ZECHARIAH 8:3 - LEKHARABU INTHENG (BSI)

³ Kakhōpui intheng, Jerusalema kei inle sik eng, khana khan ka-om sik eng. Hivahi taksenthei khōpui, Akahratpen Rōngpu hmebung, khana hmebung intheng tia inhret sik.

ZECHARIAH 8:3 ပူးပေါင်းရင်းမြစ်များ

HLAHEI 2:6

Ama’n ahri, “Katlâng intheng Zion chunga, kareng kha kaman ong jo,” ati.

HLAHEI 48:1

Ni-Pathen khōpui kalen, atlâng intheng chunga khan, Rōngpu kha kalen khana inshângtak a choi manshâng sik kae.

SŌKSŌT 29:45

Kei kamipui Israelhei kâra ka-om sik eng, khana an-Pathen kachang sik eng.

ISAIAH 1:21

Vōi khat ṭong kajuitak khōpui kalen kha tûnchu notinu kapō kachang jo! Pha khat a mikadik he’n leikasip hei, tâk tûnchu mikathat rōk ka-om jo hei.

ISAIAH 1:26

Hmalai nantaleinei hei kapōa vaikarôn leh mi inse-kathem kapek sik chei. Khava sōa Jerusalem hi akadik, taksen ka-om khōpui kalen a’nti sik kae.”

ISAIAH 11:9

Pathen tlâng intheng, Zion chunga, akaṭhamak khana insuksetna heite om mak ning. Tui-ôngpui tui asipphet kapōa ram kha Rōngpu manhretna kasip phet sik jo.

ISAIAH 12:6

Ziona ka-om rakip in hla sak hei sona ông hei rasoh! Israel a’ntheng Pathen hi akalen kae, khana ama amihei kâra ka-om.”

ISAIAH 32:16

Ram shung hmun rakip a ṭongdik leh ṭōn kaṭha anhongtlo hi sik.

ISAIAH 60:14

Nangni kasuk inrim hei sōn leh pârhei kha kahong sik hei kajana malârna hong-inkun sik hei. Pha khat a nang hnōisea nakatlo hei seng nakekunga antakamuk sik che kae. Anmani’n, ‘Rōngpu khōpui,’ ‘Israel Pathen Intheng khōpui Zion,’ tia anphō sik che.

ISAIAH 65:25

Kahne leh kemōng he’n thlai ansâksap sik; shabakkai in sehrat kapōa sapôt asâk sik, khana mari he’n mi kasukset changmak jo hei ning. Katlâng intheng Zion chunga khan inhmangna leh akaṭhamak om mak jo ning.”

ISAIAH 66:20

Anmani’n nansap Israelhei kha jât-hei kâra inphut kei hnenga kutchoi kapōa anta heiṭhōi male sik hei kae. Anmani kha Israel he’n Bek-inna tōk sik hmuchi beklanga a’ntheng atena heia anta heirôn kapōa katlang intheng Jerusalema hin, shakor, shakōrtung, sharîngsei chunga khan chu shakor gâri chunga anta heiṭhōi male sik hei kae.

ISAIAH 8:18

Hinahin, Rōngpu tapek eng naipanghei leh kei ka-om ung. Chunghnung Rōngpu alen in-ongna Zion Tlâng chunga intungpa khan Israel mihei hneng akahring ṭong thangkōi sik a ajōngtir ung kae.

JEREMIAH 14:9

Heisa mo nang hi mi inkhat manhret manloa antasur jo kapōa, inthōpui torna ratha kaneimak remi inkhat kapōa aka-om che? Kadik khet a, Rōngpu nang in na-ompui ung! keini nami ung kae; keini adahlon mak roh.’”

JEREMIAH 26:18

“Hezekiah’n Judah reng achanglai, Moresheth a sânkathem Micah’n mipuihei hneng Chunghnung Rōngpu ṭonghri kha aleimanthei hei, ‘Hleipuk kapōa Zion kha ankhōi sik; Jerusalem kha sukset neinâk-hei manbukna hongkachang sik, khana Bek-inn hmebung kha ratu ramhâng hongkachang sik.’

JEREMIAH 31:23

Chunghnung Rōngpu, Israelhei Pathen khan ahri, “Ke’n mihei kha anrama kaheiṭhōi male hei pha, Judah ram a leh ankhōpui heia, anmani’n, ‘Rōngpu’n Jerusalem hmebung intheng, a-omna hmun intheng kha mahâmṭhat pek rasoh,’ anti nôk sik.

JEREMIAH 33:16

Judah leh Jerusalem hei kha ahuksōt sik hei, inhuk a ka-om sik hei. Khōpui kha, ‘Eini Hukmanhringna Rōngpu,’ inti sik.

EZEKIEL 48:35

Khōpui asir manlia bangdung kasei akhenga metre 9,000 kae. Tûna inphut khōpui rahming hi, “Rōngpu hin ka-om!” a’nti sik jo kae.

