ṬŌNTLOHEI 6:9 - LEKHARABU INTHENG (BSI)

⁹ Tâk-kha ning leh hnōma Masōhei intûpna inn (anleibekna rahming) a ṭōnkarôn mi ṭhahrep hei leh Cyrene leh Alexandria Jehudihei inveina ama anleidek a kae. Anmani rōk changloa Cilicia leh Asia ram a inphut akahong Jehudi-lak he’num Stephen chunga dekna anleinei manphut joa kae.

ṬŌNTLOHEI 6:9 ပူးပေါင်းရင်းမြစ်များ

MATTHEW 10:17

Insing thei ruh, ajârchu nangni kasur sik leh ṭongtan hmun a nankakei mi hong kasōk sik hei, anmani’n intûpna innheia anvōk sik chei.

MATTHEW 23:34

Khava jâra ke’n kahri pek chei kae sânkathemhei, mikasinghei leh ojahei kajōngtir pek sik chei; ṭhahrep nanthat sik, alak thingrakea nanmakhei sik, ṭhahrep nan-intûpna innpui heia nanrachâk sik, khana khōpui inkhat a inphut inkhat a nanhnong kathek sik hei.

MATTHEW 27:32

Anmani khanga anhei sōksōt lai Cyrenea pase inkhat arahming Simon inti anhmua, sepei he’n Jesu thingrake kha rumhrat a anmandoma kae.

MARK 13:9

“Nangni nanbinga a’nsingthei nger sik chei kae. Nangni ansur sik chei khana ṭong tanna hmun a ankeisō sik chei. Khana intûpna innpui heia anvōk sik chei, kei sik a ṭong kaṭha nanva hripekna heia vaikarônhei leh renghei hmaikunga kangir sik chei.

LUKE 21:12

Hihei seng hi asōk mak hma, nangni ansur sik chei khana anmanrim sik chei; intûpna innheia ṭong tan sik a anpek sōt sik chei khana kurkhum a ankhum sik chei; kei jâra renghei leh vaikarônhei hmaikunga ankeimanhlut sik chei.

ṬŌNTLOHEI 11:20

Tâk-kha Cyprus leh Cyrenea inphut akava takkasen alak-hei khan chu, Antioch a kase heia Rōngpu Jesu chungchâng leh ṭong hi Jât-hlop hei hneng um anleiphôngle jo.

ṬŌNTLOHEI 13:1

Antioch Bekrup a khan sânkathem leh oja ṭhahrep leika-om hei; khahei khachu: Barnabas, Simeon (Akadum intipa). Lucius (Cyrenea inphut), Manaen (Herod leh sei kalensōm), khana Saul hei hi kae.

ṬŌNTLOHEI 13:45

Mipui intûp kha Jehudi he’n anhmu hei pha, thangsetna leikasip jo heia Paul ṭonghri hei kha andema inzakna anleipek jo.

ṬŌNTLOHEI 15:23

khana hiva ṭong hi anleimanrôn hei: “Nansōpui, Sonle leh upa, keini seng in, Antioch, Syria leh Cilicia a ka-om, Jât-hlop a a’njōr kansōpui nankhenga kanhei chibei chei.

ṬŌNTLOHEI 15:41

Syria leh Cilicia ahroa kasea, Bekrup-hei kha aleisuk manhnet heia kae.

ṬŌNTLOHEI 16:6

Asia ram rajeia ṭong anphôngna sik a Rathla Intheng in aphemak jâr heia Phrigia leh Galatia ramṭhen anhroa leikase jo hei.

ṬŌNTLOHEI 18:24

Khava pha Alexandria a a’nte, Apollos inti Jehudi mi inkhat Ephesus a kahong. Ama kha ṭonghri kathemtak leh ṭong intheng kaṭha nenga manhretna kanei mi kae.

ṬŌNTLOHEI 19:10

Khava Asia ramṭhen shunga ka-om mi rakip, Jehudi leh Jât-hlop in Rōngpu ṭong antheisōna sik a kum 2 katlung khang’khan atlo manjôna kae.

ṬŌNTLOHEI 19:26

Tûnchu, hiva Paul intipa’n heimo atlo ti hi nantak khet in nanhmua nanthei jo. Mihring kut a a’nsyem pathenhei hi Pathen chang hêrmak atina hi Ephesus rōk changloa Asia ramṭhen pumpui katlungleoa mihring katamtak amanhnōm jo hei.

ṬŌNTLOHEI 21:27

Tâk-kha ni 7 kha a’nchaiting, Asia ramṭhen a inphut akahong Jehudi ṭhahrep he’n Paul kha Bek-inna anleihmua kae. Anmani’n mipuihei kha anmathok heia Paul kha anleisur jo.

ṬŌNTLOHEI 21:39

Paul in amasôn, “Kei hi khōpui rahming kanei Cilicia khōpui Tarsus hmun a a’nte, Jehudi mi inkhat eng kae. Lungset a mipuihei hneng ṭong amanhri roh,” tia aleingek.

ṬŌNTLOHEI 22:19

Ke’n kalei masôn, ‘Rōngpu, intûpna innpui heia kase enga natakkasen hei kasura kalei vōk hei kha anmani’n kaṭhadek a anmanhret.

ṬŌNTLOHEI 22:3

“Kei hi Cilicia ram a Tarsus khōpuia a’nte Jehudi eng kae, tâk Gamaliel hnenga them inchu inkhat a hiva Jerusalema hin sei hong kalen eng. Tuninga hiva hmun a aka-om nangnihei seng kapōa Pathena a’npesōt, nipusōnhei dân hi kahnettak a mantheina ahong kachen inkhat eng kae.

ṬŌNTLOHEI 23:34

Lekha manrôn kha ram vaikarôn in ateia khana Paul kha hei ramṭhen a che mo tia aleider. Ama kha Cilicia ram a inphut kae ti kha amanhretsōt pha,

ṬŌNTLOHEI 24:18

Hivahi insuk inthengna rōi katorsōa Bek-inna ka-omlai anmani hin anvahmu enga kae. Khava khan mipui leichōrmak hei khana chokchi kaina leiom mak.

ṬŌNTLOHEI 26:11

Pha katamtak intûpna innpui heia ênga kalei karâk hei khana antaksenna anmasōna sik a kaleitlo ri. Anchunga khangtuk hrep kahnuk aleinat jâra ram hlop khōpuihei katlunga’m ankasuk inrim sik a leikase eng.

ṬŌNTLOHEI 6:10

Tâk-kha Stephen kha Rathla’n singna apek achang jâra ṭong ahri pha leimakhe tor mak ri hei.

CORINTHIANHEI INKHATNA 1:20

Chu achang inchu akasinghei, akathemhei, hiva raleichunga mi makhena kathemhei kha khon mo adahlon jo hei? Pathen in hiva raleichung singna hi akamo amanchang jo!

GALATIANHEI 1:21

Khava sōa Syria leh Cilicia hmun heia vakase eng.