ZECHARIAH 13:3 - LEKHARABU INTHENG (BSI)

³ Tu mo inkhat in sânsōt ṭong ahriṭhak inchu, ama kanei anu leh apa heikhet khan ama kha that sik kae tia antahri pek sik kae, ajârchu Rōngpu ṭong sânsōt sik a ati leh akadik mak jôk ahrisōt a kae. Ama’n ṭong asânsōt pha, anu leh apatak hei khan antatuk hlon sik kae.

ZECHARIAH 13:3 ပူးပေါင်းရင်းမြစ်များ

JEREMIAH 23:25

Khang khava sânkathem he’n anrahmanga sânsōt ṭong ke’n kajōng pek hei tia karahminga maleisei akahri, sânkathemhei ṭonghri hei kha ke’n kamanhret.

JEREMIAH 23:34

Kami inkhat in a-emak leh sânkathem inkhat in, a-emak leh thempu inkhat in, ‘Rōngpu phurhrik,” ti ṭong hi ahmang inchu, ke’n ama leh an-innshung karâkna kapek sik hei kae.

JEREMIAH 28:15

Khava sōa ke’n Hananiah hneng hivahi kahri pek, kahrisa nôk a, “Rangei roh, Hananiah! Rōngpu’n nang heitir mak che, nang in hiva mihei hi maleisei naman taksen hei kae.

EZEKIEL 13:23

Khava jâra tûnchu nangni hmangtalâr kadikmak leh ṭongsânsōt hei kha inchai jo. Nangni’n kei hi Rōngpu eng kae tia nanmanhretna sik a nangnihei ratha neina inphut kamihei kahuksōt sik hei kae.”

EZEKIEL 14:9

“Sânkathem inkhat akadik mak ṭong masônna kahri sik a hōnmathlâk jo achang inchu, khavakha Rōngpu ke’n kahōn jâra kae. Israel mipuihei kâra inphut kalosōt sik kae.

EZEKIEL 43:7

“Akathithei mihring, hinahin kei reng in-ongna ka-om. Hinahin kei Israelhei kâra ka-om sik eng khana ahei tik a anchunga vai karôn sik. Israel mipui leh anreng he’n pathen ralak ankamuk a khana anrenghei kathi kalōng kha hinahin anhre heia kei rahming intheng hi avea hmesetna apek mak jo hei ning.

MATTHEW 10:37

“Kei kanek a apa a-emak leh anu inlungset mi kha kei sonle sik a rahōi changmak; khana kei kanek a asapa a-emak leh asanu inlungset mi kha kei sonle sik a rahōi changmak hei.

LUKE 14:26

“Tu enum kahnenga hongrong kati mi khan, anu-apa, anuhmei asa, a-u anai khana abinga ahringkhō hnung kasung achangmak inchu kasonle chang tor mak ning.

CORINTHIANHEI INHNINA 5:16

Kha achang jâra keini’n tûte inkhat mihring taksa lang tinga mandon mak jo ung. Pha khat a Christa kapha kha’m taksa ralei ngaia kanleimandon, tâk tûnchu mandon mak jo ung.

DÂNRABU INHNINA 18:20

Tâk ke’n ṭong pekna neilo enga sânkathem tu inkhat in kei rahminga ṭong ahringam inchu, khava sik a akathi nger sik kae, khana pathen ralak rahminga ṭongkahri sânkathem tu inkhat kha’m khanga tlo sik hei kae.’

DÂNRABU INHNINA 33:9

Annu anpa, ansōpui leh ansahei chunga kanek a, Anhnōmna che kha kalentak a anmalâr. Naṭongpek anjui Khana nang intepna kha anjui mathlung.