ṬŌNTLOHEI 7:32 - LEKHARABU INTHENG (BSI)

³² ‘Kei hi Abraham, Isaac khana Jacob Pathen leh nanpi nanpuhei Pathen eng kae.’ Khavakha athei pha aṭit reia Moses kha innok jo khana en sik lei-en ngammak jo.

ṬŌNTLOHEI 7:32 ပူးပေါင်းရင်းမြစ်များ

A’NPHUTNA 26:24

Khava jân a Rōngpu’n Isaac hneng inlâra, “Kei napa Abraham Pathen eng kae. Ṭimak roh; ke’n ka’nṭhōipui che. Ke’n nang vâng kapek sik che. Kasōk Abraham hnenga kaṭong leitep jâra nang sōn leh pâr katamtak kapek sik che,” ati.

A’NPHUTNA 50:24

Ama’n asōpuihei hneng, “Kathina sik kahnai jo, tâk Pathen in nangni a-en kaṭha sik chei khana hiva ram a inphut Abraham, Isaac leh Jacob hneng kalûrtak a ale’ntepna ram a khan aṭhōi sik chei,” ati.

RENGHEI INKHATNA 19:13

Elijah’n kha athei pha, azakkō vâng khan ahmai amakhua kasōksōt a hlungkhur hlutna tak a khan kangira kae. Kare inkhat in ahnenga ati, “Elijah, hin nang heimo natlo?”

JOB LEKHARABU 4:14

Kei innok enga inthing eng; kataksa akhenga ṭitna’n innok jo eng.

HLAHEI 89:7

Mi intheng hei intûpna khan nang ankaja che; khana nang kajana ankhenga inding hei.

SŌKSŌT 3:15

Anpu sōnhei Pathen, Abraham, Isaac leh Jacob Pathen Rōngpu Ke’n nang hi anhnenga katir che kae ti hi Israelhei kha hripek heiroh. Hivahi ahei tik a karahming kha kae; hivahi hnunga khang rakip in antabekna sik eng kha kae.

SŌKSŌT 3:6

Kei napa-napu Abraham, Isaac leh Jacob hei Pathen eng kae,” ati. Khava jâra Moses kha ahmai amakhu jo, ajârchu Pathen ka-en sik kha aleiṭit a kae.

SŌKSŌT 33:20

Kahmai chu manhmu mak che ning, ajârchu tu inkhat in ahmutor mak ning khana ani kahmu kha’m hringmak ning,

SŌKSŌT 4:5

Rōngpu’n ahria, “Rōngpu, anpu sōnhei Pathen, Abraham, Isaac leh Jacob hei Pathen kha nahnenga inlâr ti hi a’nchênna sik a hivahi anhnenga tlopek heiroh,” ati.

MATTHEW 17:6

Sonlehei khan kha anthei pha, kaṭihêr jo heia anhmai raleia andima katlu jo hei.

MATTHEW 22:32

‘Kei Abraham Pathen, Isaac Pathen, khana Jacob Pathen eng kae,’ ati. Ama chu akathihei Pathen kha changmak, akahring hei Pathen kae.”

MATTHEW 22:46

Jesu kha tûte’n masôn tor mak jo hei, khana khava ninga inphut tûte’n ṭong der ngammak jo hei.

LUKE 5:8

Simon Peter in omchen kasōk kha ahmu pha, Jesu ke hma inkuna, “Rōngpu, kei mikase eng kachang jâra keia inphut asesōt pek jo roh,” atia kae.

ṬŌNTLOHEI 3:13

Nipi leh nipusōnhei Pathen, Abraham, Isaac, khana Jacob Pathen khan asōkpa Jesu chunga marvân lûrna aleipek jo. Nangni’n ama kha ṭong kaneihei kut chunga nanpek sōt a, Pilate in masō sik ati kapha’m nangni hnōm mak chei.

ṬŌNTLOHEI 7:31

Khava ahmu kha Moses’n inlak aleisak hêra, a’nchêndetna sik a thing bur kha avahnai. Khana Rōngpu kare kha hing’hin aleithei:

HEBREWHEI 11:16

Khava kanek a akaṭhachet ram, marvântinga ram kha antarangei jôk kae. Khava jâra Pathen in anmani Pathen a’nti sik kha inzak mak, ajârchu ama’n khōpui inkhat anmani sik amantluk pek jo hei.

ṬONGPHÔNG 1:17

Ke’n ama kha kahmu pha, akathi kapōa akekunga katlu jo eng. Ama’n akut changting kachunga ada a ahri, “Ṭimak roh! Kei a’nphutna leh a’nchaina eng kae.