ZECHARIAH 5:3 - LEKHARABU INTHENG (BSI)

³ Khana ngeva khan kei hneng ahri, “Ram pumpuia ajōng katlung sik hâksêrna sik kha hiva lekha shunga inzet. Hiva lang khat ting hin inru rakip, ram shunga inphut losōt sik hei tia inzet; alang khat tinga khan ṭongtepna thōia malei kasei rakip, losōt sik hei tia inzet.

ZECHARIAH 5:3 ပူးပေါင်းရင်းမြစ်များ

SŌKSŌT 20:15

“Inru mak ruh.

ṬONGCHÎK-HEI 29:24

Mi inru inthloppui hi akaṭhamakpen binga indōina kha kae. Ṭong tanna hmun a aṭhena kha kadik a ahri’nchu karâkna anpek sik, khana akadik ahrimak tâk leh Pathen in karâkna apek sik.

ṬONGCHÎK-HEI 3:33

Rōngpu’n mikaṭhamak innshung ahâksêr hei, tâk mikadik innshunga mahâmṭhat apek hei.

ṬONGCHÎK-HEI 30:9

Akatamtak kanei inchu, nang rangei mak che eng katithei. Khana sara kachang inchu hong inruthei eng, khana ka-Pathen nang kha inzakna kapekthei che.

ISAIAH 24:6

Khava jâra Pathen in raleia khomâk asâmkhum jo. Mihring he’n anṭōntlo dungjuia antachen jo kae. Mihei hi katlôm det-det a kahring sik hei.

ISAIAH 43:28

Khana navai karôn he’n kei hmun intheng anmanchok a kae. Khava jâra Israel chunga suk manhmangna kha kahei rôn kae; kami khet hei inzakna kha kamasō kae.”

ISAIAH 48:1

Hivahi rangei ruh, Israel mihei, Judah sona inphut ahong kasōk nangni: Nangni Rōngpu rahminga inhâksêr chei Israel Pathen kha kamuk sik a nanti, tâk-kha nanṭong hri inkhatbek tlo sik a intluk mak chei.

JEREMIAH 23:10

Ram shung hi Rōngpu hnenga taksenthei kachangmak mi kasip jo hei; anmani akaṭhamak hringkhōa ka-om hei khana anratha neina kha ṭhatmak a anhmang jo. Rōngpu’n ahâksêr jâra ram khan ṭajai asui, ramhâng hei kha kachârsō hei.

JEREMIAH 26:6

Nangni’n khanga juiloa nan-om ṭhak inchu, ke’n Shiloa katlo kapōa hiva Bek-inna hin katlo sik kae, raleichunga jât rakip in hiva khōpui rahming hi inhâksêrna inkhat a antahmang sik jo kae.”

JEREMIAH 5:2

Rōngpu kha kankamuk nanti’num, nantati kha tlomak chei.

JEREMIAH 7:9

Nangni’n nanmaruk, mi nantha, kajông chei, inhâksêr cheia maleisei nanhri, Baal hneng inthoina nantōk, khana nanta leimanhret phungmak pathenhei nankamuk heia kae.

EZEKIEL 2:9

Kut inkhat kahnengting aheirajit sōt a, a’nze hlom inkhat amatu kha kahmu.

DANIEL 9:11

Israel rakip in nadân anlei sukkhōi jo, khana naṭong hri juihnōm mak jo hei. Nang kadōia kaset jo ung, khana nasōk Moses dânrabu a a’nzet hâksêrna hei kha kanchunga katlung joa kae.

HOSEA 4:2

Anmani’n intepna hei ansyem khana anvōkkhōi bât; maleisei, mithat, inru, jông leh kik antloa kae. Invōk-inthat hong katam jo, mihring inthat hi inkhat bânna inkhat hong kapung jo.

LEVI-DÂN 19:11

“Inru mak ruh, mi hōnmak ruh, maleisei hrimak ruh.

LEVI-DÂN 19:12

Nanta juimak sik achang inchu kei rahminga intep mak ruh; khava khan karahming amanset a kae. Kei nan-Pathen Rōngpu eng kha kae.