DANIEL 9:16

Nang in keini hmalai khan naleihrung jo ung, khava jâra Jerusalem chunga nahnuk mannat mak jo roh. Hivahi nakhōpui, a’ntheng nahmebung kae. Keini setna leh kanpu sōnhei ṭhatmak jâra sir leh panga ram he’n Jerusalem leh namihei chunga anhmu masi heia kae.

JOEL 3:17

“Khana, Israel, nang in kei hi Rōngpu na-Pathen eng kae tia namanhret sik eng. Jerusalem hi khōpui intheng kachang sik; miram he’n ahei tik a’m hlō tor nôk mak hei ning.

MICAH 4:1

Akahong sik kani heia Bek-inn ngirna tlâng kha tlâng rakip kâra a’nshângpen inkhat kachang sik. Jât katamtak hei khana khan hong katlân inhlut sik hei,

ZEPHANIAH 3:13

Alakahringa ka-om Israel mihei khan tûte inkhat hnenga dikmak tlomak hei ning, maleisei um hrimak hei ning, mihōnna’m tlomak hei ning. Anmani kakhangsōt sik hei, inhukna annei sik, tûte ṭitmak jo hei ning.”

ZECHARIAH 1:16

Khava khōpui kalen chunga lungsetna malârna sik a kei Jerusalema hong inle jo eng. Kabek-inn syem manther sik kae, khana khōpui kha sakmanther sik kae.”

ZECHARIAH 12:6

“Khava pha, Judah phung mihei kha ram a achangmak leh hleipuk a sâng kahmin kâra hmei kasûk kaman-ang sik hei, ankimvea ka-om jât-hei ansuk manhmangsō sik hei. Jerusalem mihei khachu khōpui shunga huksōt a ka-om sik hei.

ZECHARIAH 14:10

Sak tinga Geba inphut thlang tinga Rimmon katlung bit a, ramkei akhenga phaichama syem sik kae. Akimvea ka-om ramhei kanek a Jerusalem inn inshângpen sik; khōpui hin Benjamin Kekot a inphut hmalaia kekot leiomna Arakir Kekot kha aphâk sik, khana Hananel Ber a inphut reng innshunghei theitui epna hmun katlung kachang sik.

ZECHARIAH 8:16

Nangni tatlo sik khachu hivahi kae: inkhat leh inkhat kadik a inbe ruh. Ṭongtan hmun a inchamna ahei karôn sōt sik akadik kha hri ruh.

ZECHARIAH 8:19

“Thla manlina, rangana, sarina; khana sômna heia buhngōina kha Judah hei sik a hōina leh inpâkna revei kachang sik jo. Nangni akadik leh lungmōng kha nanta madu sik kae.”

JOHN 1:14

Ṭong kha mihring jōng kachanga maritna leh dikna kasip phet a nikâra ka-om. Alûrna kha kanleihmu, Apa Sapa inkhat rōk achangna aleichen lûrna kha kae.

JOHN 14:23

Jesu’n amasôn, “Tu achang inum kei inlungset mi khan kaṭong hri ajuia kae. Kapa’n amalungset sik, khana kapa leh kei ahnenga kajōng sik unga kha ama leh ka-omsap sik ung.

CORINTHIANHEI INHNINA 6:16

Heikhong mo Pathen bek-inn kha limsyem bekna leh man-ang thei sik? Ajârchu akahring ṭhak Pathen bek-inn kha eini me kae! Pathen ama khet in ahri: “Ke’n ka-inn kha kami heia inphut kasyem sik khana ankâra ka-om sik eng; kei an-Pathen kachang sik eng, khana anmani kami akachang sik hei kae.”

COLOSSIANHEI 2:9

Ajârchu ama mihring achangna shunga, Christa khan rathla achangna pui katluktak kha ka-oma kae,

ṬONGPHÔNG 21:10

Khana rathla khan akhimna thōia ada jo eng, khana ngeva khan tlângbung inshângjap inkhat chunga aṭhōi jo enga kae. Khana Pathen hnenga inphut marvâna ajōng kaṭum, khōpui intheng, Jerusalem kha amanhmu eng,

ṬONGPHÔNG 21:27

Tâk-kha khōpui shunga khan a’nnim heite hlutthei mak ning, khan chu malei kasei leh inzakna ṭōnkatlo hlutthei mak ning. Kemōngte hringna lekharabu shunga arahming a’nzet hei rōk kha khōpui shunga akahlut sik hei kae.

ṬONGPHÔNG 21:3

Khana len in-ongna inphut rasa inhnaktak a jōng kaṭong ke’n katheia hing’hin ahri: “Tûnchu Pathen inn kha mihring leh ka-omsap jo! Ama’n anmani a-ompui sik hei, khana anmani ami kachang sik hei. Pathen khet in a-ompui sik hei, khana ama an-Pathen kachang sik.