ZECHARIAH 7:5 - LEKHARABU INTHENG (BSI)

⁵ Ama’n ati, “Ram a mipuihei leh thempuhei kha manthei hei roh khachu hiva kum 7 shunga thla 5 leh 7na buhngōi leh ṭajai suina kha, kei kajana changmak.

ZECHARIAH 7:5 ပူးပေါင်းရင်းမြစ်များ

RENGHEI INHNINA 25:23

Mithōia alakahlut mak Judah ṭōnkarônhei leh remihei khan ṭong kha anthei pha, anmani Mizpah a Gedaliah hneng kahong hei. Khava ṭōnkarônhei kha Nethaniah sapa Ishmael, Kahrea sapa Johanan, Netophah khōpuia inphut Tanhumeth sapa Seraiah, Maacah inphut Jezaniah hei hi kae.

RENGHEI INHNINA 25:25

Tâk-kha khava kum a thla 7 na, reng innkō shunga mi Elishama tupa, Nethaniah sapa Ishmael in mihring 10 leh inṭhōia Mizpah a jōng kasea Gedaliah kha ahong buhlua aleiṭhat jo. Ama leh aleika-omsap Israel mi leh Babylon mihei kha’m athatsa hei.

ISAIAH 43:23

Kemōng ro-inthoina kahnenga heichoi mak jo che; na-inthoina hei vânga akaja mak che. Ke’n inthoina ngekna jâra phurhrik pek mak che eng. khana marim katui derna jâra manchâm mak che eng.

ISAIAH 58:3

Mihei kha’n inder heia, “Rōngpu’n athei hêrmak sik me achang inchu heisik a mo thlai nihngōi sik? Ama’n heitea ateimak sik me achang inchu heisik a mo bu sâk loa akase sik me?” anti. Rōngpu’n anhnenga ahri, “Akadik khachu nangni’n thlai nanhngōi pha, nanbing maduna nanjonga nanṭōn katlohei nanmanrim hei.

JEREMIAH 25:11

Hiva ram pumpui hi hleiram kachang sik, hmit-enna malung tônna kachang sik, khana ram hnenga ka-om jât he’n kum 70 Babylon rengpa sepa antlo sik.

JEREMIAH 29:10

“Rōngpu’n ahri, ‘Babylona kum 70 atlang pha, ke’n nangni sik kamandon kha kamanhmu sik chei, khana nangni inna kaheiṭhōi nôk sik chei tia ka ṭongtep kha ke’n katlosōt sik kae.

JEREMIAH 52:12

Babylon reng Nebuchadnezzar vairôn kum 19 thla 5 ni 10 tluk ning, remi hlamkakei, rengpa ṭong-insea inṭang Nebuzaradan kha Jerusalema kahlut jo.

DANIEL 9:2

Ama vai rôna kum hmakakeia, sânkathem Jeremiah hneng aleihri, ke’n lekha intheng kateia, Jerusalem in kum 70 a’nhmang sik kha kamandona ka-om eng.

HOSEA 7:14

Malung inthengtak a kahnenga adermak hei, tâk khōvelhei kapōa, raleia katlu heia ka-ông heia kae. Khana ju leh sâng sik a ander phale’m khōvelhei kapōa antak ankarittana kae. Anmani heikhonga a’nphin hei mo!

ZECHARIAH 1:12

Khava sōa ngeva khan ahri, “Chunghnung Rōngpu, nang Jerusalem leh Judah khōpuihei chunga tûn hi kum 70 nahnuk hongkana jo. Anmani chunga lungset maritna narôn sik pha kha heija mo alakasôt sik?”

ZECHARIAH 7:3

khana thempuhei leh sânkathemhei hneng hiva ṭong hi akader sik a anheitir hei: “Bek-inn a’nset jo jâra kum katamtak a kantaheitlo jo thla 5 tlukna bu hngōia ṭajai suina kha kantalatlo ṭhak sik mo?”

ZECHARIAH 7:4

Kahnenga Rōngpu ṭong akajōng kha hivahi kae.

ZECHARIAH 7:6

Anmani’n antasâk anta-in kha anbing von khopna sik a kae.”

ZECHARIAH 8:19

“Thla manlina, rangana, sarina; khana sômna heia buhngōina kha Judah hei sik a hōina leh inpâkna revei kachang sik jo. Nangni akadik leh lungmōng kha nanta madu sik kae.”

MATTHEW 23:5

Anmani’n heirakip kha mi tahmu sik hnâma antlo. Enruh anmachea leh anbâna ṭong intheng thingbôm antamakhei heiso, heituk a akalenhei mo! Anpōn hmor antamakhei mathlak so heituk a akasei hei mo manhretsa ruh!

MATTHEW 6:16

“Nangni’n bu nanhngōi pha, a’nṭhat hlemsak-hei kapōa akachâm hmaisō malârmak ruh. Bu anhngōi tia mihe’n anmanhretna sik a anhmaisō khachu donmak hei. Kahri manchên pek chei kae, anmani tloman kha inpesō jo hei.

MATTHEW 6:2

“Achang jâra akaneimak inkhat hneng nanpek pha, a’nṭhatsak he’n kamukna inna leh hlampui heia kalentak a malârna antatlo kapōa tlomak ruh. Mihei manpâkna chenna sik khanga antatlo kae. Kahri manchên pek chei kae, anmani tloman inpesō jo hei.

MATTHEW 6:5

“Nangni’n nander pha, a’nṭhatsak hei kapōa changmak ruh! Ajârchu anmani’n mihmuna sik a kamukna innheia leh hlampui rakir heia kangir heia kae. Kahri manchên pek chei kae, anmani tloman inpekdek jo hei.

CORINTHIANHEI INKHATNA 10:31

Kaṭha jo, heirakip nantlona chunga, nansâkna nan-inna achanga, Pathen lûrna sik a tlo ruh.

CORINTHIANHEI INHNINA 5:15

Ama mi rakip sik a kathi jo, khavakha akahring mihei khan anmani bing sik a anhring makna sik, tâk-kha anmani sik a aleikathi jo khana kahringa keimathōisōt jo ama sik rōk a anhringna sik a kae.

COLOSSIANHEI 3:23

Nantlona rakip a, mihring sik a ṭōn a’ntlo changloa, Rōngpu sik a ṭōn a’ntlo kapōa malung kahluttak a tlo ruh.