ZECHARIAH 10:9 - LEKHARABU INTHENG (BSI)

⁹ Ke’n anmani jât-hei kâra kachai kathek jo he’num, ram kahlatak a inphut anhei mandonsōt sik eng. Anmani leh ansahei kahring sik hei, khana inna inlesap sik hei.

ZECHARIAH 10:9 ပူးပေါင်းရင်းမြစ်များ

NEHEMIAH 1:9

Tâk-kha nangni’n kahnenga nanhei inhea khana kaṭong pek chei kha nantlo’nchu, nangni raleichung inchaina katlunga nanlei inchek ṭhen jo’num kei kamukna sik a kakadeisōt hmun a khan kaheiṭhōi nôk sik chei.’

ESTHER 8:17

Khōpui kalen rakip leh ramṭhen rakip a rengpa ṭong masō teisōtna rakip a Jehudi he’n inpâktak a châm inhngana leh sâklôm tlona kani inkhat anleinei. Adiktak a chu mihlop katamtak Jehudi hongkachang jo hei, ajârchu tûnchu Jehudihei kha anṭit jo heia kae.

ISAIAH 44:21

Rōngpu’n ahri, “Israel, hivahi mandon roh; nang kasōk che kae mandon roh. Nang kasōk sik chea kasyem che kae, khana ke’n nang mahngi hêrmak che ning.

ISAIAH 64:4

Nang chunga inhōrna kanei mihei hnenga khang khava ṭōn katlosōt, nang kapō Pathen chu tûte inkhat in hmuphung mak, thei um lathei phungmak.

ISAIAH 65:23

Anṭōn tlona hme ansō sik, khana ansa he’n insuksetna chenmak hei ning. Ke’n anmani leh ansōn anpârhei kha pha rakip a mahâmṭhat kapek sik jo hei.

ISAIAH 65:9

Ke’n Judah phunga Israelhei kha ṭhattheina vâng kapek sik hei, khana antu-ansa he’n katlang hei kha anhlō sik. Kakadeisōt kamihei, kei inzenhei kha khana khan ka-om sik hei.

JEREMIAH 31:27

“Rōngpu ke’n kahri kae, Judah ram leh Israel ram kha mi leh sha kamansip phetna sik pha kha kahong sik.

JEREMIAH 51:50

Rōngpu’n Babylona amihei hneng ahri: “Nangni thina kha nanpek sōt jo! Tûnchu se ruh! Hngâk mak jo ruh! Nangni nan-inna inphut ram kahla a nan-om inum, nan-Rōngpu, kei chunga mandonna nei ruh, khana Jerusalem kha mandonsōt ruh.

EZEKIEL 6:9

khana khan anmani rehring sura ka-om sik hei. Khana anmani’n kei anhong mandonsōt sik eng, khana ke’n karâkna leh hmaimôkna kapek hei kha anhong manhret sik, ajârchu anmani taksenna kaneimak malung khan andahlon enga kei kanek a limsyem jôk anmadu chet a kae. Anmani’n ṭhatmak leh insuk innemna ṭōn anleitlo jâra anbinga inter sik hei.

HOSEA 2:23

Ram a khan kamihei kaphunsōt sik hei khana kamannei kamanhao sik hei. Ke’n “Lungset lo,” inti hei hneng khana, “Kami changlo,” inti hei hneng lungsetna kamalâr sik. Ke’n, “Nangni kami chei kae,” kati sik, khana anmani’n anmasôn sik eng, “Nang kan-Pathen che kae,” anti sik eng.

AMOS 9:9

Sasep shunga sâng kapōa Israelhei kha karachi nengna sik ṭong kapek sik. Akahnem mak hei seng hlonsōtna sik jât-hlop hei kâra kakanok sik hei.

MICAH 5:7

Alakahring seng Israel mihei kha Rōngpu’n jât rakip sik a ajōngtir hlimsengna radaitui kapō kha ka-ang sik hei, phidông kakek chunga khō rahme kasûr kapō kae sik. Khahei kha mihring chunga changloa, Pathen chunga a’nngai sik hei kae.

ṬŌNTLOHEI 8:1

Khana Saul um antathat kha leikahnōm. Khava ning tak a inphut Jerusalema ka-om Bekrup-hei chunga êngset a tlo manrimna inphut jo. Sonlehei teilo takkasen rakip kha Judea leh Samaria pumpuia inthekchek jo hei.

ṬŌNTLOHEI 8:4

Takkasen a’nthekchek rakip hei khan anselena rakip a ṭong kha anleiphông.

ROMANHEI 11:24

Nangni Jât-hlop chei, ram a olive akatlek kapō chei kha kae, rahōn olive tlekna hmun a khan angai changloa manjōm chei kha kae. Jehudihei hi rahōnna olive kapō hei kae; Pathen in akatlek bâk-hei kha antlekna thingkung mama khan amanjōm sik hi kabeichet a kae.