ZEPHANIAH 1:10 - LEKHARABU INTHENG (BSI)

¹⁰ Rōngpu’n ati, “Khava ning Jerusalema Nga Kekot a mi kaṭap rasa nanthei sik. Khōpui ather insak ṭhen shunga mi inkōi rasa khana tlâng heia invōk-inthat rasa nanthei sik.

ZEPHANIAH 1:10 ပူးပေါင်းရင်းမြစ်များ

SAMUEL INHNINA 5:7

(Tâk David in Zion kurpui kha ahlō jo, khava jâra “David Khōpui” tia inhret jo.)

SAMUEL INHNINA 5:9

David in kurpui kha ahlōsōa, ashunga ka-om jo, khana “David Khōpui” tia inphō jo. Tlânga inphut nisō intonga ram omnasenga khan aphut a, akimvea khan khōpui kha asak jo.

RENGHEI INHNINA 22:14

Hilkiah, Ahikam, Achbor, Shaphan khana Asaiah hei kha’n Hulda intinu sânkathem, Jerusalem hmunthera aka-omnu inbek intōpui sik a vakase hei. (apuise Harhas tupa, Tikva sapa Shallum kha Bek-inna pōn leh der katinta le’nṭang.) Amanu hneng omchen kasōk kha anleihri pek,

THUHMINGHEI INHNINA 3:1

Solomon pa, Reng David khan Bek-inn sakna sik a hmun aleisyemdek jo. Khavakha Jerusalema kae, Moriah tlânga, David hnenga Rōngpu alei inlârna, Jebush mi Arauna khan saphōra aleihmangna hmun a kae. Reng Solomon khan innsak aleiphut jo

THUHMINGHEI INHNINA 32:22

Hing’hin Rōngpu’n Reng Hezekiah leh Jerusalema mipuihei kha Sennacherib ratha neina inphut khana an-inrepui ralak-heia inphut aleihuk hei. Mipuihei kha insak inthlânga ram rakip hei leh kamōnga aleida jo hei.

THUHMINGHEI INHNINA 33:14

Hivasōa, Manasseh khan David khōpui nisōtinga vâng intong bang kha asak manshâng jo, Nga Kekot sak tinga phaicham shunga Gihon Tuiripût a inphut Ophel khōpuia ram rajei katlung. Ama’n Judah khōpui rekur tukkhum rakip a, remi rup inkhat et chunga, rehlam kakei inkhat et amatung hei.

THUHMINGHEI INHNINA 34:22

Rengpa ṭongpek a khan Hilkiah leh alak-hei seng kha Jerusalem innther ṭhen khat a aka-om Hulda intinu hneng ṭong kader sik a kase jo hei. (Amanu puise kha, Harhas tupa, Tikva sapa Shallum kha Bek-inn pōn leh der katinta kae.) Amanu hneng omchen kasōk kha anhri pek jo,

NEHEMIAH 12:39

khana inphut keini Ephraim Kekot, Jeshna Kekot, Nga Kekot, Hananel Berte leh Raja khat Berte hei kankhea Kemōng Kekot ting leikase ung. Keini injôkna kha Bek-inn kot hnenga inhnga jo ung.

NEHEMIAH 3:3

Hassenaah phungṭhen he’n Nga Kekot kha anleisak. Anmani’n thingtlōnhei leh kekot-hei kha ahmun et a anmatung hei, khana kekot kirna thirbong leh akhârna thirtlōn anmando hei.

ISAIAH 59:11

Keini anmaṭhit ung khana inrim ung. Akadik mak a leh inrimna inphut a ani kahuk sik a Pathen kanrangei jo, tâk heite sōk mak.

JEREMIAH 39:2

Zedekiah reng achangna kum 11 thla 4 ni 9 tluk ning kurpui bang kha ansukkhōi jo. (

JEREMIAH 4:31

Naiha kaphu kapōa nuhmei kaṭap rasa, nuhmei inkhat in sa ahma kakei amatet a a-inkōi rasa kapōa kathei. Khavakha akaphuk sântor lo Jerusalem rasa kae, akut arazit a ati, “Kei inhmang jo eng! Anmani kei kathat sik a kahong jo hei.”

EZEKIEL 6:13

Kathihei kha limhei leh maichâmhei akimvea khana hmebung inshânga, tlâng chunga, thingkung in-êm hnōia, sasōkung kalen hnōia, anmani’n limsyem hnenga ro-inthoina anleitōkna hmun rakip a inchai kathek sik hei. Khava sōa mi rakip in kei hi Rōngpu eng kae tia anmanhret sik jo eng.

AMOS 8:3

Khava kani ning reng-innpuia hlasakna kha ṭajai suina’n athleng sik. Hmun rakip a kathi kalōng kasip sik jo. Kathi kalōnghei kha marûk a anhlonsōt sik jo hei.”

ZEPHANIAH 1:15

Khavakha hnuk natna kani kachang sik, inreng khōdeng theina kani, inhmangna leh sukkhōina kani, inthim leh inrimna kani, khō jingna leh sumphai makhuna kani,

ZEPHANIAH 1:7

Rōngpu kha ṭongtan hmun a a’n-ong sik kani kha kahnai jo; khava jâra ama hmaikunga sip ti una om ruh. Rōngpu’n amihei kha inthoina tōk sik a intluk jo khana Judah kavōk-khōi sik a inrepuihei kha abek jo hei.