AMOS 3:10

Rōngpu’n ati, “Hiva mihei hi ṭōnse tlona leh innâk-insea neinâk anta heichomsōt vâng rōk a an-innpuihei kasip sōa kae. Heikhonga malung mantheng sik ti kapha’m manhret mak hei.

ZECHARIAH 5:4

Chunghnung Rōngpu’n hiva hâksêrna hi kahei tir sik jo ati, khavakha inruhei inn rakip a leh intepna thōia maleisei kahri rakip hei inna kahlut sik ati. Hivahin an-innshunga ka-om sik khana amanram cher heia adahlon sik hei.”

ZECHARIAH 8:17

Inkhat in inkhat inhmangna sik a intlo mak ruh. Akadik mak a inhâksêr mak ruh. Maleisei, akadik mak, innâk-inse ke’n kahōt.”

MALACHI 3:5

Chunghnung Rōngpu’n ati, “Ṭong katan sik a nankâra hongkangir sik eng, hmitphedôi kachoihei, mikajônghei, sâkhi kadikmak kapek hei, anṭōn katlohei rathaman kapek mak hei, khana renghmeihei, khana nu leh pa kasehei, khana ram hlop heia inphut hnemna kajōng hei, khana kei kajana anikapek mak hei seng chunga ṭong katan sik.

MALACHI 4:6

Ama’n pahei leh sahei aheiṭhōi manchun nôk sik hei, kha alei changmak inchu kei kahong sik enga kha nanram kaleisuk manhmangsō sik jo kae.”

MATTHEW 25:41

“Khana veitinga aka-om hei hneng khan ama’n ati sik, ‘Pathen hâksêr kachen hei, kahnenga inphut sesōt ruh! Seitan leh angevahei sik a mantluksa kumsôt hmeikhura sik sesōt ruh!

LUKE 21:35

chângkap kapōa asurkhâk sik chei. Ajârchu ralei hmuntina mi rakip chunga hivahi ajōng katlung sik kae.

EPHESIANHEI 4:28

Malung inthenga anbinga hringtheina anhmuna sik leh sara khōdeng katheihei an-inthōpui torna sik a, inru katlo ṭhak mi kha, inru akabâng sik kae khana ṭōn atlo sik kae.

TIMOTHY INKHATNA 1:9

Kadik, dân hi mikaṭhahei sik a a’nsyem changmak, tâk dân kasuk khōi hei leh mikasehei, bekṭong kaneimak hei leh setna kasip hei, bekdân kajuimak hei leh rathla hlam kajuimak hei, nu leh pa kathat-hei, mihring kathat-hei,

JAMES 5:12

Kasōpuihei, heirakip chunga, nangni ṭong nan-intep pha inhâksêr mak ruh; marvân kapan a, ralei kapan a, heikhat kapan a inhâksêr mak ruh. Nanhnōmna kha “Ôk”, nandana kha “Dâng”, ti hnâm ruh, kha achang inchu nangni Pathen ṭong tanna thōia om mak tin chei.

JAMES 5:4

Nanhleia ratha nantamanrōi hei khachu aman pek mak chei. Anrasa nei kha rangei pek hei ruh. Nansâng kakhôm hei malung hōimak a an-ông rasa khan akahratpen Rōngpu, Pathen omna langa hong katlung jo.

JOSHUA 9:20

Nilei intepna dungjuia nimanhring sik hei kae; khanga nitlo mak inchu, Pathen in eini akarâk sik jo me.

ṬONGPHÔNG 21:8

Tâk-kha ṭit kasehei, mikahōnhei, mikathat-hei, omchen kase hei, dôi kachoihei, limsyem inmuk hei, khana malei kaseihei seng omna sik a hmun kha hmei leh kât kângna dîr kha kae, khavakha vōi 2 tlukna thina kha kae.”

ṬONGPHÔNG 22:15

Achang ravâng khōpui vângting khan chu, mikahōn inthla, mikaṭhamak, dôi kachoi, mikajông, mikathat, limsyem inmuk, ṭōntlo leh ṭonghria malei kasei ka-om hei.