ṬŌNTLOHEI 5:20 - LEKHARABU INTHENG (BSI)

²⁰ “Nangni se una Bek-inna vangir ruh, khana hringkhōther chungchânga mipuihei vahri pek hei ruh.”

ṬŌNTLOHEI 5:20 ပူးပေါင်းရင်းမြစ်များ

SŌKSŌT 24:3

Moses kasesōt a mipuihei hneng Rōngpu ṭongpek leh chôndân sik rakip kha aleimanthei hei khana mi rakip hei khan, “Rōngpu’n ahri rakip kha kantlo sik,” tia anleimasôn.

ISAIAH 58:1

Rōngpu’n ati, “Nator chenna ông roh; kami Israelhei kha ansetna chungchânga manthei hei roh.

JEREMIAH 26:2

Rōngpu’n kahnenga ahri, “Bek-inn sumpuk a ngir roh, khana Judah khōpui heia inphut khava hmun a kamukna sik a akahong mi rakip hei hnenga nahri sik a ṭong kapek che rakip hei kha phôngsōt pek hei roh.

JEREMIAH 36:10

Khava pha, mi rakip in anrangei pha, lekha inze shunga kahri rakip hei kha Baruch in ateisōt a kae. Hivahi Bek-inn shunga, reng inna lekha inzetpa, Shaphan sapa Gemariah innden shunga atei kae. Ama innden kha Bek-inn Kekot Ther hlutna chunga sumpuk hnenga kae.

EZEKIEL 33:7

“Tûnchu, Akathithei mihring, Israel jât-hei sik a repa kahngâk kamanṭang jo che kae. Ke’n kapek che gîkna kha anhnenga namathlung sik kae.

MATTHEW 10:27

Inthim thōia ke’n nanhnenga kahri hi khōvâra nangni’n nanta hri manther nger sik kae, marûk katia nantathei kha inn chunga nanta hrimanthang nger sik kae.

MATTHEW 21:23

Jesu Bek-inna kahong nôk a; ama’n mi amanthei lai hei thempu kalenhei leh upahe’n ahnenga kahong heia anleider, “Hihei tlosōtna sik a heiratha mo nanei? Tu’n mo hiva ratha hi apek che?”

JOHN 12:50

Khana ama ṭongpek khan kumsôt hringna ajōng rôn ti ke’n kamanhret. Khava jâra ke’n kahri hei hi Pa khan hri sik a amanthei eng kha kae.”

JOHN 17:3

Khana kumsôt hringna ti hi chu nang, akadik Pathen inkhat rōk, manhret hi leh najōngtir Jesu Christa manhret hi kae.

JOHN 17:8

Ajârchu nang in napek eng ṭongpui kha ke’n anmani kapek heia, anrahlâng jo; nang in najōngtir enga nanga inphut kei kajōngna ṭong hi kadik tia anmanhret jo.

JOHN 18:20

Jesu’n amasôn, “Ke’n ahei tik a mi rakip hneng inphôngtak a ṭong kahri; mi rakip intûpna Bek-inna leh intûpna innheia kamanthei hei. Ke’n heite marûk a hrihêr mak eng.

JOHN 6:63

Hringna kapek kha Rathla kae; taksa chu ahnemna heite om mak. Ke’n nanhnenga kaleihri jo ṭong khan hringna kapek Pathen Rathla kha ajōng rôn.

JOHN 6:68

Simon Peter in amasôn, “Rōngpu, tu hneng mo keini akase sik ung? Nang in kumsôt hringna kapek ṭong kha nanei kae.

ṬŌNTLOHEI 11:14

‘Ama’n ahri pek sik chei ṭong vâng khan nang leh na-innshung nankhenga hukmanhring nanchen sik,’ tia aleihrina kha’m ahri peksa ung.

ṬŌNTLOHEI 13:26

“Abraham sōn, Israel kasōpuihei leh Pathen inmuk sik a hiva hmun a ka-om Jât-hlop hei: hiva hukmanhringna ṭong hi eini sik mônga ajōng-intir jo kae!