ZECHARIAH 10:2 - LEKHARABU INTHENG (BSI)

² Mihe’n limhei leh tla kasânhei hneng ṭong ander hei, tâk-kha masônna antahmu khachu maleisei ṭong leh aje omlo rōk kae. Mi ṭhahrep in rahmanghei anmalesōt, tâk hlamle rōk a anṭhōi chei, anmani lungngamna pekna chei kha heite hnemmak. Khava jâra mipuihei kha kemōng hlam invai kapōa kalôn jo hei. Anmani hlamkakei annei mak jâra inrengna anthōk jo.

ZECHARIAH 10:2 ပူးပေါင်းရင်းမြစ်များ

A’NPHUTNA 31:19

Laban kha kemōng sam kavo leikase, avōi kathi Rachel in apa innshung pathenhei kha aleimarûk heia kae.

RENGHEI INKHATNA 22:17

Micaiah’n amasôn, “Ke’n Israel remihei kha akakhem ka-om mak kemōng kapōa tlâng chunga khin a’nchai kathek sōpet hei kha kahmu. Khana Rōngpu’n ahri, ‘Hiva mihei hi hlamkakei neimak hei; inna kamōnga se jo hei rasoh.’”

JOB LEKHARABU 13:4

Nang in heite namanhret makna kha maleisei vânga namakhu; nang hichu akana tûte inkhat mandam torlo thempu kapō che kae.

JOB LEKHARABU 21:34

Khana nang chu! Akae makjen vânga lungngamna nathlâk eng! Nata masôn eng rakip hi maleisei rōk kae!

ISAIAH 41:29

Hiva pathenhei seng hi hmangna kase rōk hei kae; anmani’n heite tlotor mak hei, hiva limsyemhei hi katlasam hei khana ratha neimak hei.”

ISAIAH 44:25

Ke’n tla kasânhei kaman mo hei, khana ârsi lekha kathemhei ṭongsânsōt hei kha kamanhmak hei. Mikasinghei ṭonghri kha ke’n kamakhe, khana ansingna hei kha akamo kamanchang pek hei.

ISAIAH 44:9

Lim kasyem rakip hmangna kase hei kae, khana aman antamantam pathenhei kha hmangna kase kae. Khava pathen inmuk hei kha hmitkacho leh heite inhret mak hei kae, inzakna manchen sik hei kae.

ISAIAH 46:5

Rōngpu’n ati, “Tu leh mo nangni’n nanta-ente sik eng? Kei kapō tu inkhat aka-om nâk mo?”

JEREMIAH 10:8

Ankhenga kamohei khana invet hei. Thinga lim syem heia inphut anmani’n heimo themna antahmu sik?

JEREMIAH 14:13

Khava pha ke’n kahri, “Chunghnung Rōngpu, sânkathem he’n mihei hneng re leh vonṭâm om mak ning, ajârchu nang in ṭongtepna nanei jo kae anti, khana kanram shunga mōngna rōk ka-om sik anti.”

JEREMIAH 14:22

Jât-hei limsyem inkhatbek inum khōtui mansûr tor mak ning; bōirōk inum abinga khōtui mansûr tor mak. O, Rōngpu, kan-Pathen, nang chunga keini inhōrna kannei, ajârchu hiva rakip akatlo hi nang che kae.

JEREMIAH 23:17

Kei ṭonghri inngei hnōm mak hei khan, heirakip injenpet sik antipek hei. Khana racham kase hei hneng inrengna khan tônhêr mak hei ning tia mi rakip hneng anhri pek hei.”

JEREMIAH 23:32

Rōngpu kei ṭonghri hi rangei ruh! Rahmang kanei sânkathemhei, maleisei kasiptak kahri hei kha ke’n kadōihei. Anmani’n khava anrahmang kha anhria, maleisei leh inlensak pum a, kamihei hlamlea anṭhōi manhmak hei. Anmani ke’n tir mak hei eng khana ansena sik a ṭong pek mak hei eng, anmani mipui sik a hnemna kase hei kae. Rōngpu ke’n kahri jo kae.”

JEREMIAH 27:10

Anmani’n anhōn chei khana nanrama inphut ram kahlatak a anman ṭhōisōt sik jo cheia kae. Ke’n nangni kahnong sōt sik chei, khana nangni karampet sik jo chei.

JEREMIAH 27:14

Babylon rengpa hneng hlutmak ruh katia akahri sânkathemhei ṭong rangei mak ruh. Anmani’n antahōn chei kae.

JEREMIAH 27:9

Nansân kathemhei achangmak leh hnungṭong kanhrisōt tor kati hei, rahmanga achangmak leh akathi rathla bekna achangmak leh hmitphedôi kantlotor kati hei ṭong kha rangei mak ruh. Anmani ankheng in Babylon rengpa hneng hlutmak ruh anti cheia kae.

JEREMIAH 28:15

Khava sōa ke’n Hananiah hneng hivahi kahri pek, kahrisa nôk a, “Rangei roh, Hananiah! Rōngpu’n nang heitir mak che, nang in hiva mihei hi maleisei naman taksen hei kae.

JEREMIAH 29:8

Rōngpu, Israel Pathen ke’n gîkna kapek chei kae, nankâra ka-om sânkathem he’n achangmak leh hnungṭong kansânsōt thei kati he’n nangni hōnmathlâk mak chei rasoh. Anmani rahmang heia khan nanmalung pek mak ruh.

