ZEPHANIAH 1:12 - LEKHARABU INTHENG (BSI)

¹² “Khava pha khan thaihmei kakut a kamatua ke’n Jerusalem kajong sik. Binga tlaina kaneihei leh inngamna kaneihei, anbinga ‘Rōngpu’n ahlam inkhat achangmak leh inkhat a ṭōn heite tlomak,’ tia akahrile hei chunga karâkna kapek sik hei.

ZEPHANIAH 1:12 ပူးပေါင်းရင်းမြစ်များ

JOB LEKHARABU 21:15

Anmani’n Pathen razen sik hi rangei mak khana ahnenga derna hi ahnemna om mak tia anmandon.

HLAHEI 10:4

Mikaṭhamak he’n Rōngpu kha heite sakmak hei; Pathen hichu heite khôkmak tia inlensak pum a anmandon.

HLAHEI 14:1

Mikamo he’n anbinga, “Pathen om mak,” anti. Anmani ankhenga ṭhamak hei, khana ṭit ka-omtatak ṭōnhei antlo jo; Akadik katlo inkhatbek om mak hei.

HLAHEI 94:7

Anmani’n, “Rōngpu’n eihmu mak; Israel Pathen khan manhret mak,” anti.

ISAIAH 5:19

Nangni’n nanti, “Rōngpu’n atlo sik a ahri kha, nihmuna sik a, inranga tlo jo rasoh. Israelhei Pathen intheng khan aṭōn mantluk kha rôn sōt jo rasoh; ama lungria amandon kha eini’n en jo rih.”

JEREMIAH 10:5

Hinghiva limhei hi dônkho hleia, va leh shahei taṭit sik a lim matung kapōhrep kha kae; ṭongthei mak hei; anmani hi kadom lele sik hei kae ajârchu ke choithei mak heia kae. Khahei kha ṭitmak hei ruh: anmani’n heite manlotor mak tin chei, nanṭhatna sik heite tlotor mak hei.”

JEREMIAH 48:11

Rōngpu’n ahri, “Moab hi kahōia hong ka-om ṭhak, rehringa tûte’n keiphung mak hei. Moab hi jube shunga kachokloa aka-om ju inhlei, jube inkhat a inphut inkhat a sun manrōk loa aka-om kapō kae. Amarim kha lase phung hêrmak, khana atui um katui ṭhak a kae.

EZEKIEL 8:12

Pathen in ader eng, “Akathithei mihring, Israel hlamkakei he’n marûk katia antatlosōt hi nahmu mo? Anmani ankhenga lim kasiptak innden shunga kamukna anneia kae. Anmani manṭhatna khachu: ‘Rōngpu’n eini ṭōntlo hi ahmu mak! Ama’n ram hi adahlon jo kae,’ anti.”

EZEKIEL 9:4

“Jerusalem khōpui shunga vase roh khana khōpui shunga mater ka-om rakip tlo jâra inrengna leh khōdeng theina akachang hei machea mêrchîkna inkhat et vadapek hei roh.”

EZEKIEL 9:9

Pathen in amasôn eng, “Israel leh Judah mihei ṭit ka-om tak setna ṭhena kha antlo jo. Ram pumpui shunga mi anthat jo khana Jerusalem hi tloṭhena vâng rōk a anmansip jo. Rōngpu ke’n anram kadahlon pek heia, anmani hmumak jo hei eng tia anmani’n anti.

AMOS 6:1

Ziona kahōitak a ka-om khana Samaria a ka-ôrtak a ka-om nangnihei sik a heituk a ṭit ka-ompek chei mo, jât kalen Israelhei hlamkakei kalenhei, mipui in inthōpuina kangek sik a anta heisor jo hei, nangni!

OBADIAH 1:6

Esau sōn leh pârhei, nankarōi manbuk anchom pek jo chei.

MALACHI 2:17

Nanṭong hria Rōngpu kha nanmanchim jo. Tâk-kha nangni’n, “Heikhong inmo keini’n ama kanta manchim?” nanti. Hinga nanhrina khana kae, “Akahratpen Rōngpu’n ṭōnse katlo he’m kaṭhahei tia amandon hei; kadiktak a ama’n amadu hei,” nanti. Khana nangni’n nandera, “Akadik katlo sik Pathen kha khon mo aka-om?” nantia kae.

PETER INHNINA 3:4

khana ander sik chei, “Ama ahe’nle nôk sik a, ṭong aleitep changmak mo? Khō jo hmen? Nipa-nipuhei leikathi jo hei, tâk heirakip ralei insyembia inphut tûn katlung angangaia ka-om ṭhak!” anti sik.

ṬONGPHÔNG 2:23

Mihring malung mandon leh tamadu rangei inhret kei kachangna hi bekrup rakip in anmanhretna sik, amanu sahei kha kathat sik jo hei. Nangni’n nantatlo dungjui et a ke’n nankhenga kamale sik chei.