ṬŌNTLOHEI 5:31 - LEKHARABU INTHENG (BSI)

³¹ Israel mipuihei hi an-insira ansetnahei rangei mandam anchen theina sik a tûnchu hlamkakei leh huksōtpa inkhat a Pathen in akut changting a’n-ong sik a amatungsōt jo.

ṬŌNTLOHEI 5:31 ပူးပေါင်းရင်းမြစ်များ

LUKE 24:47

khana Jerusalema inphut a jât rakip hneng malung thlengna leh set rangei mandamna sik ama rahminga ṭong inhri inthang sik kae.

ṬŌNTLOHEI 2:33

Ama hi Apa, Pathen kut changting matungsōt a ka-om jo, aṭong leitepna dungjuia ahnenga inphut Rathla Intheng achen jo. Tûntûna nantahmu leh nantathei rakip hi kanchunga aheibun mathlâk kutchoi kha kae.

ṬŌNTLOHEI 11:18

Hivahi anthei pha anṭong masetna kha kahai jo hei khana Pathen anchoi ka-âna, “Pathen in Jât-hlop hei hneng kapha malung thlengna leh hringna pha apek jo hei,” anti jo.

LUKE 2:11

Tuningtak hin David khōpuia nankahuk inhringpa Christa Rōngpu kha jōng inte jo.

ṬONGPHÔNG 1:5

khana taksen ka-om sâkhi kapek akathia inphut ahma inkeipena keimathōi sik khana ralei renghei vaikarôn Jesu Christa a inphut maritna leh lung mōngna nanta chang rasoh. Ama’n alungset me, khana ama a’ntōksōt a athia khan eini nisetna heia inphut ning leh hnōma amasō jo me,

JOHN INKHATNA 4:14

Khana Pa khan asapa kha vânhnōi kahuk inhring sik a ajōngtir kha eini’n nihmu jo khana milak-hei nihri pek heia kae.

HEBREWHEI 2:10

Hivahi akadik kae khachu sa katamtak he’n alûrna kha anchen theina sik heirakip kasyem Pathen khan Jesu kha inrengna dena vânga pui katluk inkhat a asyem sik kha kae.

HEBREWHEI 12:2

A’nphutbia inphut a’nchaina katlung nitaksen inhngatna Jesu kha enṭhak rih. Ama’n thingrake jâra khan aṭōntlo kha leihai mak. Akahai kanek a inpâk na’n ahngâk ṭhak kha amandona thingrake chunga hme kasetak a athi sik kha heite khôk leisak mak, khana tûnhin Pathen len in-ongna changting in-onga kae.

ISAIAH 9:6

Naidông inkhat a’ntet pek jo me! Sapa inkhat apek jo me! Khana ama kha nivai karôn sik kae. Ama kha, “A’nlaktak Mi inse, “Akahrat Pathen”, “Kumsôt Pa”, “Chamna Rengsapa,” a’nti sik kae.

ṬŌNTLOHEI 3:15

Hringna hlam kasâtpa kha nanleithat, tâk thina inphut Pathen in aleimathōi sōt jo, khana khava sâkhi kha keini ung hi kae.

MATTHEW 28:18

Jesu anhnenga kahonga ahri, “Marvân chung leh raleichunga ratha neina rakip anipek jo.

JUDE 1:25

ani kahuk inhring Pathen inkhat rōk hnenga, ni-Rōngpu Jesu Christa jâra, lûrna, kajana, ratha hratna, torna ratha kha a’nphutbia inphut tûn katlung, khana are-rea atâ changṭhak rasoh! Amen.

PETER INHNINA 1:11

Khang’khan ni-Rōngpu leh ani kahuk inhring Jesu Christa kumsôt Rengram hlutna sik pui katluktak ratha kha a’npek sik chei kae.

ṬŌNTLOHEI 2:38

Khava pha Peter in hing’hin aleihri pek hei: “Nansetna rakip a inphut rangei mandam nanchena, Pathen kutchoi pek Rathla Intheng nanchenna sik; nansetna heia inphut nanbing et a he’nhesōt ruh, khana Jesu Christa rahminga tui kahlut chang ruh.

MATTHEW 1:21

Amanu’n sapa inkhat anei sik, arahming Jesu napho sik kae, ajârchu amihei ansetna inphut ama’n ahuksōt sik hei,” ati.