JEREMIAH 37:19

Babylon rengpa’n nang leh hiva ram hi re hongsō mak ning tia ani kahri pek sânkathemhei kha heihmen akachang jo hei?

JEREMIAH 50:17

Rōngpu’n ahri, “Israel mihei kha, shabakkai in ahnong kachek kemōng kapō hei kae. Hmapena, Assyria rengkalen in abuhlu hei, khava sōa Babylon Reng Nebuchadnezzar in anru asekhōi pek hei.

JEREMIAH 51:23

kemōng kakhemhei leh ankemōng rup thatna, hlei kakhōi hei leh antahmang shakorhei thatna, khana vaikarônhei leh ṭōnkarônhei vōk manchipna sik a kaleihmang che kae.”

JEREMIAH 6:14

Anmani’n kamihei sungbi rôn kha vun karit mankhok hrep a anlopek hei. Anmani’n heite inkhatbek aṭhatmak jo pha kha’num, “Kaṭha jo,” anti ri.

JEREMIAH 8:11

Anmani’n kamihei intônna takbi kha vun karittan kapōhrep a anlopek hei. Heirakip aṭhatmak jo pha, anmani’n ‘Heirakip kaṭha jo,” anti ri.

ṬAJAISUINA 2:14

Nasânkathem he’n, mihōnna tei loa hri sik neimak hei: Anṭong hrilena nasetna malârhêr loa anhōn jo che. Malung thleng sik rangei mak tia mandonna anpek che.

EZEKIEL 21:21

Babylon rengpa kha hlamsō 2 inbâkna ṭongmanthei târna khan kangir. Khonting mo se sik tia amandona athe kha akanok a kae; ama’n ama limhei kha ader hei; inthoina ran mathin kha a-enmansin a kae.

EZEKIEL 21:29

Nangni hmangtalâr hmu kha dikmak, khana hnungṭong sânsōt kha maleisei kae. Nangni ṭhamak chei khana nanmalung intheng mak, a’nchaina nanṭong tanna sik kani kha kajōng jo. Chemjâm kha nanrînga jōngkatla sik.

EZEKIEL 34:5

Kemōnghei kha ankakhem sik an-om mak jo jâra, inchek jo hei, ramsha he’n anthat heia ansâk jo hei.

EZEKIEL 34:8

Kei akahring khet Pathen kachang jâra, kaṭong nanta rangeia kaṭha sik. Kakemōnghei kha ankakhem a-om mak jâra, ramsha he’n anhlō heia anthat jo hei khana ansâk jo hei. Kakemōng kakhem he’n kemōng kha jongmak jo hei. Anmani anbinga inhrung kaṭhahei, tâk kemōnghei chu ensui mak jo hei.

HOSEA 3:4

Hiva kapōhrep a Israel mihei kha reng leh hlamkakei kasea, inthoina tlo loa a-emak leh a’ntheng hlung kachohei neiloa, limsyemhei kasea a-emak leh tlâ sânna anhmang limhei kasea aka-om sik hei kae.

MICAH 2:12

“Tâk-kha nangni dahlona ka-om Israel mi seng, ke’n kakhôm manchun hi sik chei. Kemōng in anrōnga anhong inle kapōa ke’n nangni kaheiṭhōi manchun sik chei. Kemōng khemna hmun a kemōng kasip tlit kapōa, nanram hi vōi khat mi kasip tlit sik hei.”

HABAKKUK 2:18

Limsyemhei hnemna heimo? Hiva hichu mihring tasyem hnâm kae, hivahin nanhnenga akadik mak tei loa heite hritheimak. Akasyempa’n ataksen theina sik hei ṭhatthei mo atlopek, khava akaṭong theimak pathen hrep khan.

ZECHARIAH 11:17

Khava kemōng kakhem kahnem makpa kha inhmangreng jo! Ama’n akemōng rup kha adahlon jo. Re shunga ama ratha neina kha suk manhmang sik kae. Akut kangōi sik jo, ahmit changting kacho sik a kae.”

MIJAHEI 27:17

rehmun a hlam kakeitor sik pase inkhat kadei pek hei roh, namipuihei hi ankakhem ka-om mak kemōng kapō anchang makna sik a.”

MATTHEW 9:36

Mipuihei kha a-en hei pha, alungset hêr jo hei, ajârchu ankakhem kase kemōng rup kapōa, lungdong leh inthōpui kasea ka-om heia kae.

MARK 6:34

Jesu’n rakōnga inphut akesōt pha, mipuihei kha ahmu heia, anmani sik a amalung kha lungsetna’n kasip jo, ajârchu ankakhem kase kemōng ka-ang jo hei. Khava jâra ṭong katamtak amanthei manphut jo hei.

DÂNRABU INHNINA 13:2

nantalei kamuk phungmak pathen kamukna sik leh razenna sik hrep a. An-intepna kha ahong diktak inum,

ṬONGKATANHEI 18:14

Khava sōa Laish kimvea ram ka-en inthlip aleikase 5 hei khan anloihei hneng anti, “Hinahin innshung inkhat a thing vânga antasyem lim, dangka vânga a’ntōm, inkhat aka-om so nanmanhret mo? Khana khan limsyem ṭhahrep leh zakkō kabong um ka-omsa hei. Heikhonga mo tlo sik a nantamandon?”