng nantlo jâra khan ke’n nan-inrepuihei kha nannei leh nankarōi rakip kamanlosō sik jo hei.

JEREMIAH 4:20

Châmna inkhatsō leh inkhat in ajui; ram pumpui inhmangsō jo. Manhret manloa kanpōn-innhei insuk inhmang jo hei; pōnzâr hei ahar-ahak a inhler jo hei.

JEREMIAH 4:7

Shabakkai in a’nthupna hmun a inphut ajōng kasōk kapōa jât-hei kasuk inhmang sik kha heikasōk jo. Judah kasukset sik a ama kha kahong. Judah khōpuihei kha suk manhmanga ka-om sik hei, khana khan tûte inkhat om mak hei ning.

JEREMIAH 5:17

Anmani’n nanhmuchi leh nanbu ansâksō pet sik; nansanu nansapa hei anthatpek sik chei. Nanke, nankemōng, nanserup khana nanvomhrui leh nantheichang kunghei ansuk manhmang sik hei. Rekur nanta taksen hei kha anremi he’n ansuk manhmang sik hei.

JEREMIAH 9:11

Rōngpu’n ati, “Jerusalem hi sukset neinâk manbukna inkhat kamanchang sik, ram-uihei omna hmun kamanchang sik, Judah khōpuihei kha nêrdiram kachang sik hei, tûte inkhat omakna hmun kachang sik.”

JEREMIAH 9:19

Ziona ṭap rasa so rangei roh: “Keini inhmang jo ung! Keini katluk a inzak jo ung! Keini kanram kandahlon sik jo; Kan-innhei insetsō jo hei,” anti.

ṬAJAISUINA 5:2

Kankarōi hi miram mihei kut a ka-om jo; miram mihe’n kan-inna ka-om jo hei.

EZEKIEL 22:31

Khava jâra kei hnuk natna kha anchunga kamathlâk sik, anṭōnse tlo jâra hmei kapōa karo manhmang sik hei.” Chunghnung Rōngpu’n ahri jo.

EZEKIEL 7:19

Ansanahei leh andangka hei kha hlamdunga akachok neinâk heikhat kapōa anhlonsōt sik hei, ajârchu Rōngpu’n ahnuknat kha ajōngsun pha ansana dangkahei khan huksōt tor mak jo hei. Khahei vâng khan anmani tamadu kha chentor mak hei khana anvon um mankhop tor mak a kae. Sana leh dangka khan anmani setna ting aṭhōi manhlut hei.

EZEKIEL 7:21

Rōngpu’n ati, “Ramlak mihei kamanchom sik hei khana dân kajuimak hei khan ankarōi rakip kamanlo sik hei khana anmanbōk sik jo.

EZEKIEL 7:24

Hinahin jât kaṭhamak pen hei kha kaheiṭhōi sik hei khana nan-innhei kha anchen sik hei. Ke’n jât-hei kha nankamukna hmun heia kaheiṭhōi manhlut hei pha, nanmi ratha kaneipen hei kha an-in ngamna inhmangsō sik jo.

AMOS 5:11

Sarahei nanmanrim hei, ansâng hei nankasut hei. Khava jâra a’nnejap hlung inna om mak tin chei, khana vomhrui thei kaṭha nantaling rahōn heia inphut vomhrui ju inmak tin chei.

MICAH 3:12

Khava jâra, nangnihei jâra, Zion hi hlei kapōa khōi sik kae. Jerusalem kha inram kapōa akatlek akakōi rōk in inbuk sik khana Bek-inn tlâng kha ratu ramhâng hongkachang sik jo.

MICAH 6:15

Sachi bechi nanvor sik tâk akara khômmak tin chei. Olive thei nan-ep sik, tâk ahei tik a’m hmangtor mak tin chei. Ju nansyem sik, tâk ahei tik a’m inmak tin chei.

ZEPHANIAH 1:9

Jât-hlop hei kapōa kamukna kaneihei, khana ankapupa inn mansipna sik a mi inruhei leh mikathat-hei kha kakarâk sik hei.

DÂNRABU INHNINA 28:30

“Nuhngâk inkhat leh ṭong inchai sik chei, tâk mi inkhat in a-ompui sik. Inn nansak sik, tâk omnatet mak tin chei. Vomhrui nanling sik, tâk akara chu sâktet mak tin chei.

DÂNRABU INHNINA 28:39

Vomhrui kung nanlinga nanhrung sik, tâk vomhrui theichu lōkmak chei ning, khana theiju inmak chei ning, ajârchu rahlung in thei kha ansâksō sik.

DÂNRABU INHNINA 28:51

Nanran leh hmuchi ansâksō sik, nangni chu vonṭâma kathi sik chei. Nangni sik a hmuchi, vomhrui ju, olive thai, se leh kemōng dahlon mak hei ning; kathi sik jo chei.