ZECHARIAH 12:10

“David sōn leh pârhei leh Jerusalema mipuihei kha lungsetna leh der hnōmna malung kapek mansip sik hei. Anmani’n antasun hlon mi inkhat kha an-en sik jo, naipang inkhat rōk chunga ṭajaisui kapōa kaṭap sik hei. Sapa hma inkeipen athi pha ṭajai kapōa anmani’n malung kana tak a ansui sik.

PETER INHNINA 1:1

Jesu Christa sonle leh sōk inkhat kachang, Simon Peter in– Ni-Pathen leh Huk inhringpa Jesu Christa dikna vâng keini kapōa mankatam taksenna inkhat apek jo hei hneng kaheimazet kae.

PETER INKHATNA 3:22

Ama marvâna kakea, Pathen changting ka-oma, ngeva rakip leh marvâna vaikarôn rakip khana ratha kanei seng chunga vai arôn jo.

COLOSSIANHEI 1:14

ama’n eini nining nihnōma amasō jo me, ti chu nisetnahei arangei mandam jo.

PHILIPPIANHEI 3:20

Hei-hei achang inum, eini chu marvân ram mi jo me kae, khana marvâna inphut akajōng sik eini Huksōtpa, Rōngpu Jesu Christa kha rangeitak a nihngâk kae.

EPHESIANHEI 1:7

Heijâra mo niti’nchu Christa thisen vânga niset arangei mandam jo, khana ning leh hnōma amasō jo me. Khangtuk hrep a apek me Pathen maritna kha heituk a akalen jo mo,

CORINTHIANHEI INHNINA 2:10

Nangni’n tu mo inkhat amapa a-emak leh amanu’n heimo aleitlo ṭhena chunga nanrangei mandam inchu, ke’num ama karangei mandam. Ajârchu ke’n mi karangei mandam pha khan, heikhat karangei mandam sik achang inchu, hivahi nangni jâra Christa hmaikunga katlo ria kae,

ṬŌNTLOHEI 13:23

David khanghruia inphut Jesu hi Pathen in aṭong intepsa dungjuia Israel mipuihei huksōtpa amanchang jo.

ṬŌNTLOHEI 4:11

Ṭong intheng taleihri kha Jesu ama hi kae: ‘Inn kasak nangni’n nantalei madu mak hlung kha apui karônpen hongkachang jo.’

ṬŌNTLOHEI 3:26

Nanṭhat makna inphut nanhe’n hea, nankhenga mahâmṭhat abukna sik chei, Pathen in asōkpa hi akadeia ahma inkeipena nanhnenga ahei tir jo kae.”

ṬŌNTLOHEI 3:19

Nansetnahei rangei mandam achangna sik, insir una, Pathen langa he’nhe ruh. Hivahi nantlo’nchu

ṬŌNTLOHEI 2:36

“Khava jâra Israel mipui rakip in, inchêntak a nantamanhret sik hichu, nantalei makhei hlon hiva Jesu hi Pathen in Rōngpu leh Messiah amanchangpa kha kae!”

MARK 4:12

hinga achangna sik a kae, khachu: “Anmani’n enchu an-en sik, tâk hmumak hei ning; anmani’n rangei chu anrangei sik, tâk manhret mak hei ning. Ajârchu anmani’n khanga anleitlo’nchu, anmani Pathen hneng he’nle sik jo hei, khana ama’n aleirangei mandam sik jo hei.’”

MARK 2:10

Khan chu Mihring Sapa khan raleichunga setnahei rangei mandamna ratha anei ti hi nanhnenga kamanhmu sik jo chei,” ati. Khana lang kangōipa hnenga,

DANIEL 9:25

Hivahi chîk roh khana manhret roh: Jerusalem athera sak nôkna sik ṭongpek asôkna khana inphut Pathen takadeisōt hlamkakei ajōng mak hma seng kum 7 et kha vōi 7 kathleng sik. Jerusalem kha hlamlenhei leh rekur kangar tak hei insyemther sik hei, khana kum 62 et kha vōi 7 kangir sik, tâk-kha khavakha inrimna pha sik jo kae.

