ZECHARIAH 1:3 - LEKHARABU INTHENG (BSI)

³ tâk-kha tûnchu ke’n nanhnenga kahri kae, ‘Kei hneng he’nle ruh khana kei nangni hneng he’nle sik eng.

ZECHARIAH 1:3 ပူးပေါင်းရင်းမြစ်များ

THUHMINGHEI INHNINA 15:2

khana ama’n Reng Asa hneng vakase. Ama abek a, “Reng Asa, Judah leh Benjamin mipuihei kaṭong hi rangei ruh! Nangni’n Rōngpu hneng nan-omlai seng, ama’n nangni a-ompui sik chei. Nangni’n ama nanjong inchu, amanhmu sik chei, tâk-kha nan-inhesōt inchu, ama’n adahlon sik chei.

THUHMINGHEI INHNINA 15:4

Tâk-kha inrengna kha ajongtlung pha, Israel Pathen Rōngpu hneng inhe hei. Anmani’n ama anjong khana anhmua kae.

NEHEMIAH 9:28

Lung mōngna kha anchen nôk pha, anmani’n setna anleitlo nôk a kae, khana an-inrepuihei kha namantor nôk hei. Kha’num anmani’n an-insir phat a anmani hukna sik a anleider che pha nang in marvâna naleithei pek hei, khana pha khakhat leh, nalungset kalen vâng khan nalei huksōt hei.

JOB LEKHARABU 22:23

Kadik, nang insinsaktak a Pathen hneng a’nle sik che kae khana na-inn shunga nanta leitlo akaṭhamak rakip nahlon sōt pet sik kae.

ISAIAH 31:6

Rōngpu’n ahri, “Israel mihei, nangni kei kadōia setna nantlo khana nanmakhe eng. Tâk-kha tûnchu, kahnenga he’nle jo ruh!

ISAIAH 44:22

Ke’n nasetnahei sumtuk inthlir kapōa kaphet pek jo che. Kahnenga ho’nle roh; nang kahuksōt kha kei eng kae.”

JEREMIAH 12:15

Tâk-kha ke’n anmani kaṭhōisōt sō hei pha, anchunga kalungset sik hei; khana jât rakip ke’n anram et a kaṭhōi male sik hei.

JEREMIAH 25:5

Rōngpu’n nanpa-nanpuhei hnenga aleipek hei ram kha nankarōi achang thangna sik a khana ram a khan nan-om thangna sik a anmani’n nanhringkhō akaṭhamak hlam leh akaṭhamak ṭōn heia inphut nanhong inhesōtna sik anmanthei chei.

JEREMIAH 3:1

Rōngpu’n ati, “Pase inkhat in anuhmei a’nṭhenpui joa, khana amanu khan pase hlop inkhat lômnu avachang jo’nchu, avea ompui theimak jo ning. Hivahin ram kha amanbōk sik kae. Tâk-kha, Israel, nang chu indupui katamtak nanei jo hei sōa, tûnchu kahnenga hong inle hnōm jo che!

JEREMIAH 3:22

Rōngpua inphut a’nhesōt hei nangni seng hong inle ruh; ama’n nangni amandam sik chei khana taksenthei amanchang sik chei. Nangni’n nanhri, “Ôk keini Rōngpu hneng kahong sik ung, ajârchu ama kan-Pathen kae.”

JEREMIAH 35:15

Ke’n nanhnenga injônjet a kasōk sânkathemhei kajōngtir hei, anmani’n nanhlam jui kaṭhamak masōna sik, akadik kha nantlona sik anhri pek chei. Nangni leh nanpu sōnhei hneng kapek chei ram a hin, nan-om ṭhak theina sik a, nangni’n pathen ralak kamuk mak ruh khana razen mak hei ruh tia an-gîk ṭhak chei. Tâk-kha nangni’n kei ṭonghri chu rangei mak chei, heitea donmak cheia kae.

JEREMIAH 4:1

Rōngpu’n ahri, “Israel mipuihei, nanhong inle hnōm inchu kahnenga hong inle jo ruh. Kahnenga taksenthei nanchang inchu ke’n kamater limhei kha hlonsōt hei ruh,

EZEKIEL 18:19

“Tâk-kha nang in nati, ‘Apa setna jâra heisa mo asapa kha inrengna achen mak sik?’ Khava ṭong masônna khachu sapa khan akadik leh akaṭha atlo jâra kae. Ama’n kadân ajui khana insing theitak a ajui hei, khava jâra ama akahring nger sik kae.

EZEKIEL 18:31

Ṭhatmak nantatlo rakip kha bâng ruh, malung ther leh mandonna ther kha chen ruh. Heisa mo Israel nangni akathi hnōm chei?

EZEKIEL 18:32

Chunghnung Rōngpu’n ati, “Nangni tûte inkhat akathi sik madu mak eng. Nansetna inphut hong inhe ruh khana hringna chen ruh.”

EZEKIEL 33:11

Manthei hei roh, kei hi Chunghnung Rōngpu kachangkhet jâra, setna karônhei thina en-hnâm sik kha kahōi sakmak eng. Ansetnahei anbâng leh akahring sik hei kha ka-enhnōm. Israel, dikmak natlona kha hai jo roh. Heisa mo akathi hnōm che?

HOSEA 14:1

Israel mihei, Rōngpu nan-Pathen hneng hong inle ruh. Nanset na’n amanpai cheia amantlû jo chei.

HOSEA 14:4

Rōngpu’n ati, “Kamihei kahnenga kaheiṭhōi male sik hei. Kamalung pumpuia kalungset sik hei; anchunga kahnuk natnôk mak jo ning;

HOSEA 6:1

Mipui he’n anti, “Rōngpu hneng inle jo rih! Ama’n nitak amantôn jo me, tâk ama’n amandam nger sik me; ama’n amantôn jo me, tâk ninat bi kha akatōmpek sik me, tlomak ning mo?

JOEL 2:12

Tâk Rōngpu’n ahri, “Buhngōi, ṭap leh ṭajai sui pum a, malung inthengtak a nanmalung thleng ruh.

MALACHI 3:7

Nangni mak hma nanpu-nanpahei kapōa, kei dân a inphut inhesōt jo chei khana nitmak jo chei. Kei hneng hong inhe ruh, khan chu ke’m nanhnenga hong inhe sik eng. Tâk-kha nangni’n nander, ‘Nahnengting hong inhena sik heimo kantatlo sik?’