EZEKIEL 37:25

Kasōkpa Jacob hnenga kapeksa, anpu anpahei leiomna ram a ka-om sik hei. Ahei tik a khan ka-om sik hei, khana khan ansōn anpârhei ka-om sik hei. Kasōk David kapō inkhat in ahei tik a vai arôn sik hei.

EZEKIEL 34:24

Rōngpu kei hi an-Pathen kachang sik eng, khana kasōkpa David kapō reng inkhat in anvaikarôn kachang sik. Ke’n kahri jo.

EZEKIEL 17:24

Ram shunga thingkung kahmông rakip in kei Rōngpu eng kae tia anhong manhret sik. Ke’n thingkung inshâng hei kaphûr mathlûk hei khana thingkung kasintek kha kaman khang. Thingbō in-êm hei seng kamanvōi hei khana thing kachâr kha abō kaman-êm. Rōngpu ke’n kahrisōt jo. Tlo sik a kati kha katlosōt sik kae.”

ISAIAH 49:26

Nankasu inrim hei kha anbinga khat leh khat kamanthat sik hei; anmani hnuk natna leh mithatna khan ju inrui kaman-ang sik hei. Khava sōa mi rakip in kei hi Rōngpu eng kae tia anmanhret sik eng. nangni kahuk leh ning leh hnōma insō inkhat kha kae tia. Kei hi Israelhei ratha kaneitak Pathen eng kha kae tia anhong manhret sik jo eng.”

ISAIAH 45:21

Ṭongtan hmun a nanṭong tanna sik heirôn manhlut ruh; a’nhrung sik hei kha inkhat leh inkhat inbek intōk hei rasoh. Heimo akasōk sik kha tenlai khan tu’n mo aleihridek jo? Khava kahri kha amihei kahuksōt Pathen Rōngpu kei kha changmak eng mo? Pathen ralak om mak a kae.

ISAIAH 43:11

“Kei rōk hi Rōngpu eng kha kae, nankahuk tor sik inkhat rōk eng kha kae.

ISAIAH 43:3

Ajârchu kei Rōngpu na-Pathen eng kae, nang kahuksōt, Israel Pathen intheng eng kae. Nang ning leh hnōma masōna sik a ke’n Egypt kha donmak jo ning; Ethiopia leh Seba donmak hei ning.

HLAHEI 89:24

Ke’n ama kha kalungset sik khana ka’nthōpui ṭhak sik; ama kha akator kamanchang ṭhak sik.

HLAHEI 89:19

Hmalai khan, nang in nahlamrin nasōkpa hneng hmangtalâra naleihri, “Rekahrat inthang inkhat hneng inthōpuina kaleipek; mipui kâra kadeisōtpa hneng khan ke’n len in-ongna kapek jo.

PETER INHNINA 3:18

Tâk-kha ni-Rōngpu leh ani kahuk inhringpa Jesu Christa manhretna leh maritnating khang ṭhak ruh. Tûnum ahei tik a’m ama lûrna changṭhak rasoh! Amen.

PETER INHNINA 2:20

Ajârchu ni-Rōngpu Jesu Christa manhretna jâra, raleichunga rumhrat ṭōn kadikmak heia inphut ahei kasōk jo mihei kha hnunga ṭhatmakna hei kha’n asur nôk heia ator nôk he’nchu, ahma inkeia an-omchen kanek a achaina akasechet kachang heia kae.

TITUS 2:13

khanga nikahuk inhringpa Jesu Christa leh akalen Pathen lûrna kha ajō’nlârna pha, vângṭhatna kania ni’nhōrna kha nihngâk a nileiom shung seng sik amanse me kae.

TITUS 2:10

khana annei kha marûk mak hei rasoh. Khava kanek a, antlona rakip chunga ani kahuk inhring Pathen mantheina kha anneina sik ahei tik a anṭhatna leh taksenthei anchangna kha antamalâr sik kae.

TITUS 1:4

Taksenna chen kaneipui kasapa kadiktak, Titus hneng kaheimazet kae. Pa Pathen leh ani kahuk inhring Christa khan malung mōngna leh maritna pek che rasoh.

JOHN 4:42

Anmani’n nuhmei hneng khan anti, “Keini khet in aṭong hri kanthei joa, ama hi vânhnōi kahuk inhringpa akadik khet achang kha kanmanhret a kantataksen jo kae, nang hrina jâra changmak jo.”